13 Октябр, 2026, 2 Жумадул аввал, 1448
13 Октябр, 2026, 2 Жумадул аввал, 1448
Яхши келдинг, эй шарофатли азиз меҳмонимиз,
Интизор эрди йўлингда дийдаи гирёнимиз,
Эй кўнгиллар истаги, маҳбубимиз, жононимиз,
Ўртанур шавқинг била бу сийнаи сўзонимиз,
Тийра кулбамиз ёрутдинг, эй маҳи тобонимиз.
Жилвалар айлаб саодат буржида, эй навниҳол,
Юз очиб, қилдинг намоён нозанинлардек жамол,
Барқарор ўлғил камолот авжида кўрмай завол,
Хуш келибсан, кетмағил, то умримиз борича қол,
Кечсин эмди сен била қолган ҳаёти фонимиз.
Дилҳазинларни қудуминг шоду хандон айлади,
Кечамизни партави моҳинг чароғон айлади,
Ҳар саҳар субҳинг насими анжумафшон[i] айлади,
Сен туфайли Тангри неъматлар фаровон айлади,
Ҳайри баркат келганинг моҳи шариф рамадонимиз.
Қайси бир мадҳинг рақам қилгай сенинг, эй яхши зот,
Улки мўмин баҳравар сендин ҳаёту ҳам мамот,
Эй карамбахшу сахолик, боиси хайру закот,
Топғуси бечоралар сен бирла тангликдин нажот,
Хайри мақдам, эй фазилатли маҳи ғуфронимиз.
Таърихи ҳижратга ўтгач икки йил ул биру бор,
Бандаларга рўза тутмоқ амрин этди ошкор,
Эҳтиром ила тутинг одобини, эй рўзадор,
Кони хислат, хосиятбахшу маҳи раҳматнисор,
Бир улуғ неъматки, бизга туҳфаи раҳмонимиз.
Ассалом, эй моҳи олий, хуш келибсан, марҳабо,
Эй ғубори хоки пойинг дийдаларга тўтиё,
Қилмадик шойиста амринг, тутмадик шартинг бажо,
Бўлғумиз афв этмасанг, шармандаи явмил-жазо,
Ул куни сўрганда биздин адл ила султонимиз.
Ҳақ таоло бизга кўп лутфу иноят айлади,
Сен каби бир моҳи раҳматни каромат айлади,
Холисанлиллоҳ агар ким сенга хизмат айлади,
Они Тангрим лойиқи дийдору жаннат айлади,
Иллати журму гунаҳлар дардига дармонимиз.
Жумла ойлардин фазилатли, муборак номсан,
Бенаволарга саховатли улуғ айёмсан,
Соим[ii] аҳлини зиёфат қилғучи ҳар шом сан,
Раҳматидин Жабраилдек қосиди пайғомсан,
Хайрхоҳу журмпўшу[iii] пардаи нуқсонимиз.
Мушкбўйи файзи субҳингдин муаттардур димоғ,
Рўшнойи лайлатил-қадрингда юлдузлар чироғ,
Ғафлат аҳли уйқуда бебаҳра, кундуз кун синоғ,
Яхшилар бедор ўлиб, тунлар фароғатдин йироғ,
Айлашиб хатму тиловат ҳофизи қуръонимиз.
Эй маҳи ашраф[iv], фазилат сенда беҳад бордур,
Ҳам савобинг беҳисобу ҳикматинг бисёрдур,
Сусти ҳозим[v], заъфи меъда бирла ким бемордур,
Ҳикматинг бу дарду иллатга шифо изҳордур,
Ҳар маризу[vi] ҳар тани бемора сен Луқмонимиз.
Бизни, ё Раб, яхшиларнинг зумрасига қил вусул,
Журмимизни мағфират қил, айла раҳматга духул,
Айбу нуқсон бирла тутган рўзамизни қил қабул,
Бу Суҳайлий осийнинг сендин мудом уммиди шул,
Вақти риҳлатда саломат айлагил иймонимиз.
[i] анжумафшон — юлдуз сочувчи, нур сочувчи
[ii] соим – рўзадор
[iii] журмпўш – айбларни ёпгувчи
[iv] ашраф – энг улуғ
[v] сусти ҳозим – ҳазм тизимининг бузилиши
[vi] мариз – касал
Дадахон қори Суҳайлий
Ўзбекистон Республикаси Туризм қўмитасида “Air Arabia” авиакомпанияси вакиллари билан учрашув бўлиб ўтди.
