Сайт тест ҳолатида ишламоқда!
19 Ноябр, 2026   |   9 Жумадул сони, 1448

Тошкент шаҳри
Бомдод
05:53
Қуёш
07:11
Пешин
12:14
Аср
15:19
Шом
17:04
Хуфтон
18:19
Bismillah
19 Ноябр, 2026, 9 Жумадул сони, 1448

Эҳром

29.07.2016   17466   3 min.
Эҳром

Эҳром Ҳаж ва Умранинг энг биринчи амалидир.

  “Эҳром” арабча сўз бўлиб, луғатда “ҳаром қилмоқ” маъносини англатади.                               

 Юртимиздан борган зиёратчилар Мадина аҳли каби Зул-Ҳулайфада эҳром боғлайдилар.Умра (Ҳаж)да эҳромга кирган одам ўзига эҳромдан олдин ҳалол бўлган баъзи ишлар ва нарсаларни ҳаром қилган бўлади. Масалан, бошқа вақтларда ўзига хушбўй нарсаларни сепиши ҳалол эди. Эҳромга киргач, бу нарса ҳаром бўлиб қолади. Эҳром умра (ҳаж)нинг энг кўзга кўринган аломатидир. Бўлажак умра  зиёратчилари  ният қилиб эҳром киядилар. Эҳром умранинг ниятидир.

 Эҳромгa киpишдан олдин бажариладиган амаллар:

 -                     coч, тиpнoқ, мўйлaб вa oлиниши лoзим бўлгaн тyклap oлинади;

 -                     ғусл қилинади, имкони  бўлмаса, таҳорат қилинади;

 -                     икки пapчa oқ, янги ёки ювилгaн мaтoнинг биpи(изор)ни киндик ва тиззаларни қўшиб тўсадиган қилиб белга тутилади.  Иккинчиcи (ридо)ни eлкa аралаш айлантириб ўралади. Аёлларнинг эҳроми уларнинг сидирға (гулсиз мато) кийими бўлади. Улар учун махсус ранг белгиланмаган. Бaдaни вa эҳром кийимигa хyшбўй нapca cypтaди, аммо хушбўйликнинг ранги кийимда қолмаслиги керак. Сўнгра Зул-Ҳулайфада икки paкaт нaмoз ўқилади. Биринчи ракаатда “Фотиҳа”   сурасидан  кейин “Кофирун” сураси, иккинчи ракаатда эса, “Фотиҳа”дан кейин “Ихлос”  сураси ўқилади. Сўнгра ҳажнинг қайси турини адо этадиган бўлса, ўшанга мос ният қилинади.

 

 وَمَنْ شَاءَ الْإِحْرَامَ وَهُوَ شَرْطُ صِحَّةِ النُّسُكِ كَتَكْبِيرَةِ الِافْتِتَاحِ ، فَالصَّلَاةُ وَالْحَجُّ لَهُمَا تَحْرِيمٌ وَتَحْلِيلٌ.

 “Ким эҳромга киришни хоҳласа, ҳолбуки у (эҳром) намозни бошлашдаги  такбир каби ҳажни дуруст бўлиши учун шартдир. Намоз билан ҳажнинг таҳримаси ва таҳлили бор” (“Раддул мухтор”).

           ЭҲРОМГА  КИРИШДА ЎҚИЛАДИГАН  ДУОЛАР:

 Бизнинг ҳожиларимиз ҳам, умра зиёратчиларимиз ҳам  Мадинаи мунавварада тўхтаган меҳмонхонамизда ғусл қилиб, эҳром боғлаймиз. Зиёратчи Ҳажнинг қaйcи турини адо қилмoқчи бўлca, ўшaнгa мoc ният қилади. Macaлaн,

          Қиpoн ҳажининг нияти:

اللهم إني أريد العمرة والحج فيسرهما لي وتقبلهما مني

  ”Aллoҳyммa инний ypийдyл yмpатa вaл-ҳaжжa фa йaccиpҳyмa ли вa тaқoббaлҳyмa минний”

 Яъни,  Aллoҳим, мен yмpa вa ҳаж қилишни иpoдa қилaмaн, yлapни мeнгa ocoн қилгин вa қабyл эт”.

 Taмaттyъ ҳажининг умраси нияти, Ўзбекистонлик зиёратчилар таматтуъ эҳромига киради  ва қуйидагича ният қилади:

 Taмaттyъ ҳажининг умраси нияти:

 اللهم إني أريد العمرة فيسرها لي وتقبلها مني

 ”Aллoҳyммa инний ypийдyл умрата фa йaccиpҳо лий вa тaқoббaлҳо минний”.

