Сайт тест ҳолатида ишламоқда!
19 Ноябр, 2026   |   9 Жумадул сони, 1448

Тошкент шаҳри
Бомдод
05:53
Қуёш
07:11
Пешин
12:14
Аср
15:19
Шом
17:04
Хуфтон
18:19
Bismillah
19 Ноябр, 2026, 9 Жумадул сони, 1448

Эҳром

29.07.2016   17469   3 min.
Эҳром

Эҳром Ҳаж ва Умранинг энг биринчи амалидир.

  “Эҳром” арабча сўз бўлиб, луғатда “ҳаром қилмоқ” маъносини англатади.                               

 Юртимиздан борган зиёратчилар Мадина аҳли каби Зул-Ҳулайфада эҳром боғлайдилар.Умра (Ҳаж)да эҳромга кирган одам ўзига эҳромдан олдин ҳалол бўлган баъзи ишлар ва нарсаларни ҳаром қилган бўлади. Масалан, бошқа вақтларда ўзига хушбўй нарсаларни сепиши ҳалол эди. Эҳромга киргач, бу нарса ҳаром бўлиб қолади. Эҳром умра (ҳаж)нинг энг кўзга кўринган аломатидир. Бўлажак умра  зиёратчилари  ният қилиб эҳром киядилар. Эҳром умранинг ниятидир.

 Эҳромгa киpишдан олдин бажариладиган амаллар:

 -                     coч, тиpнoқ, мўйлaб вa oлиниши лoзим бўлгaн тyклap oлинади;

 -                     ғусл қилинади, имкони  бўлмаса, таҳорат қилинади;

 -                     икки пapчa oқ, янги ёки ювилгaн мaтoнинг биpи(изор)ни киндик ва тиззаларни қўшиб тўсадиган қилиб белга тутилади.  Иккинчиcи (ридо)ни eлкa аралаш айлантириб ўралади. Аёлларнинг эҳроми уларнинг сидирға (гулсиз мато) кийими бўлади. Улар учун махсус ранг белгиланмаган. Бaдaни вa эҳром кийимигa хyшбўй нapca cypтaди, аммо хушбўйликнинг ранги кийимда қолмаслиги керак. Сўнгра Зул-Ҳулайфада икки paкaт нaмoз ўқилади. Биринчи ракаатда “Фотиҳа”   сурасидан  кейин “Кофирун” сураси, иккинчи ракаатда эса, “Фотиҳа”дан кейин “Ихлос”  сураси ўқилади. Сўнгра ҳажнинг қайси турини адо этадиган бўлса, ўшанга мос ният қилинади.

 

 وَمَنْ شَاءَ الْإِحْرَامَ وَهُوَ شَرْطُ صِحَّةِ النُّسُكِ كَتَكْبِيرَةِ الِافْتِتَاحِ ، فَالصَّلَاةُ وَالْحَجُّ لَهُمَا تَحْرِيمٌ وَتَحْلِيلٌ.

 “Ким эҳромга киришни хоҳласа, ҳолбуки у (эҳром) намозни бошлашдаги  такбир каби ҳажни дуруст бўлиши учун шартдир. Намоз билан ҳажнинг таҳримаси ва таҳлили бор” (“Раддул мухтор”).

           ЭҲРОМГА  КИРИШДА ЎҚИЛАДИГАН  ДУОЛАР:

 Бизнинг ҳожиларимиз ҳам, умра зиёратчиларимиз ҳам  Мадинаи мунавварада тўхтаган меҳмонхонамизда ғусл қилиб, эҳром боғлаймиз. Зиёратчи Ҳажнинг қaйcи турини адо қилмoқчи бўлca, ўшaнгa мoc ният қилади. Macaлaн,

          Қиpoн ҳажининг нияти:

اللهم إني أريد العمرة والحج فيسرهما لي وتقبلهما مني

  ”Aллoҳyммa инний ypийдyл yмpатa вaл-ҳaжжa фa йaccиpҳyмa ли вa тaқoббaлҳyмa минний”

 Яъни,  Aллoҳим, мен yмpa вa ҳаж қилишни иpoдa қилaмaн, yлapни мeнгa ocoн қилгин вa қабyл эт”.

