Сайт тест ҳолатида ишламоқда!
22 Ноябр, 2026   |   12 Жумадул сони, 1448

Тошкент шаҳри
Бомдод
05:56
Қуёш
07:14
Пешин
12:14
Аср
15:17
Шом
17:02
Хуфтон
18:18
Bismillah
22 Ноябр, 2026, 12 Жумадул сони, 1448
Мақолалар

Ҳадя

05.11.2024   12851   1 min.
Ҳадя

Бир қизалоқ тақинчоқ дўконига кириб сотувчига қараб чиройли зирак кўрсатишини сўради. Сотувчи қизалоққа ҳайратланганча қараб тураверди. Шунда қизалоқ бир зиракни кўрсатиб: “Мана буни чиройли қилиб ўраб бероласизми?!”, деди. Сотувчи: “Пулинг борми?” деб сўради. 
Қизалоқ чўнтагидаги бир нечта тангани чиқариб,:“Бор пулим шу, етадими?” деб сўради. Сўнгра у: “Биласизми, мен опамга шу зиракни совға қилмоқчиман. Чунки у онамиз оламдан ўтганидан кейин бизга ғамхўрлик қилиб келмоқда. Мен опамни хурсанд қилишни жуда хоҳлардим. Менда бори шу”, деди пулга ишора қилиб. 
Бир неча сониядан сўнг сотувчи зиракни чиройли қутига солиб, қизчанинг қўлига берди. У хурсанд бўлганича уйига шошиб кетди. 
Бир фурсатдан сўнг дўконга бир ўрта ёшли қиз кириб, дўкончига ўша қизалоқ олган зиракни кўрсатиб: “Буни сиздан олганмиди?” деб сўради. Сотувчи тақинчоқга қараб: “Ҳа” деб жавоб берди. Қиз тақинчоқни нархи қанчалигини сўради. Сотувчи: “Бу харидор ва менинг келишувим” деб жавоб қилди. У: “Синглимда бир неча танга бор эди. Бу эса жудаям қимматлигини биламан. Бунга пулимиз етмайди” деб зиракни қайтариб бермоқчи бўлди.
Шунда сотувчи: “Синглингиз бор будини берди. Бу нархни ҳеч ким бера олмайди”, дея тақинчоқни қизга қайтариб берди.
 
Акбаршоҳ Расулов таржимаси

Ҳадя
Ибратли ҳикоялар
Бошқа мақолалар

Эрта никоҳ ва никоҳни қайд этмасдан диний маросим ўтказганлик учун жазо кучайтирилди

16.10.2026   79209   2 min.
Эрта никоҳ ва никоҳни қайд этмасдан диний маросим ўтказганлик учун жазо кучайтирилди

Ўзбекистонда никоҳ ёши тўғрисидаги қонунчиликни ёки никоҳ тузиш тартибини бузганлик учун жазо чоралари кучайтирилди. Бу президент 14 октябрь куни имзолаган қонунда назарда тутилган. Ўзгаришлар шу санадан кучга кирди, хабар бермоқда Gazeta.uz.

Никоҳ ёшига етмаган шахс билан ҳақиқатда никоҳ муносабатларига киришиш энди базавий ҳисоблаш миқдорининг 10 бараваридан 15 бараваригача миқдорда жарима солишга сабаб бўлади (аввал — 5 бараваридан 10 бараваригача).

Ота-она ёки уларнинг ўрнини босувчи шахслар томонидан никоҳ ёшига етмаган шахсни турмушга бериш ёки уйлантириш учун БҲМнинг 20 бараваридан 25 бараваригача миқдорда жарима белгиланди (аввал — 7 бараваридан 15 бараваригача).

Никоҳи қонунда белгиланган тартибда қайд этилмаган шахслар, шу жумладан никоҳ ёшига етмаган шахс билан никоҳ тузишга доир диний маросимни амалга ошириш учун жарима БҲМнинг 30 бараваридан 50 бараваригача оширилди (аввал — 15 бараваридан 30 бараваригача).

Баҳорда президент молиявий мустақилликка эришган ва оила қуришга ҳар томонлама тайёр ёшлар ўртасида никоҳ тузилишини рағбатлантиришни назарда тутувчи фармонни имзолаган эди. 2027 йилдан бошлаб ҳар икки томон камида 21 ёшга тўлганда илк бор никоҳдан ўтган ёш оилаларга давлат томонидан қўшимча имтиёзлар ва бошқа қўллаб-қувватлаш чоралари тақдим этилади.

Бундан ташқари, қонунчиликда никоҳ ёшини пасайтириш учун аниқ (тугал) асослар белгилаш режалаштирилган эди. Ҳозирги вақтда ҳокимлар истисно ҳолларда ва узрли сабаблар мавжуд бўлганда (ҳомиладорлик, бола туғилиши ва вояга етмаган шахсни тўлиқ муомалага лаёқатли деб эълон қилиш) никоҳ ёшини 18 ёшдан 17 ёшгача пасайтириш ҳуқуқига эга.

Статистикага кўра, бугунги кунда Ўзбекистонда никоҳларнинг 40 фоизи 18−19 ёшдаги ёшлар ўртасида тузилмоқда.

1 сентябрдан никоҳ ёши тўғрисидаги қонунчиликни ёки никоҳ тузиш тартибини бузиш билан боғлиқ ҳуқуқбузарликлар учун ундирилган жарима суммасининг 15 фоизи бундай ҳолатлар ҳақида хабар берган шахсларни рағбатлантиришга йўналтирилиши мумкин.

Ўзбекистон мусулмонлари идораси матбуот хизмати