Агар турмуш ўртоқни танлашда ихтиёр аёл ниятининг софлиги ва қалбининг поклиги асосида бўлганда эди, Осиё онамиз Фиръавнга турмушга чиқмаган бўлар эди.
Агар яхши аёл танлаш эркакнинг донолиги билан бўлганда эди, Нуҳ ва Лут алайҳимассалом икки хоин аёлга уйланмаган бўларди.
Агар фарзанднинг салоҳияти ёки фасоди отанинг сабабидан бўлганда эди, Озардан Аллоҳнинг халили Иброҳим алайҳиссаломдек зот дунёга келмаган ва улуғ пайғамбарлардан бири бўлган зот (Нуҳ алайҳиссалом)нинг фарзанди кофирлар билан бирга ғарқ қилинмаган бўлар эди.
Лекин буларнинг бари баъзилар баъзилар ила синаш ва ким яхшироқ сабр қилишини билиш учун жорий бўлгандир...
Доктор Аҳмад Исо Маъсоравий
Бухоро шаҳридаги «Абу Бакр ас-Сиддиқ» жомеъ масжидида имконияти чекланган фуқаролар учун навбатдаги маънавий-маърифий суҳбат бўлиб ўтди.
Ўзбекистон мусулмонлари идораси Бухоро вилояти вакиллиги ташаббуси билан ташкил этилган тадбирда имом-ноиб Дилшод домла Ҳодиев ҳамда малакали сурдо таржимон иштирок этди.
Гапириш ва эшитишида нуқсони бўлган фуқаролар учун ўтказилган мазкур суҳбат «Соғлом турмуш тарзи» мавзусига бағишланди.
Суҳбат давомида иштирокчилар ақида, фиқҳ ва ижтимоий ҳаётга доир саволларига атрофлича жавоб олдилар. Барча маълумотлар сурдо таржимон орқали етказилди. Шунингдек, тадбир якунида қатнашчиларга эҳсонлар тарқатилди.
Аллоҳ таоло бундай хайрли ва савобли ишларимизни бардавом айласин!
Ўзбекистон мусулмонлари идораси Бухоро вилояти вакиллиги Матбуот хизмати