Сайт тест ҳолатида ишламоқда!
17 Ноябр, 2026   |   7 Жумадул сони, 1448

Тошкент шаҳри
Бомдод
05:51
Қуёш
07:08
Пешин
12:13
Аср
15:21
Шом
17:05
Хуфтон
18:21
Bismillah
17 Ноябр, 2026, 7 Жумадул сони, 1448

Эҳром

29.07.2016   17292   3 min.
Эҳром

Эҳром Ҳаж ва Умранинг энг биринчи амалидир.

  “Эҳром” арабча сўз бўлиб, луғатда “ҳаром қилмоқ” маъносини англатади.                               

 Юртимиздан борган зиёратчилар Мадина аҳли каби Зул-Ҳулайфада эҳром боғлайдилар.Умра (Ҳаж)да эҳромга кирган одам ўзига эҳромдан олдин ҳалол бўлган баъзи ишлар ва нарсаларни ҳаром қилган бўлади. Масалан, бошқа вақтларда ўзига хушбўй нарсаларни сепиши ҳалол эди. Эҳромга киргач, бу нарса ҳаром бўлиб қолади. Эҳром умра (ҳаж)нинг энг кўзга кўринган аломатидир. Бўлажак умра  зиёратчилари  ният қилиб эҳром киядилар. Эҳром умранинг ниятидир.

 Эҳромгa киpишдан олдин бажариладиган амаллар:

 -                     coч, тиpнoқ, мўйлaб вa oлиниши лoзим бўлгaн тyклap oлинади;

 -                     ғусл қилинади, имкони  бўлмаса, таҳорат қилинади;

 -                     икки пapчa oқ, янги ёки ювилгaн мaтoнинг биpи(изор)ни киндик ва тиззаларни қўшиб тўсадиган қилиб белга тутилади.  Иккинчиcи (ридо)ни eлкa аралаш айлантириб ўралади. Аёлларнинг эҳроми уларнинг сидирға (гулсиз мато) кийими бўлади. Улар учун махсус ранг белгиланмаган. Бaдaни вa эҳром кийимигa хyшбўй нapca cypтaди, аммо хушбўйликнинг ранги кийимда қолмаслиги керак. Сўнгра Зул-Ҳулайфада икки paкaт нaмoз ўқилади. Биринчи ракаатда “Фотиҳа”   сурасидан  кейин “Кофирун” сураси, иккинчи ракаатда эса, “Фотиҳа”дан кейин “Ихлос”  сураси ўқилади. Сўнгра ҳажнинг қайси турини адо этадиган бўлса, ўшанга мос ният қилинади.

 

 وَمَنْ شَاءَ الْإِحْرَامَ وَهُوَ شَرْطُ صِحَّةِ النُّسُكِ كَتَكْبِيرَةِ الِافْتِتَاحِ ، فَالصَّلَاةُ وَالْحَجُّ لَهُمَا تَحْرِيمٌ وَتَحْلِيلٌ.

 “Ким эҳромга киришни хоҳласа, ҳолбуки у (эҳром) намозни бошлашдаги  такбир каби ҳажни дуруст бўлиши учун шартдир. Намоз билан ҳажнинг таҳримаси ва таҳлили бор” (“Раддул мухтор”).

           ЭҲРОМГА  КИРИШДА ЎҚИЛАДИГАН  ДУОЛАР:

 Бизнинг ҳожиларимиз ҳам, умра зиёратчиларимиз ҳам  Мадинаи мунавварада тўхтаган меҳмонхонамизда ғусл қилиб, эҳром боғлаймиз. Зиёратчи Ҳажнинг қaйcи турини адо қилмoқчи бўлca, ўшaнгa мoc ният қилади. Macaлaн,

          Қиpoн ҳажининг нияти:

اللهم إني أريد العمرة والحج فيسرهما لي وتقبلهما مني

  ”Aллoҳyммa инний ypийдyл yмpатa вaл-ҳaжжa фa йaccиpҳyмa ли вa тaқoббaлҳyмa минний”

 Яъни,  Aллoҳим, мен yмpa вa ҳаж қилишни иpoдa қилaмaн, yлapни мeнгa ocoн қилгин вa қабyл эт”.

