Сайт тест ҳолатида ишламоқда!
13 Июн, 2025   |   17 Зулҳижжа, 1446

Тошкент шаҳри
Бомдод
03:04
Қуёш
04:49
Пешин
12:28
Аср
17:38
Шом
20:00
Хуфтон
21:38
Bismillah
13 Июн, 2025, 17 Зулҳижжа, 1446

Расулуллоҳ соллаллоҳу алайҳи васалламнинг кўзлари намланган ҳолатлар

16.11.2018   10960   6 min.
Расулуллоҳ соллаллоҳу алайҳи васалламнинг кўзлари намланган ҳолатлар

Расулуллоҳ соллаллоҳу алайҳи васалламнинг аввалгию охирги гуноҳлари кечирилган бўлишига қарамай, у зот соллаллоҳу алайҳи васаллам гоҳ Аллоҳ таолодан қўрқиб, гоҳида эса умматлари учун раҳмат ва шавқатдан йиғлардилар. Баъзи ҳоллар Расули акрам соллаллоҳу алайҳи васалламнинг муборак кўз ёшлари оқишига сабаб бўларди. 

Ё Аллоҳ! Умматим, умматим

Абдуллоҳ ибн Масҳуд розияллоҳу анҳудан ривоят қилинади. Набий соллаллоҳу алайҳи васаллам “Қуръондан қироат қил!”, дедилар. “Сизга нозил бўла туриб, мен ўқийми?”, дедим. У зот “Ҳа”, дедилар. “Нисо сурасидан тиловат қила бошладим ва Ҳар бир умматдан (ўз пайғамбарини) гувоҳ сифатида келтирганимизда ва Сизни (эй, Муҳаммад!) уларга гувоҳ қилиб келтирганимизда, (уларнинг ҳоли) не кечур?! оятига етганимда у зотга қарасам, йиғлаётган эканлар!” (Имом Аҳмад ривояти).

Абдуллоҳ ибн Амр ибн Ос розияллоҳу анҳудан ривоят қилинади: “Набий соллаллоҳу алайҳи васаллам «Эй Роббим, албатта у(санам)лар одамлардан кўпини адаштирдилар. Бас, ким менга эргашса, у мендандир» ва «Агар уларни азоблайдиган бўлсанг, бас, албатта, улар Сенинг бандаларинг. Агар уларни мағфират қиладиган бўлсанг, бас, албатта, Сенинг Ўзинг ғолиб ва Ҳикматли Зотдирсан» оятларини тиловат қилдилар ва икки қўлларини кўтариб: “Ё Аллоҳ! Умматим, умматим!”, деб йиғладилар!”

Шунда Аллоҳ азза ва жалла айтди: “Эй Жаброил! Муҳаммадга бор, ҳолбуки Роббинг билувчироқдир, ундан, сени нима йиғлатди, деб сўра”, деб амр қилди. Бас, Жаброил алайҳиссалом у зотнинг олдига келиб, Аллоҳ таолога у зотнинг айтган гаплари хабарини берди. Ҳолбуки, У биливчироқдир. Аллоҳ таоло эса: “Эй Жаброил! Муҳаммадга бор ва унга, албатта сени умматинг борасида рози қиламиз”, деб айт, деди”. 

Биродарларимни соғиндим

Кунларнинг бирида Расулуллоҳ соллаллоҳу алайҳи васаллам йиғладилар. Буни кўрган саҳобалар: “Ё Расулуллоҳ! Сизни нима йиғлатди?”, деб сўрашди. У зот эса: “Биродарларимни соғиндим!”, деб жавоб бердилар. Саҳобалар: “Бизлар биродарларингиз эмасмизми, ё Расулуллоҳ?”, дейишди. Шунда у зот алайҳиссалом: “Йўқ. Сизлар асҳобларимсиз. Биродарларим мендан кейин келадилар, мени кўрмасдан туриб менга имон келтирадилар!”, дедилар. 

