16 Сентябр, 2026, 5 Рабиъус сони, 1448
16 Сентябр, 2026, 5 Рабиъус сони, 1448
Ота ўғлини уйлантирмоқчи бўлиб, унинг кўнглига қўл солиб кўрди. Ўғил уялганидан ерга қараганча:
– Ота, бир шартим бор! Шунга хўп десангиз, уйланишга розиман, – деди.
– Хўш, қанақа шарт экан?
– Мени гузар ва бозорларга олиб чиқиб ураверасиз, сўраганларга: “Айтганимни қилади”, дейсиз. Мен эса муносиб келинни ўзим танлаб оламан. Ота келишилганидек, гузар, бозор ва бошқа жойларда ўғлига бақириб, урар, сўраганларга: “Айтганимни қилади”, деб жавоб берарди. Одамлар эса отанинг ишидан ҳайрон бўлиб: “Айтганингизни қилса, яхши-ку!” дейишарди. Ота яна бир куни ўғлини уриб турганида, бир қиз сўраб қолди:
– Ота, ўғлингизни нима учун ураяпсиз?
– Айтганимни қилади-да, қизим!
– Ўзи билиб қилгунича, ураверинг, – деди қиз.
Шунда ўғил:
– Ота! Мана шу қизга уйланаман, – деди.
Азизлар! Бировнинг кўрсатмаси билан иш қиладиган, ақлини ишлатиб, бирор нарса қилолмайдиган одам ҳаётда ҳеч нарсага эришолмайди. Шу боис ҳар бир раҳбар, хонадон соҳиби ва фарзандлар бировнинг айтишини кутмасдан ўз ақлини ишлатиб, иш юритадиган бўлса, бундай инсонларни халққа, ватанга катта ёрдами тегади. Шунинг учун ўзингиз ишингизни билиб қилишни ўрганинг.
“Қасамини бузган қиз” китобидан олинди
Саудия Арабистони пойтахтида “WTM Spotlight Riyadh 2026” халқаро туристик кўргазмаси бўлиб ўтди. Унда Ўзбекистон туризм индустрияси вакиллари иштирок этди, деб хабар бермоқда “Дунё” АА.
Мамлакатимиз туристик салоҳиятини «Asialuxe Travel», «Zamin DMC» ва «Bazar Travel» компаниялари намойиш этди. Улар кўргазманинг ишбилармонлик дастурида фаол иштирок этиб, Саудия Арабистони ҳамда бошқа хорижий давлатлар туризм соҳаси вакиллари билан бир қатор самарали учрашувлар ўтказдилар.
“WTM Spotlight Riyadh” Саудия Арабистони туризм бозорининг халқаро ҳамкорлар билан ўзаро алоқалари учун асосий профессионал майдонлардан бирига айланди. Кўргазма туроператорлик бизнеси, қабул қилувчи компаниялар, меҳмонхона сектори, авиация тармоғи, туристик технологиялар ва индустриянинг бошқа йўналишлари вакилларини бирлаштирди. Тадбирда минтақавий ва халқаро ташриф буюрувчилар, 450 дан ортиқ экспонентлар ҳамда 30 дан ортиқ мамлакат вакиллари қатнашди.
Уч кун давомида ўзбекистонлик компаниялар вакиллари саудиялик туроператорлар, туристик агентликлар ва бозорнинг бошқа иштирокчилари билан музокаралар ўтказдилар. Мулоқотларда шериклик дастурларини ривожлантириш, Саудия Арабистонидан Ўзбекистонга сайёҳлар оқимини ошириш ҳамда янги қўшма туристик маҳсулотларни шакллантириш имкониятлари муҳокама қилинди.
Ўзбекистонни маданий-маърифий, оилавий, премиум ва индивидуал туризм учун жозибадор йўналиш сифатида тарғиб қилишга алоҳида эътибор қаратилди. Саудиялик ҳамкорларга Самарқанд, Бухоро, Хива, Тошкент ва мамлакатимизнинг бошқа ҳудудларининг туристик имкониятлари, Буюк ипак йўлининг тарихий мероси, замонавий меҳмонхона инфратузилмаси, миллий таомлар ҳамда индивидуал ва гуруҳли туристик дастурларни ташкил этиш имкониятлари намойиш этилди.
Ўзбекистон туризм тармоғи вакиллари, шунингдек, саудиялик ҳамкорлар билан сайёҳларни кутиб олишни ташкил этиш, Кўрфаз мамлакатларидан келувчи саёҳатчиларнинг афзалликларини ҳисобга олган ҳолда ихтисослаштирилган йўналишларни ишлаб чиқиш ҳамда Саудия Арабистони бозорида Ўзбекистоннинг туристик салоҳиятини янада тарғиб қилиш масалаларини муҳокама қилдилар.
Ўзбек туристик компанияларининг “WTM Spotlight Riyadh 2026” кўргазмасидаги иштироки подшоҳлик туристик бизнеси вакиллари билан бевосита алоқаларни кенгайтириш ва ҳамкорликнинг янги йўналишларини излаш учун қўшимча имконият бўлди.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 