20 Июл, 2025, 25 Муҳаррам, 1447
20 Июл, 2025, 25 Муҳаррам, 1447
Қатарнинг Вақф ва ислом ишлари вазирлиги “Шайх Жассим бин Муҳаммад бин Соний” деб номланган миллий Қуръон мусобақасида аёллар ва талабалар йўналишларида туб ўзгаришлар киритилишини эълон қилди. Эндиликда мусобақа совринлари ва унинг ғолиблари сонини оширди.
ИҚНAнинг “Halalkhalij.com” нашрига таяниб хабар беришича, Қатар Вақфлар ва ислом ишлари вазирлиги Шайх Жосим бин Муҳаммад бин Соний Қуръони карим мусобақаларида асосий ўзгаришлар, жумладан, ҳакамлар қўмиталари ва аёллар тестларини ажратиш, ғолиблар сони ва ушбу мусобақаларнинг молиявий мукофотлари қийматини икки баравар оширишни эълон қилди.
Бу ҳақда Шайх Жосим Қуръони карим мусобақаси қўмитаси раҳбари Маллуллоҳ Aбдурроҳман ал-Жобир маълум қилиб, бундай деди: “Вақфлар вазирлигининг мусобақани янги таҳрирда ўтказиш тўғрисидаги қарори ушбу танловнинг мақсадларига эришиш учун фаолият ва ечимлар кўламини кенгайтиришда мусобақа ташкилий қўмитасининг нуфузини кучайтиришга олиб келади”.
Aл-Жобир бунга аниқлик киритди: “Мусобақа ташкилий қўмитаси Қуръони каримнинг аҳамияти ва мавқеини инобатга олиб, ушбу мусобақалар соҳасини, айниқса, аёллар ва қизлар тоифасини сифат жиҳатидан ўзгартириш, аёллар учун бўлимларни тўлиқ ажратишни мақсад қилган ҳамда эркаклар ушбу мусобақаларнинг барча босқичларида аёллар учун имтиҳонлар бўйича қўмита раҳбарлигида ҳаракат қилади. Бошқа томондан ташкилий қўмита аёлларнинг учта асосий номинацияси бўйича бешта ғолибни тақдирлаш тўғрисида қарор қабул қилди. Бундан ташқари, ушбу мусобақаларда эркаклар ва аёллар учун ажратилган мукофотлар миқдори икки баробарга оширилиб, мактаб ўқувчилари тоифаси бўйича биринчи марта Шайх Жассим Қуръони карим мусобақаси бошланди.
Қатарда яшовчи фуқаролар ва муҳожирлар қатнашиши мумкин бўлган 30- Шайх Жассим Қуръони карим мусобақасида қатнашишга рўйхатдан ўтиш шу ой бошида бошланади ва якуний босқич октябрь ойида бўлиб ўтади.
Ўзбекистон мусулмонлари идораси ходими
Илёсхон Аҳмедов тайёрлади.
Шу йил 12 июль бош имом-хатиб Мусохон домла Аббосиддинов раислигида Ўзбекистон мусулмонлари идораси Наманган вилоят вакиллигида ҳудуддаги имом-хатиблар иштирокида йиғилиш ўтказилди. Унда Наманган вилояти ҳокимининг ўринбосари Хотамов Жамшид иштирок этди.
Йиғилишда 2025 йилнинг биринчи ярмида амалга оширилган ишлар муҳокама этилиб, келгусида амалга оширилиши лозим бўлган ишлар келишиб олинди.
Йиғилишда имомлик шарафли ва масъулиятли вазифа экани, бугунги кун имоми замонга зийраклик, теран фикр билан қараши, ўз устида мунтазам ишлаши ва мўмин-мусулмонларнинг маънавий-маърифий соҳадаги эҳтиёжларини таъминлаш учун тинимсиз изланиб, хизмат қилишлари зарур экани алоҳида қайд этилди.
Шунингдек, имомлар ҳудудлардаги маҳаллалар билан мунтазам алоқада бўлиб, ҳожилар билан бирга ёшлар тарбиясига алоҳида эътибор қаратиш, илм-маърифатга қизиқтириш ва ёш авлод келажаги учун мустаҳкам пойдевор яратиш, оилаларни тинч-тотув яшаши, фарзандларни бевақт тирик етим бўлмаслиги учун ажримларнинг олдини олиш, кексаларни ҳурмат қилиш, қўшничилик одобларига риоя қилиш, юрт тинчлиги ва осойишталиги учун барча бирдек масъуллиги кабиларга алоҳида эътибор қаратиш таъкидланди.
Йиғилишда ташкилий масала кўрилди. Норин тумани бош имом-хатиби ва “Ҳаққулобод” жоме масжиди имом-хатиби лавозимида ишлаб келаётган Камолиддин домла Ҳамроқулов вазифасидан озод этилиб, тумандаги “Ҳаққулобод” жоме масжиди имом-ноиби лавозимига ўтказилди. Норин тумани бош имом-хатиби ва “Ҳаққулобод” жоме масжиди имом-хатиби лавозимига Зикрулло домла Умурзоқов тайинланди.
Шунингдек, Уйчи туманидаги “Худойберди эшон” жоме масжиди имом-хатиби Олимхон домла Исақов, Тўрақўрғон туманидаги “Исфаҳон” жоме масжиди имом-хатиби Муҳибулло домла Худойбердиев ва Янгиқўрғон туманидаги “Бешбулоқ” жоме масжиди имом-хатиби Акмалхон домла Саппановларга туман бош имом-хатиби лавозими юклатилди.
Йиғилиш якунида Наманган вилоятида узоқ йиллардан бери хизмат қилиб келаётган, бугунги кунда нафақа ёшига етган бир гуруҳ имом-хатиб ва имом-ноибларга вакиллик томонидан ташаккурнома ва қимматбаҳо эсдалик совғалари топширилди.
Ўзбекистон мусулмонлари идораси
Наманган вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 