Сайт тест ҳолатида ишламоқда!
17 Ноябр, 2026   |   7 Жумадул сони, 1448

Тошкент шаҳри
Бомдод
05:51
Қуёш
07:13
Пешин
12:13
Аср
15:21
Шом
17:05
Хуфтон
18:22
Bismillah
17 Ноябр, 2026, 7 Жумадул сони, 1448
Мақолалар

Науризбай Утпенов

15.10.2024   9965   2 min.
Науризбай Утпенов

Ўзбекистон Президенти Шавкат Мирзиёев ташаббуси билан бўлиб ўтаётган бу муҳташам анжуман, нафақат мусулмонлар учун, балки улар билан диний бағрикенглик тамойиллари асосида умргузаронлик қилиб келаётган, қўни-қўшничилик муносабатларини олиб бораётганлар учун ҳам хайрлидир.

Ислом барча халқларни бирликка чорлайди. Ислом динига эътиқод қилувчи барча мўминлар орасида тарқалган салом сўзи ҳам “Сизга тинчлик, омонлик тилайман”, дегандир. Шу маънода, ислом номи билан боғланаётган хунрезликлар ва нохуш ҳодисалар замирида чин исломга хос бўлган эътиқод йўқ, десак, асло янглишмаган бўламиз.

Ота-боболаримиз минглаб йиллар мобайнида ислом динига эътиқод қилиб келади. Бу эзгу дин, Марказий осиёда яшаётган халқларнинг урф-одатларига қадар сингиб кетган ва бунда ҳеч қандай ғализлик кузатилмайди.

Бунга сабаб эса, соф ислом ақидасини, унинг маърифатини, инсонпарварлигию эзгу ғояларини ботил ақидалардан орифлик билан ажратиб бера олган уламоларнинг айнан Марказий осиёдан кўплаб етишиб чиққанидир. Бу эзгу таълимотлардан узоқлашган сари, фитналар кўпайигани бор гап. Шу боис, ота-боболаримизнинг тўғри эътиқод борасидаги тависиялари ва илмий меросига суянишимиз шарт.

Бугун ахборот глобаллашуви туфайли ботил ғоялар билан чалғиётган ёшлар кам эмас. Шу боис, уларга эътиқод нуқтаи-назаридан тўғри маълумот бериш, ёшларни ботил ақидалардан ўз вақтида огоҳ қилиб бориш, биз уламоларнинг вазифамиздир. Аллоҳ таоло ўз каломида “Агар билмайдиган бўлсангиз, зикр аҳлларидан сўрангиз”, деб марҳамат қилади. Аллоҳга шукурки, Ўрта осиё халқи, ислом оламига танилган алломалари билан фахрланади. Муқаддас каломдаги “билганлар” ҳам шулар, аслида.

Имом Бухорий, Имом Термизий, Хожа аҳмад Яссавий, Сиғноқий каби алломалар ҳақни ботилдан ажратган, умматга тўғри йўлни ва ислом маърифатини кўрсатиб берган кишилар эди. Мана шундай аждодларимизнинг мўътадил йўли эса, ёшларни радикал ғоялардан асрашда жуда муҳим. Бугунги анжуман айнан шу ҳақиқатни англатишга хизмат қилмоқда.

Науризбай Утпенов,

Қозоғистон мусулмонлари диний бошқармаси раиси, бош муфтий

Мақолалар
Бошқа мақолалар
Янгиликлар

“Янги Ўзбекистон” боғида турли миллат ва дин вакиллари кўчат экишди

16.11.2026   7736   1 min.
“Янги Ўзбекистон” боғида турли миллат ва дин вакиллари кўчат экишди

Бугун, 16 ноябрь куни “Янги Ўзбекистон” боғида “Бағрикенглик ҳафталиги” доирасида маънавий-маърифий тадбирлар ва кўчат экиш маросими бўлиб ўтди. Унда Дин ишлари бўйича қўмита ҳамда Миллатлараро муносабатлар ва хориждаги ватандошлар масалалари бўйича қўмитаси раҳбарияти, Ўзбекистон мусулмонлари идораси мутасадди вакиллари, имом-хатиблар, шунингдек, турли миллат ва диний конфессия етакчилари қатнашди.

Тадбир аввалида ташкил этилган “Бағрикенглик марши”да турли миллат ва дин вакиллари елкадош бўлиб, юртимиздаги тинчлик ҳамда ҳамжиҳатлик муҳитини ёрқин намоён этдилар. Шундан сўнг эл-юртимиз фаровонлиги йўлида хизмат қилиб ўтганларнинг хотираси ёдга олиниб, уларнинг эзгу ишлари эсланди.

Маросим давомида “Яшил макон” умуммиллий лойиҳаси асосида боғ ҳудудига манзарали дарахт кўчатлари ўтқазилди. Ушбу жараёнда Диний идоранинг Тошкент шаҳридаги вакили, пойтахт бош-имом-хатиби Абдуқаҳҳор домла Юнусов Ислом динида ерни обод қилиш, дарахт экиш энг фазилатли амал ҳамда савоби узлуксиз бориб турадиган садақаи жория эканини таъкидлаб, бундай хайрли ишларнинг бардавом бўлишини сўраб эзгу дуолар қилди.

Ушбу ташаббус жамиятда диний бағрикенглик ва миллатлараро тотувликни мустаҳкамлаш баробарида табиатни асраб-авайлаш ҳамда келажак авлодга обод ватан қолдиришдек олий мақсадларга хизмат қилади.

Ўзбекистон мусулмонлари идораси Матбуот хизмати

Ўзбекистон янгиликлари