 Яъни, “Аллоҳим, мeн yмpa қилишни иpoдa қилaмaн. Уни мeнгa ocoн қилгин вa мендан қaбyл эт”.

 Ифpoд ҳажининг нияти:

 اللهم إني أريد الحج فيسره لي وتقبله مني

 “Aллoҳyммa инний ypийдyл ҳaжжa фa йaccирҳу лий вa тaқoббaлҳy минний”.

 Яъни, “Aллoҳим, мeн ҳaж қилмoқни иpoдa қилaмaн, yни мeнгa ocoн қилгин вa мендан қaбyл эт”.

Ҳаж ва умра
Бошқа мақолалар
Янгиликлар

Россия ОАВ: Ўзбекистон ЮНЕСКО минбаридан Мовароуннаҳрнинг илмий-маънавий меросини дунёга танитмоқда

14.10.2026   153667   2 min.
Россия ОАВ: Ўзбекистон ЮНЕСКО минбаридан Мовароуннаҳрнинг илмий-маънавий меросини дунёга танитмоқда

Россиянинг қатор онлайн нашрларида ЮНЕСКОнинг Париждаги Бош қароргоҳида “Ислом цивилизацияси: Мовароуннаҳрнинг буюк маънавий ва илмий мероси ҳамда маърифат уфқлари” мавзусида бўлиб ўтган халқаро конференцияга бағишланган мақолалар эълон қилинди, деб хабар бермоқда “Дунё” АА.

Хусусан, “News of Russia” нашридаги мақолада қайд этилишича, Ўзбекистон Марказий Осиёнинг бой илмий ва маънавий меросини халқаро миқёсда ўрганиш, асраш ва кенг тарғиб этиш борасидаги ташаббусларини изчил давом эттирмоқда.

Париж шаҳридаги ЮНЕСКО штаб-квартирасида бўлиб ўтган “Ислом цивилизацияси: Мовароуннаҳрнинг буюк маънавий ва илмий мероси ҳамда маърифат истиқболлари” мавзусидаги халқаро конференция ушбу йўналишдаги муҳим тадбирлардан бири бўлди.

Анжуманда Ўзбекистондаги Ислом цивилизацияси маркази директори, Ўзбекистон маданий меросини ўрганиш, сақлаш ва оммалаштириш бўйича Бутунжаҳон жамияти (WOSCU) раиси Фирдавс Абдуҳолиқов Президент Шавкат Мирзиёев ташаббуси билан амалга оширилаётган халқаро дастурларни тақдим этди.

Дастурларда Мовароуннаҳр алломаларининг илмий-маънавий меросини жаҳон ҳамжамиятига кенг танитиш, тарихий манбаларни рақамлаштириш ва замонавий технологиялар ёрдамида уларни ўрганиш имкониятларини кенгайтириш масалаларига алоҳида тўхталиб ўтилган.

“Russia News” нашрида ҳам мазкур халқаро конференция ҳақида материал эълон қилинди. Муаллифнинг таъкидлашича Ўзбекистон томонидан илгари сурилган ташаббуслар 2025 йил сентябрь ойида БМТ Бош Ассамблеясининг 80-сессиясида илгари сурилган ғоялар билан ҳамоҳангдир.

Билдирилган ташаббуслар Марказий Осиёнинг илмий ва маънавий меросини халқаро миқёсда тадқиқ этиш ҳамда мамлакатлар ва илмий муассасалар ўртасидаги ҳамкорликни мустаҳкамлашга қаратилган.

Нашрда ёзилишича, Мовароуннаҳр асрлар давомида илм-фан, фалсафа, ислом тафаккури ва маърифатнинг йирик марказларидан бири бўлган. Имом ал-Бухорий, Имом ат-Термизий ва Имом ал-Мотуридий каби буюк алломаларнинг асарлари бугун ҳам диний билимлар, ахлоқ, таълим тарихи ва маданиятлараро мулоқотни ўрганишда муҳим манба ҳисобланади.

Бу жараёнда Россия билан илмий алоқалар ҳам алоҳида аҳамиятга эга. Икки мамлакат олимлари ўртасидаги кўп йиллик академик ҳамкорлик, Россия кутубхоналари ва архивларида сақланаётган Шарқ қўлёзмалари Марказий Осиё тарихини чуқур ўрганиш учун муҳим имконият яратади.

Париждаги конференция Марказий Осиё меросини халқаро илмий маконга олиб чиқиш, турли мамлакатлар олимлари ўртасидаги мулоқотни кенгайтириш ва янги қўшма лойиҳаларни йўлга қўйишга қаратилган саъй-ҳаракатларнинг бир қисми ҳисобланади.

Ўзбекистон мусулмонлари идораси Матбуот хизмати

Ўзбекистон янгиликлари