24 Июн, 2025, 28 Зулҳижжа, 1446
24 Июн, 2025, 28 Зулҳижжа, 1446
Йиғилишда 2024 йилнинг ўтган 9 ойи давомида амалга оширилган ишлар таҳлил қилинди. Унда Наманган вилоят бош имом-хатиби Мусохон домла Аббосиддинов иштирок этиб, бугунги кун имоми замонга зийраклик, теран фикр билан қараши, уламоларнинг вазифаси дин ғами, халқ дарди ва юрт тақдири йўлида астойдил хизмат қилиш, дин пешвоси сифатида, аҳоли, айниқса, ёшларни тўғри йўлга бошлаш, яхшиликни, ҳалолликни, илм олишни тарғиб қилиш, одамлар орасини ислоҳ қилиб, уларни аҳилликка, бирдамликка, оқибатли бўлишга ундашдан иборат эканини қайд этди.
Учқўрғон туманидаги имом-хатиб ва имом-ноиблар ўзларига бириктирилган маҳаллалар билан мунтазам алоқада бўлиб, оилаларни тинч-тотув яшаши, фарзандларни бевақт тирик етим бўлмаслиги учун ажримларни олдини олиш, кексаларни ҳурмат қилиш, қўшничилик одобларига риоя қилиш каби жиҳатларга алоҳида эътибор қаратиш таъкидланди.
Йиғилишдан сўнг Мусохон домла тумандаги "Қосим қори" жоме масжидида намозхонлар билан кўришиб, дилдан суҳбат қилди. Шунингдек, қурилиши бўлаётган “Абдулҳамид ҳожи Абдураҳмон ўғли” жоме масжидига ташриф буюриб, намозхонларга яратилган шарт-шароитлар билан танишиб, аниқланган камчиликларни бартараф этиш топшириғини берди.
Шунингдек, тумандаги чекка ҳудудда фаолият юритаётган масжид имом-хатиби Рустамов Маҳмудхонни хонадонидан хабар олиб, яшаш шароитлалари билан яқиндан танишиб, уларнинг ҳаққига дуои ҳайрлар қилдилар.
Ўзбекистон мусулмонлари идораси
Наманган вилояти вакиллиги
Матбуот хизмати
Ўзбекистон мусулмонлари идораси Таълим ва илмий-тадқиқот бўлими 2025-2026 ўқув йили учун олий ва ўрта махсус диний таълим муассасаларига абитуриентлардан ҳужжатларни қабул қилиш саналарини эълон қилади:
Имом Бухорий номидаги Тошкент ислом институти,
Мир Араб олий мадрасаси,
Ҳадис илми мактаби,
Имом Термизий номидаги ислом институти ва
барча ўрта махсус ислом таълим муассасаларига
2025 йил 25 июндан 20 июлгача давом этади.
Олий диний таълим муассасаларига ўқишга киришни истаган абитуриентлар қабул ҳайъатига қуйидаги ҳужжатларни топширади:
таълим муассасаси ректори номига ариза;
паспорт ёки ID карта нусхаси (асли кўрсатилади);
ўрта махсус ислом таълим муассасасини тамомлагани тўғрисидаги ҳужжат (диплом) ва унинг иловаси нусхаси (асли кўрсатилади);
3,5 х 4,5 ҳажмдаги 6 дона рангли фотосурат (сўнгги уч ойда олинган ва орқа фони оқ рангда бўлиши талаб этилади);
Хорижий давлатлардаги диний таълим муассасаларини тамомлаган ва мамлакатимизда нострификациядан ўтказилган дипломга эга бўлган абитуриентлар (Ўзбекистон Республикаси фуқаролари) ҳам ҳужжат топширишлари мумкин.
Ўрта махсус ислом таълим муассасаларига ўқишга кириш истагида бўлган абитуриентлар қабул ҳайъатига қуйидаги ҳужжатларни тақдим этади:
таълим муассасаси раҳбари номига ариза;
паспорт ёки ID карта нусхаси (асли кўрсатилади);
маълумоти тўғрисида аттестат ёки диплом нусхаси (асли кўрсатилади);
3,5 х 4,5 ҳажмдаги 6 дона рангли фотосурат (сўнгги уч ойда олинган ва орқа фони оқ рангда бўлиши талаб этилади);
чет тилини билиши тўғрисидаги ҳужжат асл нусхаси (маълумоти тўғрисидаги ҳужжатда кўрсатилган чет тилидан бошқа тилда имтиҳон топширувчилар учун).
Маълумот ўрнида: Олий ва ўрта махсус диний таълим муассасаларининг тест синовларида иштирок этиши учун абитуриентлардан базавий ҳисоблаш миқдорининг ярим баравари миқдорида тўлов ундирилади. Жорий йилда ўқишни тамомлаб, ўрта махсус ислом таълим муассасаларига ҳужжат топшираётган абитуриентлардан эса тўлов ундирилмайди.
2025-2026 ўқув йили қабул жараёнлари ҳақидаги сўнгги янгиликларни @qabulmuslimuz (https://t.me/qabulmuslimuz) телеграм саҳифасида кузатиб боринг.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 