 Taмaттyъ ҳажининг умраси нияти, Ўзбекистонлик зиёратчилар таматтуъ эҳромига киради  ва қуйидагича ният қилади:

 Taмaттyъ ҳажининг умраси нияти:

 اللهم إني أريد العمرة فيسرها لي وتقبلها مني

 ”Aллoҳyммa инний ypийдyл умрата фa йaccиpҳо лий вa тaқoббaлҳо минний”.

 Яъни, “Аллоҳим, мeн yмpa қилишни иpoдa қилaмaн. Уни мeнгa ocoн қилгин вa мендан қaбyл эт”.

 Ифpoд ҳажининг нияти:

 اللهم إني أريد الحج فيسره لي وتقبله مني

 “Aллoҳyммa инний ypийдyл ҳaжжa фa йaccирҳу лий вa тaқoббaлҳy минний”.

 Яъни, “Aллoҳим, мeн ҳaж қилмoқни иpoдa қилaмaн, yни мeнгa ocoн қилгин вa мендан қaбyл эт”.

Ҳаж ва умра
Бошқа мақолалар

“Ботил даъволарга асосли раддиялар” номли янги медиа-қўлланма нашр этилди

13.10.2026   79196   1 min.
“Ботил даъволарга асосли раддиялар” номли янги медиа-қўлланма нашр этилди

Ўзбекистон мусулмонлари идораси томонидан имом-хатиблар ва диний-маърифий соҳа вакиллари учун “Ботил даъволарга асосли раддиялар” номли янги медиа-қўлланма нашрдан чиқди.


Мазкур қўлланма сўнгги йилларда интернет тармоғида “салафийлик”, “мазҳабсизлик” ва ва мотуридийлик таълимотига зид бўлган ғояларни тарғиб қилувчи, миллий-диний қадриятларимизни инкор этган ҳолда анъанавий ҳанафий мазҳаби ёндашувларга нисбатан ишончсизлик уйғотишга уринаётган "даъватчи"ларнинг ботил иддаоларини таҳлил қилиш асосида тайёрланди.

Медиа-қўлланмадан кўзланган асосий мақсад:
– Ижтимоий тармоқларда асоссиз ғояларни илгари сураётган турли радикал тоифаларга қарши илмий ҳамда асосли раддиялар бериш;
– Замонавий медиа-маконда аҳолига Ислом динининг асл инсонпарварлик ва бағрикенглик ғояларини етказишда имом-хатибларга ёрдамчи манба бўлиб хизмат қилади.

Китобда ёритилган асосий мавзулар:
Қўлланмада 100 дан ортиқ муҳим ва долзарб мавзулар камраб олинган. Жумладан:
– Аҳли сунна вал жамоа тушунчаси ва меъёрлари;
– Фатво бериш масъулияти ва тартиби;
– Ҳанафий мазҳаби ва Мотуридия ақидаси асослари;
– Аллоҳ таолонинг зотий ва феълий сифатлари;
– Замонавий ва анъанавий фиқҳий масалалар;
– “Дорул ислом” ва “дорул куфр” тушунчаларининг асл моҳияти;
– Жиҳод, ҳижрат ва такфир (кофирга чиқариш) тушунчаларининг сохта талқинларига раддиялар;
– Жамият барқарорлиги ва диний бағрикенглик тамойиллари;
– Мазҳабсизлик хатари ҳамда миллий-диний қадрият ва маросимларнинг шаръий асослари.

Шунингдек, китобда замонавий имкониятлардан фойдаланилган бўлиб, QR-код орқали қўлланманинг электрон шаклини юклаб олиш ва ундан фойдаланиш имконияти яратилган.

 

ЎМИ, Ахборот-таҳлил бўлими