Туркиялик олимлар ҳаким термизий зиёратгоҳида.
Воҳамизга келган меҳмонлар куннинг иккинчи ярмида дастлаб Ҳаким Термизий мажмуасига ташриф буюриб, унинг мақбарасини зиёрат қилишди. Қуръон тиловат этилиб, дуо ўқилди.
Ҳаким Термизий зиёратгоҳида олиб борилаётган улкан ободончилик ишлари у зотнинг меросини ўрганиш билан ҳамоҳанг суратда кетаётгани, охирги йилларда Ўзбекистонда Ҳаким Термизий меросини ўрганиш жуда жадаллашгани эътироф этилди. Айниқса, Имом Термизий халқаро илмий-тадқиқот марказининг очилиши бу борада муҳим аҳамиятга эга бўлгани таъкидлаб ўтилди. Зеро, Марказда аллома қаламига мансуб 10 дан ортиқ асар араб тилидан ўзбек тилига ўгирилди ва араб тилидаги халқаро нашрларни амалга ошириш ҳам йўлга қўйилди.
Байрам шукуҳи Жиззахда ҳам давом этмоқда
Ўзбекистон Республикаси давлат мустақиллигининг 35 йиллиги арафасида “Вақф” хайрия жамоат фондининг Жиззах вилояти филиали томонидан хайрия тадбири ташкил этилди.
Вилоятнинг турли ҳудудларидан бўлган боқувчисини йўқотган 35 нафар боланинг хатна тўйи қилиб берилди.
Тадбирда болажонларга велосипед, костюм-шим ва кўйлаклар, ширинликлар қутиси совға қилиниб, байрам дастурхони ёзилди.
Болажонларга қўшилиб, уларнинг яқинлари ҳам қувончдан ташаккур айтиб, ташкилотчилар, Юртбошимиз ҳақларига дуолар қилишди.
Шунингдек, тадбир доирасида ижтимоий ҳимояга муҳтож, боқувчисини йўқотган ҳамда кам таъминланган оилалар фарзандларига эътибор ва ғамхўрлик кўрсатилиб, уларга ҳам ҳадялар улашилди.
Бундай эзгу ташаббуслар жамиятда ўзаро меҳр-оқибат, саховат ва ҳамжиҳатлик муҳитини мустаҳкамлаш, ёш авлод қалбида Ватанга муҳаббат ва инсонпарварлик туйғуларини юксалтиришга хизмат қилади.
Ўзбекистон мусулмонлари идораси
Матбуот хизмати
