03 Август, 2026, 20 Сафар, 1448
03 Август, 2026, 20 Сафар, 1448
Жорий йилнинг 5-6 апрель кунлари кўриш, эшитиш ва нутқида имкони чекланганлар билан Бухоро вилоятига MUSLIM TOUR томонидан зиёрат уюштирилди.
Бухорода зиёратчиларни MUSLIM TOUR ходимлари гидлар билан биргаликда кутиб олишди. Бухоро шаҳридаги “Мир араб” мадрасаси, “Масжиди Калон” масжиди, Лаби ҳовуз, “Баҳоуддин Нақшбанд”, “Саййид Мир Кулол” зиёратгоҳларига саёҳат уюштирилди.
Зиёрат давомида кўзи ожиз инсонларимизга эшитиш ва нутқида имконияти чекланганлар ихлос билан ёрдам беришди. Иккита жамият аъзоларини бир-бирларини қўллаб-қувватлашлари атрофдаги инсонларнинг кўз ёшларига сабаб бўлди.
Автобусда зиёратгоҳларга кетаётган вақтда кўзи ожизлар томонидан айтилган гўзал нашидларга кар-соқовларимиз ихлос билан, ўз ҳаракатлари билан биргаликда қўшилиб жўр бўлдилар.
Зиёратдан гўзал таассуротлар билан қайтар эканмиз, кўзи ожиз Абдураҳим хожи отанинг сўзлари юракларга муҳрланди: “Зиёратни ташкил қилганлар, ҳомий бўлганлар, бизларга зиёрат вақтида ёрдам берган яқинларимизга чин қалбимиздан миннатдорчилик билдирамиз. Алҳамдулиллаҳ, илм маркази бўлиб келган Бухорога боришдек орзуимни ушалиши мени беҳад қувонтирди”
Зиёратни ташкил қилишда имконияти чекланганлардан иккита жамият аъзоларини бирга олиб кетиш бир оз қийинчилик туғдириши мумкинлигини ўйлаган эдик. Аммо аксинча, улар имконияти чекланган бўлишига қарамасдан бир-бирларига чин юракдан ёрдам беришларини кўриб хурсанд бўлдик.
Имконияти чекланганлар MUSLIM TOUR раҳбари Б.Тошпўлатов ва барча ходимларга, “Вақф” хайрия жамоат фондига, ҳомийларга ўз миннатдорчиликларини изҳор қилишди.
Аллоҳ таоло уларга кўнгли ярим инсонларнинг кўнглини олиб, Каъбани обод қилганлик савобларини насиб этсин!
Мунира АБУБАКИРОВА
Ўзбекистон мусулмонлари идораси мутахассиси
Сўнгги йилларда мамлакатимизда қайта тикланувчи энергия манбаларидан кенг фойдаланиш ва экологик барқарорликни таъминлашга алоҳида эътибор қаратилмоқда. Ушбу эзгу ташаббус доирасида юртимиздаги масжидларда ҳам қуёш панеллари ва гелеоколлекторларни ўрнатиш ишлари изчил давом эттирилмоқда.
2026 йил 29 июль ҳолатига кўра асосий кўрсаткичлар:
Республика бўйича фаолият юритаётган 2 161 та масжиддан:
1 910 таси (88,4%) қуёш панеллари билан таъминланди (умумий қуввати — 14,3 МВт / 14 315,5 кВт);
1 020 таси (47,2%) иссиқ сув таъминоти учун гелеоколлекторлар билан жиҳозланди (умумий сиғими — 206 470 литр).
Ҳудудлар кесимида етакчилар:
Тўлиқ қамров: Қорақалпоғистон Республикаси, Сирдарё, Хоразм ва Қашқадарё вилоятларидаги деярли барча масжидларга қуёш панеллари ўрнатиб бўлинди.
Энг юқори қувват: Тошкент шаҳри (2 559 кВт), Тошкент вилояти (1 706 кВт) ва Самарқанд вилояти (1 436,5 кВт) етакчилик қилмоқда.
Гелеоколлекторлар бўйича: Андижон (182 та), Наманган (181 та) ва Тошкент вилояти (172 та) масжидларида энг юқори кўрсаткичлар қайд этилди.
Қайта тикланувчи энергия тизимларининг жорий этилиши электр энергияси ва табиий газ сарфини сезиларли даражада камайтириб, масжидларнинг коммунал харажатларини қисқартириш ҳамда атроф-муҳит муҳофазасига муносиб ҳисса қўшиш имконини бермоқда.
Келгусида қолган 251 та масжидга қуёш панеллари ва 1 141 та масжидга гелеоколлекторларни босқичма-босқич ўрнатиш ва республикадаги сиғимларни тўлиқ «яшил энергия»га ўтказиш режалаштирилган.
Нодирбек Қодиров,
Ўзбекистон мусулмонлари идораси
Масжидлар билан ишлаш бўлими мутахассиси
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 