Ўзбекистон Республикаси Туризм қўмитаси матбуот хизмати кўра, мулоқотда Ўзбекистон ва “Air Arabia” ўртасидаги ҳамкорликнинг бугунги ҳолати, мавжуд авиақатновлар, янги йўналишларни йўлга қўйиш ҳамда авиакомпаниянинг кенг халқаро тармоғидан фойдаланган ҳолда Ўзбекистоннинг туристик имкониятларини хорижий бозорларда илгари суриш масалалари кўриб чиқилди.
Бугунги кунда “Air Арабиа”нинг Ўзбекистондаги йўналишлар тармоғида Тошкент ва Наманган шаҳарлари мавжуд бўлиб, Тошкентдан Шаржа ва Абу-Даби йўналишларида ҳафтасига 13 та авиақатнов амалга оширилмоқда.
Учрашув давомида Самарқанд, Бухоро, Хива ва бошқа туристик марказларга янги тўғридан-тўғри авиақатновларни йўлга қўйиш, Тошкент–Шаржа ва Тошкент–Абу-Даби рейслари частотасини ошириш, Европа, Яқин Шарқ, Осиё ва Шимолий Африка бозорларидан Ўзбекистонга транзит туристларни жалб қилиш бўйича таклифлар муҳокама қилинди.
Шу билан бирга, “Air Арабиа”нинг рақамли платформалари ва мақсадли бозорларида Ўзбекистон туризмини тарғиб қилиш, махсус туристик пакетлар ва қўшма маркетинг кампанияларини ишлаб чиқиш, блогерлар, инфлюенсерлар, туроператорлар ҳамда ОАВ вакиллари учун инфотурлар ташкил этиш масалаларига алоҳида эътибор қаратилди. Жумладан, “Air Arabia” томонидан Ўзбекистонга инфотурларни ташкил этишда инфлюенсерлар ва блогерларнинг авиачипта харажатларини қоплаш бўйича амалий кўмак кўрсатилиши маълум қилинди.
Шунингдек, Европадан Ўзбекистонга келаётган сайёҳлар оқимининг ортиб бораётгани қайд этилиб, ушбу бозорларда мамлакатнинг туристик имкониятларини янада фаол тарғиб қилиш муҳимлиги билдирилди. Томонлар, авиакомпания бортларида Ўзбекистоннинг туристик салоҳияти ва мамлакатдаги туристик йўналишлар ҳақида ахборот материалларини жойлаштириш ҳамда уларни Европа ва бошқа мақсадли бозорлардаги йўловчилар орасида тарғиб қилиш бўйича ҳамкорлик қилишга келишиб олди.
Компания “Умра плюс” лойиҳасини қўллаб-қувватлаш ва ушбу йўналишни туристик маҳсулот сифатида ривожлантириш бўйича ҳамкорлик қилишга тайёр эканини билдирди.
“Air Arabia” вакиллари Ўзбекистоннинг сўнгги 10 йил давомида туризм соҳасида тубдан ўзгарганини қайд этди. Мамлакатда замонавий ва юқори тоифали меҳмонхоналар сони кўпайгани, жойлаштириш воситалари тармоғи кенгайгани ҳамда туристик объектлар инфратузилмаси сезиларли даражада яхшилангани таъкидланди.
Учрашув якунида туристик оқимни ошириш ва авиақатновлар орқали туризм соҳасини ривожлантиришга қаратилган қатор амалий келишувларга эришилди. Эришилган келишувлар “Air Арабиа”нинг халқаро маршрутлар тармоғидан самарали фойдаланган ҳолда Ўзбекистонга янги туристик бозорлардан ташриф буюрувчиларни жалб қилиш, авиақатновлар географиясини кенгайтириш ва мамлакатнинг туристик имкониятларини халқаро майдонда янада кенг тарғиб этишга хизмат қилади.
Бундан ташқари, “Air Arabia” вакиллари ноябрь ойида бўлиб ўтадиган «Ипак йўлида туризм» 31-Тошкент халқаро туризм ярмаркасида иштирок этишга таклиф этилди. Компания вакилларига ярмарка доирасида ўтказиладиган Инвестиция форуми ҳамда MICE-туризм конференциясида иштирок этиш бўйича ҳам таклифлар билдирилди.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 