12 Август, 2026, 29 Сафар, 1448
12 Август, 2026, 29 Сафар, 1448
2024 йил 16 октябрь куни Тошкент шаҳар “Шайх Зайниддин” масжидида Ўзбекистон карлар жамияти ташкил этилганининг 95 йиллиги муносабати билан тадбир бўлиб ўтди.
Унда Ўзбекистон карлар жамияти раҳбари Гўзал Шодиева, Бирлашган Араб Амирликлари карлар ассоциацияси президенти Рошид Али Рашид Эйса Алмансори, Қувайт карлар ассоциацияси президенти Абдуллоҳ Файёд, Ўмон карлар ассоциацияси вице-президенти Maжид Муҳаммад Мабруук ал-Мармари, шунингдек, эшитиш ва нутқида имконияти чекланган 100 нафар юртдошларимиз, Қирғизистон республикасидан 15 нафар имконияти чекланган меҳмонлар қатнашди.
Тадбирда юртимизда имконияти чекланган шахсларга бўлган эътибор, хусусан, берилаётган имтиёзлар, таълим-тарбия олиши учун қилинган шароитлар ҳақида маълумот берилди.
Хорижий меҳмонлар Ўзбекистонда эшитиш ва нутқида имконияти чекланганларга кўрсатилаётган эътибор юқори даражада эканини эътироф этдилар.
Ўзбекистон мусулмонлари идораси
Матбуот хизмати
Ўзбекистон Республикаси давлат мустақиллигининг 35 йиллиги арафасида “Вақф” хайрия жамоат фондининг Жиззах вилояти филиали томонидан хайрия тадбири ташкил этилди.
Вилоятнинг турли ҳудудларидан бўлган боқувчисини йўқотган 35 нафар боланинг хатна тўйи қилиб берилди.
Тадбирда болажонларга велосипед, костюм-шим ва кўйлаклар, ширинликлар қутиси совға қилиниб, байрам дастурхони ёзилди.
Болажонларга қўшилиб, уларнинг яқинлари ҳам қувончдан ташаккур айтиб, ташкилотчилар, Юртбошимиз ҳақларига дуолар қилишди.
Шунингдек, тадбир доирасида ижтимоий ҳимояга муҳтож, боқувчисини йўқотган ҳамда кам таъминланган оилалар фарзандларига эътибор ва ғамхўрлик кўрсатилиб, уларга ҳам ҳадялар улашилди.
Бундай эзгу ташаббуслар жамиятда ўзаро меҳр-оқибат, саховат ва ҳамжиҳатлик муҳитини мустаҳкамлаш, ёш авлод қалбида Ватанга муҳаббат ва инсонпарварлик туйғуларини юксалтиришга хизмат қилади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 