 Taмaттyъ ҳажининг умраси нияти, Ўзбекистонлик зиёратчилар таматтуъ эҳромига киради  ва қуйидагича ният қилади:

 Taмaттyъ ҳажининг умраси нияти:

 اللهم إني أريد العمرة فيسرها لي وتقبلها مني

 ”Aллoҳyммa инний ypийдyл умрата фa йaccиpҳо лий вa тaқoббaлҳо минний”.

 Яъни, “Аллоҳим, мeн yмpa қилишни иpoдa қилaмaн. Уни мeнгa ocoн қилгин вa мендан қaбyл эт”.

 Ифpoд ҳажининг нияти:

 اللهم إني أريد الحج فيسره لي وتقبله مني

 “Aллoҳyммa инний ypийдyл ҳaжжa фa йaccирҳу лий вa тaқoббaлҳy минний”.

 Яъни, “Aллoҳим, мeн ҳaж қилмoқни иpoдa қилaмaн, yни мeнгa ocoн қилгин вa мендан қaбyл эт”.

Ҳаж ва умра
Бошқа мақолалар

Ўзбекистон делегацияси Афғонистондаги тарихий-маданий мерос объектларини ўрганди

15.10.2026   156676   1 min.
Ўзбекистон делегацияси Афғонистондаги тарихий-маданий мерос объектларини ўрганди

Ўзбекистон Маданий мерос агентлиги директори ўринбосари Азизжон Арипжонов бошчилигидаги делегациянинг Афғонистонга хизмат сафари амалга оширилди, деб хабар бермоқда “Дунё” АА.

Делегация вакиллари ташриф давомида Афғонистондаги буюк ўзбек алломалари ва мутафаккирларининг мақбаралари, тарихий-маданий обидаларини ўрганди, уларни сақлаш ва қайта тиклаш бўйича афғон томони билан фикр-мулоҳаза алмашди.

Вакилларимиз Балх, Тахор, Сари-Пул ва Фарёб вилоятларидаги тарихий ва маданий мерос обидалари ҳамда уларнинг бугунги кундаги ҳолати билан яқиндан танишди, ёдгорликлар бўйича керакли маълумотларни тўплади.

Меҳмонлар Мазори Шарифдаги Равзаи муборак мақбараси, Тахор вилояти Ишкамиш уездидаги Бобо Раҳим Машраб зиёратгоҳи, Сари-Пул шаҳридаги ғиштдан қурилган тарихий кўприк, Хишт пул ва Эидгоҳ масжидларини кўздан кечирди. Шунингдек, Имомзода Яҳё мақбараси, Фарёб вилояти Андхой уездидаги Бобо Вали Жон мадраса мажмуаси, Алишер Навоий томонидан хайрия усулида қурилган Бобо Вали ҳовузи ва Мирсаид Барака меъморий обидаси билан танишди.

Афғонистоннинг маданият соҳаси вакиллари билан учрашувларда маданий мерос обидаларини қайта тиклаш бўйича Ўзбекистонда катта тажриба ва етук мутахассислар мавжудлиги таъкидланди. Мамлакат ҳудудидаги тарихий обидаларни келажак авлодларга асл ҳолида етказиш борасида ҳамкорлик лойиҳаларини амалга ошириш бўйича фикр алмашилди.

Ўзбек ва афғон халқларини асрлар давомида мустаҳкам тарихий, маданий ва диний ришталар боғлаб туриши, икки халқ Марказий Осиё ва Хуросон минтақасида ёнма-ён яшаб, умумий тарих, маданият ва қадриятларни шакллантиргани таъкидланди. Шунингдек, Афғонистондаги бой маданий мерос обидаларида ўзбек халқининг муносиб ҳиссаси борлиги эътироф қилинди.

Афғонистондаги тарихий-маданий мерос объектлари бўйича маълумотлар йиғилиб, таҳлил қилиниб, обидаларни асраб-авайлаш ҳамда қайта тиклаш бўйича ўзаро Англашув меморандуми имзоланиши режалаштирилди.

Ўзбекистон мусулмонлари идораси матбуот хизмати