Агар турмуш ўртоқни танлашда ихтиёр аёл ниятининг софлиги ва қалбининг поклиги асосида бўлганда эди, Осиё онамиз Фиръавнга турмушга чиқмаган бўлар эди.
Агар яхши аёл танлаш эркакнинг донолиги билан бўлганда эди, Нуҳ ва Лут алайҳимассалом икки хоин аёлга уйланмаган бўларди.
Агар фарзанднинг салоҳияти ёки фасоди отанинг сабабидан бўлганда эди, Озардан Аллоҳнинг халили Иброҳим алайҳиссаломдек зот дунёга келмаган ва улуғ пайғамбарлардан бири бўлган зот (Нуҳ алайҳиссалом)нинг фарзанди кофирлар билан бирга ғарқ қилинмаган бўлар эди.
Лекин буларнинг бари баъзилар баъзилар ила синаш ва ким яхшироқ сабр қилишини билиш учун жорий бўлгандир...
Доктор Аҳмад Исо Маъсоравий
“Татар-информ” ахборот агентлиги сайтида шарҳловчи Роман Бадановнинг Ўзбекистонга ташрифи таассуротларига бағишланган мақоласи эълон қилинди, деб хабар бермоқда “Дунё” АА.
Муаллиф Самарқанднинг бой тарихий мероси, унинг ноёб меъморчилик ёдгорликлари, миллий анъаналари, маҳаллий аҳолининг меҳмондўстлиги ва ўзига хос ўзбек миллий таомлари ҳақида ҳикоя қилади.
Хусусан, мақолада Регистон майдони, Бибихоним масжиди, Гўри Амир мақбараси, Шоҳи Зинда мажмуаси, Улуғбек расадхонаси ва Сиёб бозори каби диққатга сазовор жойлар батафсил тасвирланган.
Журналист шаҳар муҳити, унинг обод кўчалари, яшил хиёбонлари, озодалиги ва фуқароларнинг очиқкўнгиллигига алоҳида эътибор қаратган. Муаллиф ўзбекистонликларнинг самимий меҳмондўстлиги ҳамда миллий таомлар ва шарқ ширинликларининг хилма-хиллигини эътироф этган.
Шунингдек, мақолада 21–22 октябрь кунлари Самарқандда бўлиб ўтган “Болалар фаровонлигига инвестициялар” бутунжаҳон саммити ҳамда 100 та давлат экспертларини бирлаштирган болалар онкологияси бўйича халқаро конгресс ҳақида сўз юритилган. Муаллиф ўқувчиларни “Silk Road” мажмуаси ва унинг “Абадий шаҳар” этнографик макони билан ҳам таништирган.
Якунда муаллиф Самарқандни Шарқ ва Ғарб маданиятлари кесишадиган, асрлик тарих замонавийлик билан уйғунлашган ноёб маскан сифатида таърифлаб, Ўзбекистонга яна ташриф буюриш истагини билдирган.
Ўзбекистон мусулмонлари идораси Матбуот хизмати