Кеча, 16 январь куни Ўзбекистон Ҳаж делегацияси Саудия Арабистони Подшоҳлигига жўнаб кетди. Саудия Арабистони Подшоҳлиги Ҳаж ишлари вазири Солиҳ Бантин таклифига асосан “Ҳаж–2018” мавсумининг ташкилий ишларини келишиб олиш мақсадида, Вазирлар Маҳкамаси ҳузуридаги Дин ишлари бўйича қўмита раиси ўринбосари Ўткирбек Ҳасанбоев, Ўзбекистон мусулмонлари идораси раиси ўринбосари Иброҳим Иномов, Таълим ва кадрлар тайёрлаш бўлими мудири Жалолиддин Нуриддинов ва Тошкент ислом университети халқаро алоқалар бўлими бошлиғи Ҳамидбек Ҳасановдан иборат делегация кеча Жидда шаҳрига етиб боришди.
Сафар давомида Ўзбекистон ҳаж делегацияси билан Саудия Арабистони Ҳаж ишлари вазирлиги ва мутасадди ташкилотлар ўртасида “Ҳаж–2018” мавсумининг ташкилий ишлари муҳокама қилинади. Шу йўналишларда, Саудия Арабистонининг Макка, Мадина ва Жидда шаҳарларида жорий йил Ҳаж мавсумида Ватанимиз ҳожиларига хизмат қилувчи идоралар ва муассасалар раҳбарлари билан ҳужжатлар имзоланиши режалаштирилган.
Бизни кузатишда давом этинг, ушбу сафар жараёнлари, янгиликлар ва ўзгаришлар ҳақида батафсил ёритиб борамиз.
Ўзбекистон мусулмонлари идораси Матбуот хизмати
Мир Араб олий мадрасасида Ўзбекистон мусулмонлари идораси Бухоро вилояти вакиллиги томонидан маънавий-маърифий тадбирлар ўтказилди.
Тадбирлар доирасида Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг “Инсон қадри” китоби тақдимоти бўлиб ўтди. Унда инсон қадрини улуғлаш ғоясининг жамият маънавий ҳаётидаги аҳамияти таъкидланди.
Шунингдек, 2025 йилда диний соҳа вакиллари фаолияти юзасидан сарҳисоб йиғилиши ўтказилиб, соҳадаги ислоҳотлар, устувор вазифалар ва келгуси режалар муҳокама қилинди.
Тадбир якунида маънавий-маърифий соҳада фаоллик кўрсатган бир қатор соҳа вакиллари тақдирланди.
Ўзбекистон мусулмонлари идораси
Матбуот хизмати