Энг улуғ ғоямиз: Жаҳолатга қарши – маърифат!
Шу йилнинг 24 сентябрь куни Ўзбекистон мусулмонлари идораси раисининг ўринбосари Зайниддин домла Эшонқулов Ўзбекистон халқаро ислом академиясида “Жаҳолатга қарши – маърифат” мавзусидаги маънавий-маърифий тадбирда қатнашди.
Унда Шайхонтоҳур туманидаги “Шайхонтоҳур”, “Ўрда”, “Жангоҳ” маҳаллаларидан 300 нафар аҳоли вакиллари ва ёшлар иштирок этди.
Учрашувда Зайниддин домла ҳозирги кунда ёшлар тарбияси, фарзандларни она Ватанга садоқат руҳида тарбиялаш ва ёшларнинг илм олиши муҳимлигини таъкидлаш баробарида ўзгаларга кўр-кўрона тақлиднинг салбий жиҳатларига тўхталиб ўтилди.
Мазмунли маъруза давомида фарзандларни ёт ғоялар таъсиридан сақлаш, уларни қадриятларимизга мос равишда соғлом эътиқодли қилиб тарбиялашда ҳар бир ота-онанинг ўрни муҳимлиги борасида фикр-мулоҳазалар билдирилди.
Тадбир сўнгида аҳоли томонидан ижтимоий, ақидавий ва мазҳабсизликнинг салбий оқибатларига доир берилган саволларга жавоблар берилди.
Ўзбекистон мусулмонлари идораси
Матбуот хизмати
Ўзбекистон халқаро исломшунослик академияси ўқитувчилари Ал-Азҳарда малака оширди
Ўзбекистон халқаро исломшунослик академияси ўқитувчилари Мисрдаги Ал-Азҳар халқаро имом ва воизлар тайёрлаш академиясида малака оширди, деб хабар бермоқда “Дунё” АА.
Делегация аъзолари икки ҳафталик ўқув дастури давомида мисрлик исломшунос олимлар билан араб тилини ўрганиш, таълим тизимида инновацион технологиялардан кенг фойдаланиш, исломшунослик йўналишидаги янги ёндашувлар ва кўникмалар хусусида фикр-мулоҳазалар алмашди.
Малака ошириш курслари доирасида Ал-Азҳарда фаолият юритувчи таниқли имомлар томонидан маърузалар ташкил этилди. Хусусан, профессор Аҳмад ат-Таййиб турли мамлакатлардан келган уламолар, тадқиқотчилар ва профессор-ўқитувчиларнинг касбий салоҳиятини ошириш ҳамда халқаро илмий-академик ҳамкорликни мустаҳкамлаш борасида алоҳида тўхталиб ўтди.
Дастур давомида араб тилини ўқитишнинг замонавий стратегиялари, илғор педагогик ёндашувлар ва тил кўникмаларини амалиётга самарали татбиқ этиш масалаларига бағишланган маърузалар, амалий машғулотлар ҳамда семинарлар ҳам ўтказилди.
Ўқув дастури сўнггида Ал-Азҳар халқаро академияси президенти, профессор Ҳасан ас-Сағир ҳамда Ўзбекистоннинг Мисрдаги элчихонаси вакили тингловчиларнинг билим олишга бўлган иштиёқи ва фаоллигини юқори баҳолаб, ушбу курс халқаро миқёсда илмий ва даъват салоҳиятини оширишга хизмат қилишини таъкидлади.
Учрашувда курс давомида тайёрланган энг яхши амалий лойиҳалар муаллифлари алоҳида эътироф этилди. Шунингдек, Ўзбекистон халқаро исломшунослик академияси ўқитувчиларига сертификатлар тантанали равишда топширилди.
Ўзбекистон мусулмонлари идораси Матбуот хизмати
- «
- »