Албатта кўзлар ёш тўкади, қалб маҳзун бўлади

Анас ибн Молик розияллоҳу айтадилар: “Биз Расулуллоҳ соллаллоҳу алайҳи васаллам билан бирга Абу Сайфнинг олдига бордик у Иброҳим алайҳиссаломнинг энагаси эди. Расулуллоҳ соллаллоҳу алайҳи васаллам Иброҳимни қўлларига олдилар ва уни ўпиб, ҳидладилар. Сўнг биз унинг олдига кирдик. Иброҳим жон бераётган эди. Расулуллоҳ йиғлай бошладилар. Шунда Абдурраҳмон ибн Авф: “Ё Расулуллоҳ, йиғлаяпсизми?!”, деб сўради.

Расулуллоҳ соллаллоҳу алайҳи васаллам: “Бу раҳматдир эй ибн Авф”, дедилар ва яна: “Албатта кўзлар ёш тўкади, қалб маҳзун бўлади лекин биз фақатгина Роббимиз рози бўладиган гапларни айтамиз! Биз сенинг фироқингдан маҳзунмиз, эй Иброҳим!”, дедилар (Имом Бухорий, Имом Муслим ривояти). 

Бадавий билан сухбат

Ё Аллоҳнинг расули, мен ҳам ҳисоб­китоб қилинаманми?! деб сўради саҳройи киши.

– Ҳа, агар хоҳласа, ҳисоб­китоб қилади.

– Ўзининг иззати ва улуғлигига қасам, агар мендан ҳисоб сўраса, мен ҳам сўрайман, – деди у.

– Раббингдан нимани сўрайсан? – дедилар Пайғамбаримиз (алайҳиссалом).

– Агар Раббим менинг гуноҳимдан сўраса, мен Унинг мағфиратини сўрайман. Агар осийлигимдан сўраса, мен Унинг афвини сўрайман. Агар менинг бахиллигимдан сўраса, мен Унинг саховатини сўрайман! – деди саҳройи киши.

Шунда Пайғамбаримиз соллаллоҳу алайҳи васаллам йиғлай бошладилар, ҳатто соқоллари ҳўл бўлиб кетди.

Шунда Жаброил (алайҳиссалом) хабар келтирди:

 – Эй Муҳаммад (алайҳиссалом)! Аллоҳ Сизга салом айтди. Йиғини тўхтатинг! Аршга муаккил фаришталар тасбеҳ айтиб чалғиб кетишмоқда. Саҳройи кишига айтинг: У сизнинг жаннатдаги рафиқингиз бўлгай!

Жаҳолат гуноҳлари кечирилгандир

Вазийн розияллоҳу анҳу ривоят қилади: "Бир одам Жаноби Расулуллоҳ соллаллоҳу алайҳи васаллам ҳузурларига келди ва сўзлай бошлади: "Ё Расулуллоҳ! Биз жаҳолат аҳли эдик. Бутларга сиғинар эдик. Қизларимизни тириклай кўмар эдик. Менинг бир қизим бор эди. Гапга тушуниб, чақирса, жавоб берадиган бўлиб қолган эди.

Бир куни ёнимга чақириб, орқамдан эргаштирдим. Оилам ва аҳлимдан узоқ бўлмаган бир қудуқ ёнига бошлаб бордим. Кейин севимли қизимнинг қўлидан тортиб, қудуқ ичига отиб юбордим. Унинг сўнгги сўзлари "Отажон, отажоним!" деб қолиши бўлди".

Расулуллоҳ соллаллоҳу алайҳи васаллам йиғлай бошладилар. Узоқ йиғладилар. Атрофларида ўтирганлардан бири ҳалиги одамга: "Сен Пайғамбаримиз соллаллоҳу алайҳи васалламни ғамгин қилдинг!" деди. Шунда Расулуллоҳ соллаллоҳу алайҳи васаллам: "Унга тегманглар! У ўзи учун муҳим бир нарса ҳақида сўрамоқчи", - дедилар. Кейин бояги одамга қараб: - "Воқеани қайтадан айтиб бер!" дедилар. У одам яна бир бор сўзлаб берди.

Расулуллоҳ соллаллоҳу алайҳи васаллам яна йиғлай бошладилар. ҳатто кўз ёшлари соқолларини ҳўл қилиб юборди. Кейин бундай дедилар: "Аллоҳ таоло жоҳилият замонида қилинган барча гуноҳларни кечирди. Сен амалингни бошқатдан бошла!" (Имом Доримий).

