Сайт тест ҳолатида ишламоқда!
17 Ноябр, 2026   |   7 Жумадул сони, 1448

Тошкент шаҳри
Бомдод
05:51
Қуёш
07:08
Пешин
12:13
Аср
15:21
Шом
17:05
Хуфтон
18:21
Bismillah
17 Ноябр, 2026, 7 Жумадул сони, 1448
Мақолалар

Фарзанд тарбияси

23.07.2024   10304   2 min.
Фарзанд тарбияси

Бугунги энг катта глобал муаммолардан бири — фарзанд тарбияси. Фарзандни чиройли тарбиялаш бандага берилган энг катта бахт десак хато қилмаган бўламиз. Бугун аксарият ота-оналар фарзандларининг тарбиясидан хавотирда. Ҳатто фарзандидан қўрқиб яшайдиган ота-оналар ҳам бор.

Баъзи кекса ота-оналар ноқобил фарзандларини зикр қилиб: «Шуларнинг боридан йўғи яхшийди. Ёшлигида ўлиб қўя қолмаган экан. Катта бўлса роҳатини кўраман, деган эдим, қайтага ташвишларим ҳам катталашиб кетди. Булар мани тириклайин гўрга тиқадиган бўлди. Наҳотки, бир парча этлигидан, катта умидлар билан улғайтирсангу катта бўлгач ўз фарзандинг ўлимингни кутиб яшаса», каби гаплар инсоннинг қалбини оғритади.

Дарҳақиқат, кексаликда ҳар-бир инсон фарзандининг ширин муомаласи, самимий хизмати, меҳрга тўла кўзлари унинг учун ҳамма нарсадан кўра муҳимлигини англаб етади. Лекин, минг афсуски, фарзандни ана шундай гўзал инсон бўлишини фақат Ислом дини таълимотларигина таъминлай олишини, у учун ёшлигидан одоб-ахлоққа кўпроқ эътибор бериш лозимлигини кўпчилик ота-оналар кеч тушуниб етишади.

Пайғамбаримиз соллаллоҳу алайҳи васаллам: «Мен сизларга гўзал хулқларни тамомила ўргатиш учун Пайғамбар қилиб юборилдим», – деб бежиз айтмаганлар. Ҳамма бахт гўзал ахлоқда. Шунинг учун ҳам Расулуллоҳ соллаллоҳу алайҳи васаллам: «Ҳеч бир ота-она фарзандига гўзал хулқдан кўра фойдалироқ бирор нарсани мерос қолдира олмайди», деганлар. Фарзандларимиз гўзал хулқли инсон бўлишини, нафақат ўзимизга балки ортимиздан бошқаларга ҳам кўз қувонч бўлиб, бизга раҳмат эшиттириб юришини хоҳлаймизми? Унда уларга, албатта, Расулуллоҳ соллаллоҳу алайҳи васалламни танитайлик!

  Ул Зотни олтиндан қиммат ўгитларини фарзандларимизга ўргатайлик! Чин мусулмон бўлишига эътибор қаратайлик. Ислом нажот кемаси, саодат йўли. Уни йўлбошчиси Пайғамбар соллаллоҳу алайҳи васаллам. Ким у кемага чиқса, инсонни ҳалок қилувчи ҳаёт муаммоларида ғарқ бўлмайди. Ким бу йўлда юрса ҳаёт зулматларида қолиб хор бўлмайди… Бундан бошқа нажот йўли йўқ.

Фарзандларимиз айниқса, уларга суяниб қолганимизда ҳақиқий тиргак бўлишлари учун суннат билан суғорилган бўлишлари шарт. Йўқса, кексайганда ана ўша фарзандидан дили оғриган, кўзи ёшланган инсонларнинг бирига айланиб қолишимиз мумкин. Бундай бўлишидан ҳаммамизни Аллоҳ асрасин! Аллоҳим ҳаммаларимизга аҳли аёл ва бола-чақаларимиздан кўз қувончини ато этсин!

Манбалар асосида тайёрланди

 

Расулхон Қориев,
Поп тумани “Ғойиб ёронлар” жоме 
масжиди имом-хатиби

Мақолалар
Бошқа мақолалар
Янгиликлар

Диний идорада янги тайинланган ходимлар учун ўқув-семинари ўтказилди

17.11.2026   1887   1 min.
Диний идорада янги тайинланган ходимлар учун ўқув-семинари ўтказилди

Бугун, 17 ноябрь куни Ўзбекистон мусулмонлари идорасида янги лавозимга тайинланган ва бошқа ишга ўтказилган диний соҳа ходимлари учун махсус ўқув-семинари ташкил этилди. Мазкур тадбирда жами 14 нафар ходим, жумладан, имом-хатиблар, имом ноиблари ва туман бош имом-хатибларининг хотин-қизлар масалалари бўйича ўринбосарлари иштирок этди.

Тадбирда Диний идоранинг Кадрлар бўлими бошлиғи Салоҳиддин Шерхонов меҳнат интизоми ва кийиниш маданиятига қатъий амал қилиш, лавозим йўриқномалари асосида фаолият олиб боришга эътибор қаратиш лозимлигини уқтириб, соҳа ходимларига тегишли қатор муҳим масалаларни ҳаётий мисоллар орқали атрофлича тушунтирди.

Шунингдек, Масжидлар билан ишлаш бўлими етакчи мутахассиси Ҳумоюддин Ҳусниддин ўғли ходимларга фаолиятни баҳолашнинг KPI тизими ва “Muftiy.uz” платформасидан самарали фойдаланиш йўллари ҳақида маълумот берди. Фатво маркази бош мутахассиси Абдулатиф домла Турсунов эса замонавий фатволарга тўғри ёндашиш тартибларини тушунтириб ўтди.

Якунда янги тайинланган ходимлар ички меъёрий ҳужжатлар билан яқиндан таништирилди. Шунингдек, уларнинг келгуси фаолиятларида улкан муваффақиятлар тилаб, хайрли дуолар қилинди.

 

Ўзбекистон мусулмонлари идораси

Матбуот хизмати

Диний идорада янги тайинланган ходимлар учун ўқув-семинари ўтказилди Диний идорада янги тайинланган ходимлар учун ўқув-семинари ўтказилди Диний идорада янги тайинланган ходимлар учун ўқув-семинари ўтказилди Диний идорада янги тайинланган ходимлар учун ўқув-семинари ўтказилди Диний идорада янги тайинланган ходимлар учун ўқув-семинари ўтказилди Диний идорада янги тайинланган ходимлар учун ўқув-семинари ўтказилди
Ўзбекистон янгиликлари