30 Март, 2026, 10 Шаввол, 1447
30 Март, 2026, 10 Шаввол, 1447
Бир киши балиқ консерва заводида ишларди. Бир куни у иш тугаганидан кейин музлатгич ичига кириб атрофни кўздан кечираётганда тўсатдан музлатгич эшиги ёпилиб қолди. Энди унга ким ёрдам беради? У бор кучи билан эшикни тепар, овозини борича бақирар эди. Лекин… Бари бефойда. Шу алфозда беш соат музлатгич ичида қолди. Дунё билан хайрлашиши аниқ бўлиб қолди. Тўсатдан бир киши эшикни очиб ичкарига кирди. Қараса, бир киши ўлим билан олишиб ётарди. Унга тезда ёрдам кўрсатилди. Киши дунёга қайтадан келди. Ёрдам қўлини чўзган киши шу заводнинг қоровули эди. Ундан сўрадилар: “Музлатгич ичида одам борлигини қаердан билдингиз?”
– Мен бу ерда ўттиз беш йилдан бери ишлайман. Хизматчилар орасида бир киши мен билан эрталаб табассум ила саломлашар, қайтаётиб яна шу алфозда хайрлашар эди. Шу куни иш тугаганидан сўнг ўша кишини кўрмадим. Кўнглимда нима бўлди экан деган савол пайдо бўлди. Уни излай бошладим. Ниҳоят уни музлатгич ичидан топдим.
Суюкли Пайғамбаримиз соллаллоҳу алайҳи васаллам айтадилар:
«Биродаринг юзига табассум қилишинг САДАҚАДИР»
Мана сизга ҳадисга амал қилишни мукофоти. Мана сизга табассумнинг таъсири.
ЎМИ Матбуот хизмати
Шу йил 25-26 март куни Жиззах, Бухоро, Навоий, Самарқанд ва Қашқадарё вилоятларидан “Ҳаж – 2026” мавсумига саралаб олинган гуруҳ раҳбарлари учун махсус ўқув семинари ўтказилди. Унда мавсумга пухта тайёргарлик кўриш, зиёратчилар учун муносиб шароитлар яратиш ва ибодатларни юқори савияда ташкил этиш масаласи муҳокама этилди.
Мазкур ўқув машғулотларини Дин ишлари бўйича қўмита бўлим бошлиғи Бобомурод Рустамов, Ўзбекистон мусулмонлари идораси Ҳаж ва умра тадбирларини ташкил этиш маркази директори Мақсуд Каримов, Бухоро вилояти бош имом-хатиби ўринбосари Отабек Авезов ва Самарқанд вилояти бош имом-хатиби ўринбосари Нурсултонхон домла Абдуманнонов олиб борди.
Семинар давомида нотиқлар томонидан элликбошиларга яқинлашиб келаётган муборак сафарнинг ташкилий жиҳатлари, зиёратчилар билан ишлашда одоб-ахлоқ қоидалари ва қонунчилик меъёрларига риоя қилиш юзасидан муҳим кўрсатмалар берилди. Хусусан, ҳаж амалларини адо этиш тартиби, муборак қадамжоларни зиёрат қилиш одоблари ва зиёратчиларга маънавий кўмак беришда гуруҳ раҳбарларининг масъулиятига алоҳида урғу қаратилди.
Тадбир якунида иштирокчилар ўзларини қизиқтирган саволларга батафсил жавоб олдилар.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 