29 август куни Ўзбекистон Республикаси Давлат мустақиллигининг 33 йиллик байрами олдидан Наманган вилояти вакиллигида “Йил имоми – 2024” кўрик танловининг вилоят босқичи бўлиб ўтди. Унда Наманган шаҳар ва туманларида биринчиликни олиб 2-вилоят босқичи имом-хатиблар ўртасида тафсир, тажвид, фиқҳ, ақоид ва сийрат фанлари бўйича тузилган саволлар асосида билим ва малакаларини синовдан ўтказилди.
Иштирокчиларнинг чиқишлари ҳакамлар ҳайъати томонидан белгиланган мезонлар асосида баҳолаб борилди. Якуний натижаларга кўра, танловда биринчиликни эгаллаган Наманган шаҳар «Ҳомиддин қори» жоме масжиди имом-хатиби Насриддинов Муҳаммадбобур “Йил имоми – 2024” кўрик танловининг республика босқичига йўл олди.
Дин ишлари бўйича қўмита, Сергели туман ҳокимлиги ва Тошкент шаҳар Маърифий тарғибот маркази ҳамкорлигида Сергели туманидаги “Мударрис халқаро мактаб”ида пойтахтимизда жойлашган “Минор” жоме масжиди имом-хатиби Раҳматуллоҳ домла Сайфутдинов иштирокида “Кенгмакон” маҳалласида истиқомат қилувчи ота-оналар ва аҳоли вакиллари билан маърифий тадбир бўлиб ўтди.
Тадбирда давомида фарзанд тарбияси, одоб-ахлоқ ва илм эгаллашнинг аҳамияти ҳақида сўз юритилди. Ота-онага ҳурмат, Ватанга садоқат ва маънавий поклик ёшларни ёт ғоялардан асрашда муҳим восита экани таъкидланди. Шунингдек, оиладаги тарбиянинг кучи, ота-онанинг фарзандга намуна бўлиши жамият барқарорлигига хизмат қилиши қайд этилди.
Тадбир якунида иштирокчилар ўзини қизиқтирган саволларга жавоблар берилди.
Ўзбекистон мусулмонлари идораси
Матбуот хизмати