06 Июл, 2025, 11 Муҳаррам, 1447
06 Июл, 2025, 11 Муҳаррам, 1447
Ҳузайфа розияллоҳу анҳу(р.а)дан ривоят қилинади, Пайғамбаримиз соллаллоҳу алайҳи васаллам айтдилар:
“Чақимчи жаннатга кирмайди”. (имом Бухорий ва Муслим ривояти)
Абу Ҳурайра р.а. дан ривоят қилинади, Пайғамбаримиз соллаллоҳу алайҳи васаллам айтдилар:
“Орангиздаги энг ёмон киши кимлигини биласизларми? Cаҳобалар Аллоҳ ва унинг Росули билгувчироқ деб жавоб беришди. Ул зот: Сизларнинг энг ёмонингиз иккиюзламачи кишидир. У бир жамоага бир юз билан ва бошқасига бошқа бир юз билан боради”. Муҳаддис олимлар хадисда иккиюзламачи дейилган кишини қуйидагича таърифлашади:
Масалан иккиюзламачи одам Умарнинг олдига бориб Усмоннинг номидан уни ёмонлайди, Усмоннинг олдига бориб Умарнинг номидан уни ёмонлайди. Бу мақолани ўқиётган ўқувчи аввало ўзининг кимлигига ва атрофидаги дўстларини қанақалигига бир аҳамият берсин!
Чақимчилик – бир инсоннинг гапини бошқа бир инсонга уларнинг ўртасида адоват ва ғазаб келтириб чиқариш учун айтиш. Чақимчилик бу муқаддас Ислом дийнимизда катта гуноҳлардан бири ҳисобланади. Чунки чақимчилик мусулмонлар орасига, жамиятга ва қариндош уруғчилик ришталарига раҳна солувчи иллатлардан биридир. Муқаддас китобимиз Қуръони Каримда ва Пайғамбаримиз соллаллоҳу алайҳи васалламнинг Хадиси Шарифларида ҳам чақимчилик катта гуноҳлардан бири экани зикр қилинади.
Яна бир хадиси шарифда Пайғамбаримиз соллаллоҳу алайҳи васаллам:
“Мендан эмас хасадгўй, чақимчи, коҳин. Ва мен ҳам улардан эмасман” деганлар (имом Табароний ривояти). Хадиси шарифнинг маъносига эътибор берсак юқоридаги уч тоифадан Аллоҳ Таолонинг энг суюкли Пайғамбари юз ўгирмоқда, қиёмат куни мусулмонларни шафоат қилувчи зот улардан қаттиқ ғазабланмоқда. Бу уч гуноҳкор тоифа Аллоҳнинг мағфиратидан, Пайғамбаримиз соллаллоҳу алайҳи васалламнинг шафоатидан маҳрум бўлмоқда. Сиз мусулмон бўла туриб Аллоҳнинг ва Росулуллоҳнинг ғазабига дучор бўлишни хохлайсизми?!
Марҳамат Аллоҳ Таоло сизга ихтиёр бериб қўйган хасад қилишда, чақимчиликда ва коҳин(фолбин)лик қилишда давом этинг. Йўқ мен Аллоҳнинг мағфиратига муҳтожман, қиёмат кунида Пайғамбаримиз соллаллоҳу алайҳи васалламнинг шафоатига эга бўлмоқчиман деса, ҳозироқ хасад, чақимчилик, коҳин(фолбин)лик қилиб дийнга ва жамиятга зарар беришни тўхтатсин. Аллоҳ Таоло барчамизни бу ёмон иллатлардан узоқ қилсин.
Ҳабибуллоҳ Абдураззоқов,
"Ҳазрати Имом" жоме масжиди имом ноиби
Туркиянинг нуфузли таҳлил маркази ANKASAM (Ankara Kriz ve Siyaset Araştırmaları Merkezi) мамлакатимизда виждон эркинлигини таъминлаш, диний таълимни такомиллаштириш, ислом меросини илмий асосда ўрганиш ва жаҳонга танитишга қаратилган кенг қамровли ишларга юқори баҳо берди.
Туркиянинг нуфузли таҳлил маркази ANKASAM (Ankara Kriz ve Siyaset Araştırmaları Merkezi) Ўзбекистонда сўнгги йилларда диний-маърифий соҳада амалга оширилаётган ислоҳотларга бағишланган таҳлилий мақола эълон қилди.
“Янги Ўзбекистон: Диний соҳадаги ислоҳотларнинг муваффақият формуласи” деб номланган ушбу таҳлилий мақолада мамлакатимизда виждон эркинлигини таъминлаш, диний таълимни такомиллаштириш, ислом меросини илмий асосда ўрганиш ва жаҳонга танитишга қаратилган кенг қамровли ишларга юқори баҳо берилган.
ANKASAMга кўра, Ўзбекистонда қабул қилинган янги сиёсат ва инсон қадрини устувор қиймат сифатида белгилаган ёндашув сўнгги етти йилда диний соҳада чуқур, тизимли ислоҳотларни амалга оширишга пойдевор бўлди. Хусусан, таҳлилчиларнинг томонидан давлат ва дин муносабатларини демократия ва маърифат асосида қайта йўлга қўйиш, диний таълим муассасаларини халқаро андозаларга мос равишда ривожлантириш, илм-фан ва маърифатни ислом дини билан уйғунлаштириш йўлидаги саъй-ҳаракатлар эътироф этилган.
Мақолада айни пайтда Ўзбекистонда фаолият юритаётган Ўзбекистондаги Ислом цивилизацияси маркази, Имом Бухорий ва Имом Мотуридий халқаро илмий-тадқиқот марказлари, Ҳадис илми мактаби, Мир Араб олий мадрасаси, Ўзбекистон халқаро ислом академияси каби муассасаларнинг фаолияти, улар орқали ислом динининг ҳақиқий инсонпарварлик ва маърифий моҳияти кенг ёритилаётгани таъкидланган. Ушбу марказлар фақат диний эмас, балки илмий-тадқиқот, маданий-тарихий меросни сақлаш ва оммалаштириш вазифасини ҳам бажармоқда.
ANKASAM таҳлилига кўра, Янги Ўзбекистонда амалга оширилаётган диний-маърифий ислоҳотларнинг муваффақияти – бу сиёсий ирода, стратегияли ёндашув, илмий асос ва халқаро ҳамкорликни ўзида уйғунлаштирган моделдир. Шу жиҳатдан, Ўзбекистон тажрибаси минтақа давлатлари ва ислом олами учун ўрганишга арзийдиган намуналардан бири сифатида эътироф этилмоқда.
ANKASAM каби халқаро нуфузга эга таҳлил марказлари томонидан бу каби таҳлилий мақолалар эълон қилиниши Ўзбекистонда амалга оширилаётган ислоҳотларнинг очиқлиги, халқаро стандартларга мослиги ва жаҳон ҳамжамияти томонидан эътироф этилаётганини яна бир бор тасдиқлайди.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа