Агар турмуш ўртоқни танлашда ихтиёр аёл ниятининг софлиги ва қалбининг поклиги асосида бўлганда эди, Осиё онамиз Фиръавнга турмушга чиқмаган бўлар эди.
Агар яхши аёл танлаш эркакнинг донолиги билан бўлганда эди, Нуҳ ва Лут алайҳимассалом икки хоин аёлга уйланмаган бўларди.
Агар фарзанднинг салоҳияти ёки фасоди отанинг сабабидан бўлганда эди, Озардан Аллоҳнинг халили Иброҳим алайҳиссаломдек зот дунёга келмаган ва улуғ пайғамбарлардан бири бўлган зот (Нуҳ алайҳиссалом)нинг фарзанди кофирлар билан бирга ғарқ қилинмаган бўлар эди.
Лекин буларнинг бари баъзилар баъзилар ила синаш ва ким яхшироқ сабр қилишини билиш учун жорий бўлгандир...
Доктор Аҳмад Исо Маъсоравий
Бугун, 27 октябрь куни Дин ишлари бўйича қўмита ҳузуридаги Диний-маърифий соҳада малака ошириш ва қайта тайёрлаш институти ҳамда Ўзбекистон мусулмонлари идораси "Қуръони карим ва тажвидни ўргатиш" бўлими ҳамкорлигида Диний таълим муассасаси педагог кадрлари, имом-хатиб ва имом ноиблар учун "Қуръон ва тажвид илми" мавзусида бинар дарс ташкил этилди.
Дарсда "Қуръони карим ва тажвидни ўргатиш" бўлими бошлиғи Шайх Али Файзуллоҳ Махдум динимизда вақт ва ундан унумли фойдаланишнинг аҳамияти ҳақида маъруза қилди.
Ўзбекистон мусулмонлари идораси Матбуот хизмати