Минога келгач тош отиш бошланади. Ҳайитнинг 1 – куни етти дона тош отилади. Тошни Муздалифадан ё хоҳлаган бошқа жойдан териб олса бўлади. Тош ҳажми нўхатдек бўлади. Тош олдин отилган бўлмаслиги керак. Тош отиш Иброҳим (а.с) дан қолган бўлиб, у зот ўғлини қурбонликка сўйишга олиб кетаётганларида шайтон иғво қилмоқчи бўлганда, Иброҳим а.с. уни тош отиб қувган.
Ҳайитнинг 1 – куни Жамратул ақобада тош отилади. У жамратул кубро, жамратул ухро деб ҳам аталади. Тош ақобадан беш газ узоқликдан туриб, бармоқларнинг учи билан отилади. Ҳар бир тош “Аллоҳу акбар” деб отилади. Тош агар махсус жойга тушмаса, қайта отиш вожиб бўлади. Биринчи тошни отган заҳоти “талбия”ни тўхтатади. Тош отиш вақти субҳи содиқдан, кейинги куннинг субҳигачадир. Тош отган заҳоти у ердан кетиш керак бўлади. Кейинги кун субҳигача отилмаса, жонлиқ сўйиш вожиб бўлади. Кечаси отиш макруҳ. Аммо аёллар, қарилар, касаллар кечаси отгани афзал. Тош отаётган жой 2 қаватли бўлиб, қайсидан отса ҳам бўлаверади.
Узрли кишиларни тошини бошқа отса ҳам бўлади, фақат аввал ўзиникини отиши шарт. Тош отилгач, ифрод ҳажни ният қилган киши соч олдиради. Лекин у агар қурбонлик қилмоқчи бўлса, аввал қурбонлик қилиб кейин сочини олдиради. Қирон, Таматтуъдагилар шундай қилиши шарт. Энди эҳромда ман қилинган ишларнинг аёллардан бошқаси ҳалол бўлади.
Ўзбекистон элчихонасида Соҳибқирон Амир Темур таваллудининг 690 йиллигига бағишланган “Буюк темурийлар мероси: Марказий Осиё санъати, фани ва маданияти” мавзусида халқаро давра суҳбати ва кўргазма бўлиб ўтди, деб хабар бермоқда “Дунё” АА.
Мазкур тадбирда Ўзбекистон ва Франция давлат органлари, илмий-маданий муассасалар вакиллари, машҳур тарихчилар, шарқшунослар, санъатшунослар, халқаро экспертлар ҳамда Францияда истиқомат қилаётган ватандошлар иштирок этди.
Давра суҳбати чоғида Амир Темур ва темурийлар даврининг бой тарихий-маданий мероси, уларнинг фан, таълим, санъат ва архитектура тараққиётига қўшган улкан ҳиссаси, шунингдек, Шарқ ва ғарб ўртасидаги илмий-маданий алоқаларнинг аҳамияти муҳокама қилинди.
Тадбир доирасида Ўзбекистондаги Ислом цивилизацияси маркази фаолиятига бағишланган тақдимотлар ўтказилди ва темурийлар даврининг илмий ҳамда маданий ютуқларини акс эттирувчи кўргазма намойиш этилди.
Мазкур халқаро тадбир Ўзбекистоннинг бой тарихий-маданий меросини Францияда кенг тарғиб қилиш, Амир Темур ва темурийлар меросининг жаҳон цивилизациясидаги ўрнини очиб бериш ҳамда икки мамлакат ўртасидаги маданий-гуманитар ҳамкорликни янада мустаҳкамлашга хизмат қилади.
Ўзбекистон мусулмонлари идораси матбуот хизмати