Бир қизалоқ тақинчоқ дўконига кириб сотувчига қараб чиройли зирак кўрсатишини сўради. Сотувчи қизалоққа ҳайратланганча қараб тураверди. Шунда қизалоқ бир зиракни кўрсатиб: “Мана буни чиройли қилиб ўраб бероласизми?!”, деди. Сотувчи: “Пулинг борми?” деб сўради.
Қизалоқ чўнтагидаги бир нечта тангани чиқариб,:“Бор пулим шу, етадими?” деб сўради. Сўнгра у: “Биласизми, мен опамга шу зиракни совға қилмоқчиман. Чунки у онамиз оламдан ўтганидан кейин бизга ғамхўрлик қилиб келмоқда. Мен опамни хурсанд қилишни жуда хоҳлардим. Менда бори шу”, деди пулга ишора қилиб.
Бир неча сониядан сўнг сотувчи зиракни чиройли қутига солиб, қизчанинг қўлига берди. У хурсанд бўлганича уйига шошиб кетди.
Бир фурсатдан сўнг дўконга бир ўрта ёшли қиз кириб, дўкончига ўша қизалоқ олган зиракни кўрсатиб: “Буни сиздан олганмиди?” деб сўради. Сотувчи тақинчоқга қараб: “Ҳа” деб жавоб берди. Қиз тақинчоқни нархи қанчалигини сўради. Сотувчи: “Бу харидор ва менинг келишувим” деб жавоб қилди. У: “Синглимда бир неча танга бор эди. Бу эса жудаям қимматлигини биламан. Бунга пулимиз етмайди” деб зиракни қайтариб бермоқчи бўлди.
Шунда сотувчи: “Синглингиз бор будини берди. Бу нархни ҳеч ким бера олмайди”, дея тақинчоқни қизга қайтариб берди.
Акбаршоҳ Расулов таржимаси
Ўзбекистон мусулмонлари идораси Олий Ҳайъати йиғилиши қарорлари ижросини таъминлаш ҳамда тизим ходимларининг ҳуқуқий саводхонлигини ошириш мақсадида Тошкент шаҳридаги туман масжидлари иш юритувчилари учун ўқув-амалий маҳорат дарси ташкил этилди.
Тадбирда Диний идоранинг Ҳуқуқшунослик бўлими мутахассислари соҳага оид қонунчилик талаблари ва ижро интизоми бўйича қуйидаги муҳим йўналишларга алоҳида тўхталдилар:
масжидлар раҳбар органлари таркибидаги ўзгаришлар тўғрисида белгиланган тартибда (бир ой муддатда) адлия идораларига расмий маълумот тақдим этиш;
масжид устави, гувоҳномалари ва бошқа таъсис ҳужжатларини қонунчилик талаблари асосида юритиш ҳамда сақлаш;
имом-хатиб ва ноибларнинг беш вақт намозларда хизмат жойида бўлишини таъминлаш;
масжид биноларида олиб бориладиган қурилиш-таъмирлаш ишларининг лойиҳа ҳужжатларини ваколатли идоралар билан олдиндан белгиланган тартибда келишиш.
Қизғин савол-жавоб ва муҳокамалар руҳида ўтган маҳорат дарсида иштирокчилар кундалик иш фаолиятида юзага келаётган ҳуқуқий масалалар бўйича батафсил тушунтириш ва амалий тавсиялар олдилар.
Ўзбекистон мусулмонлари идораси
Матбуот хизмати