Агар турмуш ўртоқни танлашда ихтиёр аёл ниятининг софлиги ва қалбининг поклиги асосида бўлганда эди, Осиё онамиз Фиръавнга турмушга чиқмаган бўлар эди.
Агар яхши аёл танлаш эркакнинг донолиги билан бўлганда эди, Нуҳ ва Лут алайҳимассалом икки хоин аёлга уйланмаган бўларди.
Агар фарзанднинг салоҳияти ёки фасоди отанинг сабабидан бўлганда эди, Озардан Аллоҳнинг халили Иброҳим алайҳиссаломдек зот дунёга келмаган ва улуғ пайғамбарлардан бири бўлган зот (Нуҳ алайҳиссалом)нинг фарзанди кофирлар билан бирга ғарқ қилинмаган бўлар эди.
Лекин буларнинг бари баъзилар баъзилар ила синаш ва ким яхшироқ сабр қилишини билиш учун жорий бўлгандир...
Доктор Аҳмад Исо Маъсоравий
Боку шаҳрида Ўзбекистон делегацияси Озарбайжон Миллий фанлар академиясига ташриф буюриб, илмий-маданий ҳамкорликни кенгайтириш ва муштарак тарихий меросни ўрганиш масалаларини муҳокама қилди.
26 октябрь куни бўлиб ўтган учрашувда Ўзбекистоннинг Озарбайжондаги Фавқулодда ва Мухтор Элчиси Баҳром Ашрафхонов, Ўзбекистондаги Ислом цивилизацияси маркази директори Фирдавс Абдухолиқов, Ўзбекистон тарихи давлат музейи директори Жаннат Исмоилова ҳамда Ўзбекистон мусулмонлари идораси раиси ўринбосари Ҳомиджон Ишматбеков иштирок этди.
Музокараларда тарихий қўлёзмалар ва илмий манбаларни тадқиқ этиш, буюк алломалар меросини халқаро миқёсда тарғиб қилиш, илмий муассасалар ва музейлар ўртасида тажриба алмашиш ҳамда қўшма лойиҳаларни амалга ошириш истиқболларига алоҳида эътибор қаратилди.
Ташриф икки мамлакат ўртасидаги илмий-маданий алоқаларни мустаҳкамлаш ва ўзаро ҳамкорликнинг янги йўналишларини ривожлантиришга хизмат қилади.