Сизни қутқара олмайман

Анас розияллоҳу анҳудан ривоят қилинади: Яқин қариндошларингизни (Аллоҳ азобидан) огоҳлантиринг!” (Шуаро сураси, 214- оят) нозил бўлганида Набий соллаллоҳу алайҳи васаллам йиғладилар. Сўнгра қизлари Фотима розияллоҳу анҳога қараб: "Эй Муҳаммаднинг қизи Фотима! Нафсингни жаҳаннам оловидан қутқар! Аллоҳ ҳузуридаги ҳеч бир азобдан сизларни қутқара олмайман. Фақат сизларга яқинлигим бор, тез орада бу яқинликдан сўраламан!" дедилар. 

Ҳозирлик кўринг

Барро ибн Озиб розияллоҳу анҳу ривоят қилади: “Расулуллоҳ соллаллоҳу алайҳи васаллам қазилаётган қабр ёнидан ўтдилар. У зот алайҳиссалом йиғладилар. Ҳатто кўз ёшлари томчилаб тупроқни ҳўл қилмоқда эди. Сўнгра бизга қараб: "Эй биродарларим! Шундай бир кун учун ҳозирлик кўринг!" дедилар (Имом Аҳмад ривояти). 

 

Даврон НУРМУҲАММАД

Сийрат ва ислом тарихи
Бошқа мақолалар
Мақолалар

ИСТИҒФОРнинг 72 та ХИСЛАТИ

02.06.2025   7177   33 min.
ИСТИҒФОРнинг 72 та ХИСЛАТИ

ИСТИҒФОР нинг 72 та ХИСЛАТИ

ни

УЛУҒ УСТОЗ УЛАМОЛАРИМИЗ баён қилиб берганлар:

Каломуллоҳ – Қуръони каримнинг

муборак ояти карималаридан

ва

Жаноби Пайғамбаримиз

Расулуллоҳ саллаллоҳу алайҳи васалламнинг

муборак ҳадиси шарифларидан

 

ИСТИҒФОР нинг 72 та ХИСЛАТИ:

 

1.        Аллоҳ таолога итоатгўй банда истиғфор айтади.

2.        Истиғфор айтган банда пайғамбарлар, солиҳлар йўлидан юради.

3.        Истиғфор айтувчи одам имон ҳаловатига эришади.

4.        Истиғфор бандани гуноҳлардан поклайди.

5.        Истиғфор айтувчининг гуноҳлари савобли ишларга алмаштирилади.

6.        Истиғфор айтувчига неъматлар кўпайтириб берилади.

7.        Истиғфор банданинг икки дунёда ҳам мартабасини кўтаради.

8.        Истиғфор бахт-саодат олиб келади.

9.   Истиғфор туфайли истиғфор айтувчи ҳам, атрофдаги одамлар ҳам бузуқликлардан покланади.

10.       Истиғфор ёмғир ёғишига сабаб бўлади.

11.       Истиғфор мол-дунёга барака киритади.

12.       Истиғфор айтувчи инсон фарзанд неъмати билан сийланади.

13.       Деҳқончилик, чорвачиликдаги унумдорлик ҳам истиғфор айтиш билан узвий боғлиқ.

14.       Истиғфор айтувчи жаҳаннамдан нажот топади.

15.       Истиғфор банданинг жаннатга киришига сабаб бўлади.

16.       Истиғфор Аллоҳ таолонинг раҳмати тушишига сабаб бўлади.

17.       Истиғфор танани бақувват қилади.

18.       Истиғфор айтувчи одамнинг ҳаёти фаровон бўлади.

19.       Истиғфор айтувчига яхшиликлар кўпайтирилиб берилади.

20.       Истиғфор инсон кўнглини хотиржам қилади.

21.       Истиғфор бошга тушган балоларни даф этади.

22.       Истиғфор бандани Аллоҳ таолога яқинлаштиради.

23.       Истиғфор айтувчи одам Аллоҳ таолонинг раҳмат-марҳаматига сазовор бўлади.

24.       Истиғфор банда ҳолатини ижобий томонга ўзгаришига сабаб бўлади.

25.       Истиғфор ғийбатга каффорат бўлади.

26.       Истиғфор шайтон васвасасини қайтаради.

27.       Аллоҳ таоло истиғфор айтган бандани яхши кўради.

