Агар турмуш ўртоқни танлашда ихтиёр аёл ниятининг софлиги ва қалбининг поклиги асосида бўлганда эди, Осиё онамиз Фиръавнга турмушга чиқмаган бўлар эди.
Агар яхши аёл танлаш эркакнинг донолиги билан бўлганда эди, Нуҳ ва Лут алайҳимассалом икки хоин аёлга уйланмаган бўларди.
Агар фарзанднинг салоҳияти ёки фасоди отанинг сабабидан бўлганда эди, Озардан Аллоҳнинг халили Иброҳим алайҳиссаломдек зот дунёга келмаган ва улуғ пайғамбарлардан бири бўлган зот (Нуҳ алайҳиссалом)нинг фарзанди кофирлар билан бирга ғарқ қилинмаган бўлар эди.
Лекин буларнинг бари баъзилар баъзилар ила синаш ва ким яхшироқ сабр қилишини билиш учун жорий бўлгандир...
Доктор Аҳмад Исо Маъсоравий
Уламоларимиз: "Бирор ҳудудда масжид барпо этилса, шу масжиднинг баракаси бутун аҳолига татийди. Шу ерга файз, унум ва барака инади", дейишган.
Қўшкўпир туманида жойлашган “Хазрати Эшон бобо” жоме масжидини қайтадан қуриш учун тамал тоши қўйилган эди. Бугун, мазкур масжиднинг янги биноси қурилишига илк ғишт қўйиш маросими бўлиб ўтди.
Унда Хоразм вилоят бош имом-хатиби Хайрулла домла Абдуллаев ва тумандаги имом-хатиблар, мутасаддилар, маҳалла фаоллари ва нуроний отахонлар иштирок этди.
Янги жоме тез орада мўмин-мусулмонлар ихтиёрига топширилишини Аллоҳ таоло насиб этсин. Бу хайрли ишга ҳисса қўшаётганлардан Роббимиз рози бўлсин!
Ўзбекистон мусулмонлари идораси Матбуот хизмати