Сайт тест ҳолатида ишламоқда!
17 Ноябр, 2026   |   7 Жумадул сони, 1448

Тошкент шаҳри
Бомдод
05:51
Қуёш
07:13
Пешин
12:13
Аср
15:21
Шом
17:05
Хуфтон
18:22
Bismillah
17 Ноябр, 2026, 7 Жумадул сони, 1448

Жамарот

29.07.2016   27698   1 min.
Жамарот

Минога келгач тош отиш бошланади. Ҳайитнинг 1 – куни етти дона тош отилади. Тошни Муздалифадан ё хоҳлаган бошқа жойдан териб олса бўлади. Тош ҳажми нўхатдек бўлади. Тош олдин отилган бўлмаслиги керак. Тош отиш Иброҳим (а.с) дан қолган бўлиб, у зот ўғлини қурбонликка сўйишга олиб кетаётганларида шайтон иғво қилмоқчи бўлганда, Иброҳим а.с. уни тош отиб қувган.

Ҳайитнинг 1 – куни Жамратул ақобада тош отилади. У жамратул кубро, жамратул ухро деб ҳам аталади. Тош ақобадан беш газ узоқликдан туриб, бармоқларнинг учи билан отилади. Ҳар бир тош “Аллоҳу акбар” деб отилади. Тош агар махсус жойга тушмаса, қайта отиш вожиб бўлади. Биринчи тошни отган заҳоти “талбия”ни тўхтатади. Тош отиш вақти субҳи содиқдан, кейинги куннинг субҳигачадир. Тош отган заҳоти у ердан кетиш керак бўлади. Кейинги кун субҳигача отилмаса, жонлиқ сўйиш вожиб бўлади. Кечаси отиш макруҳ. Аммо аёллар, қарилар, касаллар кечаси отгани афзал. Тош отаётган жой 2 қаватли бўлиб, қайсидан отса ҳам бўлаверади.

Узрли кишиларни тошини бошқа отса ҳам бўлади, фақат аввал ўзиникини отиши шарт. Тош отилгач, ифрод ҳажни ният қилган киши соч олдиради. Лекин у агар қурбонлик қилмоқчи бўлса, аввал қурбонлик қилиб кейин сочини олдиради. Қирон, Таматтуъдагилар шундай қилиши шарт. Энди эҳромда ман қилинган ишларнинг аёллардан бошқаси ҳалол бўлади.

Ҳаж ва умра
Бошқа мақолалар
Янгиликлар

Диний идорада Польша муфтийси билан учрашув бўлиб ўтди

12.10.2026   76002   1 min.
Диний идорада Польша муфтийси билан учрашув бўлиб ўтди

Бугун, 12 октябрь куни Ўзбекистон мусулмонлари идораси раисининг биринчи ўринбосари Ҳомиджон Ишматбеков Польша мусулмонлари уюшмаси раиси, муфтий Томаш Мишкевич бошчилигидаги делегацияни қабул қилди. Учрашувда Ўзбекистон мусулмонлари идораси раиси ўринбосари Зайниддин домла Эшонқулов ҳам иштирок этди.


Мулоқот аввалида Ҳомиджон Ишматбеков меҳмонларни юртимизга ташрифи билан қутлаб, икки давлат раҳбарларининг саъй-ҳаракати туфайли Ўзбекистон ва Польша ўртасидаги кўп томонлама алоқалар янги босқичда ривожланаётганини таъкидлади. Шунингдек, диний-маърифий соҳадаги алоқаларни мустаҳкамлаш, уламолар ўртасида тажриба алмашиш, зиёрат туризми ҳамда «Ҳалол» стандартлари йўналишида ҳамкорликни кенгайтириш муҳим аҳамиятга эга экани баён этилди.

Учрашувда меҳмонларга юртимиздаги диний-маърифий ҳаёт, Ўзбекистон мусулмонлари идораси фаолияти, масжид-мадрасалар, Фатво маркази ва диний таълим тизимида амалга оширилаётган кенг кўламли ислоҳотлар ҳақида атрофлича маълумот берилди.

Ўз навбатида, муфтий Томаш Мишкевич самимий қабул учун миннатдорлик билдириб, Польша мусулмонлари уюшмаси фаолияти, нашр ишлари ҳамда мамлакатдаги турли миллат ва дин вакиллари ўртасидаги бағрикенглик муҳити ҳақида сўзлаб берди. Муфтий ўзбекистонлик имом-хатибларнинг Польшага сафарлари юқори самара берганини эътироф этди. Бундай маърифий мулоқотларни давом эттириш, тажрибали уламоларнинг ўзаро ташрифларини уюштириш ва «Ҳалол» сертификатлаш тизими бўйича ҳамкорликни жонлантиришдан манфаатдор эканини билдирди.

Сафар дастури доирасида меҳмонлар пойтахтимиздаги Ислом цивилизацияси маркази ҳамда «Ҳазрати Имом» мажмуасида бўлиб, бунёдкорлик ишлари ва ноёб қўлёзма фондлари билан яқиндан танишдилар.

Учрашув дўстона ва самимий руҳда ўтди.

Ўзбекистон мусулмонлари идораси

Матбуот хизмати

Диний идорада Польша муфтийси билан учрашув бўлиб ўтди Диний идорада Польша муфтийси билан учрашув бўлиб ўтди Диний идорада Польша муфтийси билан учрашув бўлиб ўтди
Ўзбекистон янгиликлари