حدثنا العباس الدوري نا عبيد الله أنا شيبان عن يحيى بن أبي كثير حدثني يعيش بن الوليد بن هشام قال :حدثت عن الزبير بن العوام أنه حدث أن رسول الله صلى الله عليه وعلى آله وسلم قال: دب إليكم داء الأمم قبلكم الحسد والبغضاء هي الحالقة أما إني لا أقول: تحلق الشعر ولكن تحلق الدين ثم قال: والذي نفس محمد بيده لن تدخلوا الجنة حتى تؤمنوا ولا تؤمنوا حتى تحابوا ثم قال :ألا أنبئكم بأمر إذا فعلتم تحاببتم. قالوا: ما هو يا نبي الله قال : أفشوا السلام بينكم.

Зубайр ибн Аввом розияллоҳу анҳудан ривоят қилинади.

Расулуллоҳ соллаллоҳу алайҳи ва ъалаа олиҳи васаллам: “Сизлардан илгариги умматлар касали – ҳасад ва ёмон кўриш орангизга ўрмалаб кирди. Ҳасад ва ёмон кўриш қирувчидир. Мен сочни қириш ҳақида эмас, динни қириш ҳақида айтаяпман”, дедилар.

Сўнгра яна: “Муҳаммаднинг жони “қўли”да бўлган Зотга қасамки, мўмин бўлмагунингизча жаннатга кирмассиз. Бир-бирингизни яхши кўрмагунингизча мўмин бўлмассиз. Бир-бирингизни яхши кўрсатадиган бир амалга далолат қилайми?” дедилар.

Одамлар: “Ё Аллоҳнинг Набийи, у қайси амал?” деди.

“Орангизда саломни кенг ёйинг”, дедилар”

Абу Саид Ҳайсам ибн Кулайб Шошийнинг
“Муснади Шоший” асаридан
Даврон НУРМУҲАММАД таржимаси