Сайт тест ҳолатида ишламоқда!
24 Август, 2025   |   1 Рабиъул аввал, 1447
search icon
Aввалги сайт
O`Z РУ EN AR

Тошкент шаҳри
Бомдод
04:17
Қуёш
05:41
Пешин
12:30
Аср
17:11
Шом
19:13
Хуфтон
20:31
Bismillah
24 Август, 2025, 1 Рабиъул аввал, 1447
Aввалги сайт
#search
 YouTube

Расулуллоҳ соллаллоҳу алайҳи васаллам айтадилар

04.08.2017   20599   2 min.
Расулуллоҳ соллаллоҳу алайҳи васаллам айтадилар
  1. “Уч кишининг дуоси қайтарилмайди: адолатли имом, рўзадор то ифтор қилгунича ва мазлумнинг дуоси”(Ибн Можа, Имом Термизий ривояти). 

  2. “Уч нарсага қасам ичаман: Банданинг моли садақа қилиш билан камаймайди. Кимга бирор зулм етганида сабр қилса, Аллоҳ унинг иззат-шарафини оширади. Ким тиланчилик эшигини очса, Аллоҳ унга фақирлик эшигини очади...” (Имом Термизий ривояти).

 

  1. “Диннинг офати учтадир: Гуноҳларни қилаверувчи фақиҳ, золим имом ва жоҳил мужтаҳид” (Имом Дайламий ривояти).

 

  1. Мунофиқнинг аломати учта: агар гапирса, ёлғон сўзлайди; агар ваъда берса, хилоф қилади; агар омонат берилса, хиёнат қилади (Имом Бухорий, Имом Муслим ривояти).

 

  1. Учта дуо ижобат қилинган: Рўзадорнинг дуоси, мусофирнинг дуоси ва мазлумнинг дуоси (Ақийлий ривояти).

 

  1. Уч нарса борки, ўша нарсани ҳақлигини биламан. Бир киши зулм қилинганда афв қилса, Аллоҳ у билан азизликни зиёда қилади. Бир киши тиланчилик эшигини очса ва у билан мол-дунёси кўпайишини талаб қилса, Аллоҳ унга камбағалликни зиёда қилади. Бир киши ўзига садақа эшигини очса ва у билан Аллоҳнинг розилигини талаб қилса, Аллоҳ унга фақат кўпликни зиёда қилади (Имом Байҳақий ривояти).

 

  1. Учта фазилат борки, мусулмон кишини дунёдаги саодатидир: Солиҳ қўшни, кенг маскан ва енгил маркаб (Имом Табароний ривояти).
  2. Уч нарса омонликдир: Ичидаю устида Аллоҳдан қўрқиш, розиликдаю, ғазаби келганда адолатли бўлиш, камбағаллигу бойликда тежамкор бўлиш. Уч нарса борки, у ҳалокатдир: Ҳавойи нафсига тобеъ бўлиш, ўзига бўйсундирувчи хасислик ва киши ўзи ҳақида юксак фикрда бўлиши (Абу Шайх ривояти).

 

  1. Инсон ўзидан кейин қолдирган нарсаларнинг энг яхшиси учтадир: Дуо қилиб турувчи солиҳ фарзанд, садақаи жория, ўзидан кейин фойдаланиладиган илм (Абу Қатода ривояти).

 

  1. Учта ёлғондан бошқа барча ёлғон ёзилади: Урушда киши ёлғон гапириши. Чунки уруш ҳийладир. Киши хотинини рози этиши учун ёлғон гапириши. Икки кишини орасини ислоҳ қилиш учун ёлғон гапириш (Имом Ибн Сунний ривояти).
Ҳадиси шариф
Бошқа мақолалар

Таълимга эътибор – келажакка эътибор

19.08.2025   10281   1 min.
Таълимга эътибор – келажакка эътибор

#КУН_ИМОМИ

Ёшлар таълим-тарбияси учун сарфланган маблағ келажакка ётқизилган сармоядир. Ўқувчиларнинг таълим олишларига шарт-шароит яратиб беришнинг савоби улуғ.

Ўзбекистон мусулмонлари идораси Тошкент шаҳар вакиллиги раҳбарияти ташаббуси билан 2025 йил 18  август куни пойтахтимизнинг Янги ҳаёт туманидаги «Ниёзмат ота» жоме масжиди имом-хатиби ҳомийларни жалб қилган ҳолда эҳтиёжманд оилаларнинг 30 нафар ўқувчи-ёшларига қиймати 500.000 сўм, жами 15 миллион сўмлик зарур кийим-кечак, ўқув қуроллари  ва мактаб сумкалари ҳадя қилди.

Совғаларни олган болаларнинг кўзларидаги қувончни кўрган кишининг келажакка ишончи янада ошиши тайин.

Аллоҳ таоло эҳсонларни қабул қилсин.

Ўқувчиларнинг ўқишларига мувафақиятлар ато этсин.

 

Ўзбекистон мусулмонлари идораси
Тошкент шаҳар вакиллиги

Матбуот хизмати


 

#logo