28.       Истиғфор айтиш Аллоҳ таолони хурсанд қилади.

29.       Истиғфор ғам-ташвишларни кетказади.

30.       Истиғфор айтувчи муаммоларидан қутулади.

31.       Истиғфор айтувчи одам гуноҳлардан фориғ бўлади.

32.       Истиғфор айтувчи муваффақият қозонади.

33.       Истиғфор ташвишларни аритади.

34.       Кўп истиғфор айтувчи одам касалликдан тўлиқ тузалиб кетади.

35.       Истиғфор айтувчи одам қийинчиликдан фаровонликка чиқади.

36.       Аллоҳ таоло истиғфор айтувчининг мушкулларини осон қилади.

37.       Етиб бўлмас марраларни истиғфор ила забт этади.

38.       Истиғфор ила дилдаги васвасалар йўқолади.

39.       Истиғфор билан қўрқувлар арийди.

40.       Истиғфор билан дилга қувонч киради.

41.       Истиғфор қалбга таскин беради.

42.       Истиғфор кўнгилни хотиржам қилади.

43.       Истиғфор тинчлик-хотиржамлик олиб келади.

44.       Истиғфор инсонни соғлом қилади.

45.       Истиғфор касалликларни аритади.

46.       Истиғфор айтувчи одам ёруғ кунларга эришади.

47.       Истиғфор билан инсон орзусига етади.

48.       Истиғфор айтувчининг дили яйрайди, кўнгли ёзилади.

49.       Истиғфор хурсандчилик олиб келади.

50.       Истиғфор қалбни чароғон, руҳни тетик қилади.

51.       Истиғфор айтувчининг хотираси кучаяди.

52.       Истиғфор юзни нурли қилади.

53.       Истиғфор ризқ келишини осонлаштиради.

54.       Истиғфор айтувчининг дуоси қабул бўлади.

55.       Аллоҳ таоло истиғфор айтувчининг оғирини енгил қилади.

56.       Кўп истиғфор айтган одам Қиёмат куни номаи аъмолини кўриб хурсанд бўлади.

57.    Оламдан ўтиб кетган ота-оналар фарзандлари айтган истиғфорлари туфайли жаннатда энг юқори мартабаларга кўтарилишади.

58.       Истиғфор одамни тушкунликдан халос этади.

59.       Истиғфор ҳасрат-надоматни, пушаймонни кетказади.

60.       Истиғфор қалбни тиниқлаштиради.

61.       Истиғфор айтиб юрувчи одамга Аллоҳ таоло ҳар қандай қийин вазиятдан чиқиш йўлини кўрсатади.

62.       Истиғфор айтиб юрувчи одамнинг Аллоҳ таоло мусибатларини кўтаради.

63.  Истиғфор айтиб юрган банданинг Аллоҳ таоло ҳар қандай қийинчиликларини енгиллаштиради.

64.       Истиғфор айтиб юрувчи инсон қашшоқликка йўлиқмайди.

65.       Истиғфор айтувчининг ишлари юришади.

66.       Истиғфор эр-хотин ўртасидаги келишмовчиликни даф этади.

67.       Истиғфор фарзандларни итоатли қилади.

68.       Аллоҳ таоло истиғфор айтиб юрган одамга кутмаган тарафидан неъмат, ризқ жўнатади.

69.       Истиғфор айтувчи одамнинг ризқи улуғ бўлади.

70.       Истиғфор айтувчи одамнинг касб-корига Аллоҳ таоло хайр-барака беради.

71.       Ким мўминлар ҳаққига истиғфор айтса, Аллоҳ унга ҳар бир мўмин муқобилида биттадан ҳасанот ёзиб қўяди.

72.       Истиғфор айтилган хонадонга илоҳий файзу хайр-барака киради.

 

Меҳрибон Парвардигоримиз

ўзларимизни ҳам,

фарзанд-зурриётларимизни ҳам

Ўзи буюрган,

Жаноби Пайғамбаримиз алайҳиссалом тавсия этган,

ўтмишда ўтганларимизнинг руҳлари шод бўладиган,

халқимиз хурсанд бўладиган,

ота-оналаримиз рози бўладиган йўллардан юришимизни насиб этсин!

Иброҳимжон домла Иномов

 

Ибратли ҳикоялар