Сайт тест ҳолатида ишламоқда!
17 Ноябр, 2026   |   7 Жумадул сони, 1448

Тошкент шаҳри
Бомдод
05:51
Қуёш
07:13
Пешин
12:13
Аср
15:21
Шом
17:05
Хуфтон
18:22
Bismillah
17 Ноябр, 2026, 7 Жумадул сони, 1448

Агар...

29.08.2024   8760   1 min.
Агар...

Агар турмуш ўртоқни танлашда ихтиёр аёл ниятининг софлиги ва қалбининг поклиги асосида бўлганда эди, Осиё онамиз Фиръавнга турмушга чиқмаган бўлар эди.

Агар яхши аёл танлаш эркакнинг донолиги билан бўлганда эди, Нуҳ ва Лут алайҳимассалом икки хоин аёлга уйланмаган бўларди.

Агар фарзанднинг салоҳияти ёки фасоди отанинг сабабидан бўлганда эди, Озардан Аллоҳнинг халили Иброҳим алайҳиссаломдек зот дунёга келмаган ва улуғ  пайғамбарлардан бири бўлган зот (Нуҳ алайҳиссалом)нинг фарзанди кофирлар билан бирга ғарқ қилинмаган бўлар эди.

Лекин буларнинг бари баъзилар баъзилар ила синаш ва ким яхшироқ сабр қилишини билиш учун жорий бўлгандир...

Доктор Аҳмад Исо Маъсоравий

Бошқа мақолалар

Karabük университети меҳмонлари Кўкалдош мадрасасида

12.11.2026   46758   1 min.
Karabük университети меҳмонлари Кўкалдош мадрасасида

Кўкалдош ўрта махсус ислом таълим муассасасига Туркиянинг Karabük университети вакиллари ташриф буюрдилар. Меҳмонлар муассаса раҳбарияти томонидан илиқ кутиб олинди. Делегация таркибида Карабüк университети Халқаро алоқалар бўлими бошлиғи Аднан Укур, Муҳандислик факультети Қурилиш муҳандислиги кафедраси профессори Проф. Др. Эртуғрул Эсмерай ҳамда Karabük университети Ассист. Проф. Др. Дилмурод Жураев бор эди.

Ташриф давомида меҳмонлар аввало муассасанинг 475 йиллик бой тарихи билан танишдилар. Асрлар мобайнида илм ва маърифат маскани бўлиб келган бу даргоҳ бугунги кунда ҳам ёш авлодни диний ва дунёвий билимлар руҳида тарбиялаб, юртимизнинг маънавий ҳаётида муҳим ўрин тутмоқда. Кейин меҳмонлар янги бош бинодаги синф хоналари, кутубхона, компьютер хонаси, спорт зали, ошхона ва ётоқхона билан яқиндан танишиб, талабалар учун яратилган шароитларни кўрдилар.

Юртимизда сўнгги йилларда Президентимиз ташаббуси билан диний-маърифий соҳани ривожлантириш, ёшларни илм, маърифат ва эзгу қадриятлар руҳида тарбиялашга алоҳида эътибор қаратилмоқда. Кўкалдош каби қадимий илм даргоҳларининг бугунги фаолияти ана шу эътиборнинг ёрқин ифодасидир.

Кўкалдош ўрта махсус ислом таълим муассасаси Матбуот хизмати