Сайт тест ҳолатида ишламоқда!
17 Ноябр, 2026   |   7 Жумадул сони, 1448

Тошкент шаҳри
Бомдод
05:51
Қуёш
07:13
Пешин
12:13
Аср
15:21
Шом
17:05
Хуфтон
18:22
Bismillah
17 Ноябр, 2026, 7 Жумадул сони, 1448

Эҳром

29.07.2016   17198   3 min.
Эҳром

Эҳром Ҳаж ва Умранинг энг биринчи амалидир.

  “Эҳром” арабча сўз бўлиб, луғатда “ҳаром қилмоқ” маъносини англатади.                               

 Юртимиздан борган зиёратчилар Мадина аҳли каби Зул-Ҳулайфада эҳром боғлайдилар.Умра (Ҳаж)да эҳромга кирган одам ўзига эҳромдан олдин ҳалол бўлган баъзи ишлар ва нарсаларни ҳаром қилган бўлади. Масалан, бошқа вақтларда ўзига хушбўй нарсаларни сепиши ҳалол эди. Эҳромга киргач, бу нарса ҳаром бўлиб қолади. Эҳром умра (ҳаж)нинг энг кўзга кўринган аломатидир. Бўлажак умра  зиёратчилари  ният қилиб эҳром киядилар. Эҳром умранинг ниятидир.

 Эҳромгa киpишдан олдин бажариладиган амаллар:

 -                     coч, тиpнoқ, мўйлaб вa oлиниши лoзим бўлгaн тyклap oлинади;

 -                     ғусл қилинади, имкони  бўлмаса, таҳорат қилинади;

 -                     икки пapчa oқ, янги ёки ювилгaн мaтoнинг биpи(изор)ни киндик ва тиззаларни қўшиб тўсадиган қилиб белга тутилади.  Иккинчиcи (ридо)ни eлкa аралаш айлантириб ўралади. Аёлларнинг эҳроми уларнинг сидирға (гулсиз мато) кийими бўлади. Улар учун махсус ранг белгиланмаган. Бaдaни вa эҳром кийимигa хyшбўй нapca cypтaди, аммо хушбўйликнинг ранги кийимда қолмаслиги керак. Сўнгра Зул-Ҳулайфада икки paкaт нaмoз ўқилади. Биринчи ракаатда “Фотиҳа”   сурасидан  кейин “Кофирун” сураси, иккинчи ракаатда эса, “Фотиҳа”дан кейин “Ихлос”  сураси ўқилади. Сўнгра ҳажнинг қайси турини адо этадиган бўлса, ўшанга мос ният қилинади.

 

 وَمَنْ شَاءَ الْإِحْرَامَ وَهُوَ شَرْطُ صِحَّةِ النُّسُكِ كَتَكْبِيرَةِ الِافْتِتَاحِ ، فَالصَّلَاةُ وَالْحَجُّ لَهُمَا تَحْرِيمٌ وَتَحْلِيلٌ.

 “Ким эҳромга киришни хоҳласа, ҳолбуки у (эҳром) намозни бошлашдаги  такбир каби ҳажни дуруст бўлиши учун шартдир. Намоз билан ҳажнинг таҳримаси ва таҳлили бор” (“Раддул мухтор”).

           ЭҲРОМГА  КИРИШДА ЎҚИЛАДИГАН  ДУОЛАР:

 Бизнинг ҳожиларимиз ҳам, умра зиёратчиларимиз ҳам  Мадинаи мунавварада тўхтаган меҳмонхонамизда ғусл қилиб, эҳром боғлаймиз. Зиёратчи Ҳажнинг қaйcи турини адо қилмoқчи бўлca, ўшaнгa мoc ният қилади. Macaлaн,

          Қиpoн ҳажининг нияти:

اللهم إني أريد العمرة والحج فيسرهما لي وتقبلهما مني

  ”Aллoҳyммa инний ypийдyл yмpатa вaл-ҳaжжa фa йaccиpҳyмa ли вa тaқoббaлҳyмa минний”

 Яъни,  Aллoҳим, мен yмpa вa ҳаж қилишни иpoдa қилaмaн, yлapни мeнгa ocoн қилгин вa қабyл эт”.

 Taмaттyъ ҳажининг умраси нияти, Ўзбекистонлик зиёратчилар таматтуъ эҳромига киради  ва қуйидагича ният қилади:

 Taмaттyъ ҳажининг умраси нияти:

 اللهم إني أريد العمرة فيسرها لي وتقبلها مني

 ”Aллoҳyммa инний ypийдyл умрата фa йaccиpҳо лий вa тaқoббaлҳо минний”.

 Яъни, “Аллоҳим, мeн yмpa қилишни иpoдa қилaмaн. Уни мeнгa ocoн қилгин вa мендан қaбyл эт”.

 Ифpoд ҳажининг нияти:

 اللهم إني أريد الحج فيسره لي وتقبله مني

 “Aллoҳyммa инний ypийдyл ҳaжжa фa йaccирҳу лий вa тaқoббaлҳy минний”.

 Яъни, “Aллoҳим, мeн ҳaж қилмoқни иpoдa қилaмaн, yни мeнгa ocoн қилгин вa мендан қaбyл эт”.

Ҳаж ва умра
Бошқа мақолалар

Ўзбекистон делегацияси ИҲТ Ташқи ишлар вазирлари кенгашининг 52-сессиясида иштирок этди

20.10.2026   120553   1 min.
Ўзбекистон делегацияси ИҲТ Ташқи ишлар вазирлари кенгашининг 52-сессиясида иштирок этди

Ташқи ишлар вазирининг биринчи ўринбосари Баҳромжон Аълоев бошчилигидаги Ўзбекистон делегацияси 17–18 октябрь кунлари Бағдод шаҳрида бўлиб ўтган Ислом ҳамкорлик ташкилоти (ИҲТ) Ташқи ишлар вазирлари кенгашининг 52-сессиясида иштирок этди, деб хабар бермоқда “Дунё” АА мухбири.

Учрашувда халқаро ва минтақавий аҳамиятга молик долзарб масалалар, жумладан, тинчлик ва хавфсизликни таъминлаш, можароларни ҳал этиш, терроризмга қарши курашиш ва Ташкилотга аъзо давлатлар ўртасидаги ҳамкорликни мустаҳкамлаш масалалари кўриб чиқилди.

Баҳромжон Аълоев нутқида ислом дунёсининг мулоқоти ва бирдамлигини мустаҳкамлаш, можароларни фақат сиёсий-дипломатик воситалар, мулоқот ва музокаралар орқали тинч йўл билан ҳал этиш муҳимлигини таъкидлади. У Ўзбекистоннинг Фаластин масаласи бўйича принципиал позициясини баён қилди ҳамда Афғонистоннинг ижтимоий-иқтисодий тикланиши ва унинг минтақавий интеграциясига кўмаклашиш зарурлигини таъкидлади.

Маърифий исломни тарғиб қилиш, илмий-маданий ҳамкорликни ривожлантириш, минтақавий ишонч ва яхши қўшничиликни мустаҳкамлашда Марказий Осиё тажрибасидан фойдаланишга алоҳида эътибор қаратилди.

Сессия доирасида ИҲТга аъзо давлатлар вакиллари билан қатор икки томонлама учрашувлар ўтказилиб, сиёсий мулоқот, савдо-иқтисодий ҳамкорлик ва халқаро ташкилотлар доирасидаги ҳамкорликни кенгайтириш истиқболлари муҳокама қилинди.

Ўзбекистон мусулмонлари идораси Матбуот хизмати

Ўзбекистон янгиликлари