Қорақалпоғистонлик диний соҳа ходимлари сайловда фаол иштирок этди
Бугун барча фуқароларимиз юртимизда бўлиб ўтаётган муҳим сиёсий жараён – Ўзбекистон Республикаси Олий Мажлисининг Қонунчилик палатаси ҳамда маҳаллий Кенгашлар депутатлари сайловида фаол иштирок этиб, ўзлари учун муносиб, деб билган номзодларга овоз беришди.
Сайловда Қорақалпоғистон мусулмонлари қозиёти тизимидаги 64 та масжиднинг барча ходимлари ўзларининг фуқаролик ҳуқуқларидан фойдаланган ҳолда сайловда фаол иштирок этди.
Аввалги сайловларга қараганда номзодлар ичида ёшларнинг ҳам кўплиги, номзодлар орасида иқтисодчилар, педагоглар, муҳандислар, шифокорлар, журналистлар ҳамда тадбиркор, фермер ва бошқа соҳа вакилларининг борлиги қувонарли, албатта.
Шу ўринда мамлакатимизда яшаётган аксарият миллат ва элатларнинг вакиллари ҳам депутатликка номзодлар орасида борлиги, Ўзбекистон кўп миллатли ягона халқ эканинининг ёрқин ифодасидир.
Қорақалпоғистон Республикасининг барча ҳудудларидаги сайлов участкаларида сайловчилар аҳил ва фаол иштирок этиб, ўзлари мунасиб деб билган номзодларга овоз бердилар.
Қорақалпоғистон мусулмонлари қозиёти
Фидокорона хизмат эътирофсиз қолмайди
Ўзбекистон мусулмонлари идораси тасарруфидаги "Кўкалдош" ўрта махсус ислом таълим муассасасида кўп йиллар ҳалол ва фидокорона меҳнат қилган ходимамиз Аҳмаджонова Нилуфар Ҳабибуллаевнанинг 50 ёшлик юбилейи муносабати билан таълим муассасаси ҳамда касаба уюшмаси томонидан тадбир ўтказилди.
Тадбирда таълим муассасаси мудири М. Эркаев, ўқув ишлари бўйича мудир ўринбосари Н. Джалолов ва манавий-маърифий ишлар бўйича мудир ўринбосари, таълим муассасаси касаба уюшмаси раиси А.Ғаниев иштирок этишди. Муассаса мудири М. Эркаев муҳтарама опамизни шахсан ўзи табрикнома билан тақдирлади. Эсдалик совғалари билан ҳам мукофотланди.
Нилуфар опа ҳар куни тонг саҳардан илм даргоҳига келиб, унинг озода, шинам ва покиза бўлишига йилларида сабр, ихлос ва садоқат билан ўз ҳиссасини қўшиб келмоқда. Бундай камтарин, аммо қадри баланд меҳнат барчамиз учун ибрат намунасидир.
Пайғамбаримиз соллаллоҳу алайҳи васаллам: "Покизалик иймондандир", деб марҳамат қилганлар. Илм ва марифат масканининг таъминлаш — талабалар устозларнинг тинч, тоза ва баракали илм олишига муносиб ҳисса қўшадиган эзгу ишдир. Ана беминнат хизмат ҳар қандай эътироф ва эҳтиромга лойиқдир.
Билим юртимиз ўз ёрдамга ғамхўрлик қилишни муҳим бурч деб билади. Зеро, илм даргоҳига қилинган ҳар бир хизмат — Аллоҳнинг розилиги йўлидаги савобли амалдир. Ким илм аҳлига ва илм масканига хизмат қилса, ўша илмдан таралаётган эзгуликнинг ажридан баҳраманд бўлиши умид қиламиз.
Муҳтарама опамизга мустаҳкам соғлик-саломатлик, узоқ умр, оила бахти ва ишларида барака тилаймиз. Аллоҳ таоло ҳалол меҳнатларини ажру мукофотсиз қолдирмасин, қилган эзгу ишлари ва меҳнатларининг роҳатини кўриш узоқ йиллар давомида насиб этсин!
"Кўкалдош" ўрта махсурс ислом таълим муассасаси
матбуот хизмати
