Мустақиллик — бу бирлик, ҳамжиҳатлик ва бир-биримизга қўл узатиш кунидир. Фарғона вилоятида бу руҳ сўз билан эмас, амал билан намойиш этилмоқда: 35 йиллик истиқлол арафасида юзлаб инсонлар меҳр ва саховат бағрида байрамга кирмоқда.

Алишер домла Наимов ташаббуси билан Қувасой шаҳрида ўтказилган хайрия тадбирида 33 та хонадонга озиқ-овқат маҳсулотлари, 43 нафар болажонга эса ўқув қуроллари ва кийим-кечаклар тантанали равишда топширилди. Тадбирда вилоят бош имом-хатиби Убайдуллоҳ домла Абдуллаев ҳам иштирок этди.

Тадбирнинг якунида юрт ривожи, халқ фаровонлиги ва мустақиллигимизнинг бардавом бўлиши учун биргаликда дуо қилинди.

 

Фарғона вилояти вакиллиги Матбуот хизмати