Бир қизалоқ тақинчоқ дўконига кириб сотувчига қараб чиройли зирак кўрсатишини сўради. Сотувчи қизалоққа ҳайратланганча қараб тураверди. Шунда қизалоқ бир зиракни кўрсатиб: “Мана буни чиройли қилиб ўраб бероласизми?!”, деди. Сотувчи: “Пулинг борми?” деб сўради.
Қизалоқ чўнтагидаги бир нечта тангани чиқариб,:“Бор пулим шу, етадими?” деб сўради. Сўнгра у: “Биласизми, мен опамга шу зиракни совға қилмоқчиман. Чунки у онамиз оламдан ўтганидан кейин бизга ғамхўрлик қилиб келмоқда. Мен опамни хурсанд қилишни жуда хоҳлардим. Менда бори шу”, деди пулга ишора қилиб.
Бир неча сониядан сўнг сотувчи зиракни чиройли қутига солиб, қизчанинг қўлига берди. У хурсанд бўлганича уйига шошиб кетди.
Бир фурсатдан сўнг дўконга бир ўрта ёшли қиз кириб, дўкончига ўша қизалоқ олган зиракни кўрсатиб: “Буни сиздан олганмиди?” деб сўради. Сотувчи тақинчоқга қараб: “Ҳа” деб жавоб берди. Қиз тақинчоқни нархи қанчалигини сўради. Сотувчи: “Бу харидор ва менинг келишувим” деб жавоб қилди. У: “Синглимда бир неча танга бор эди. Бу эса жудаям қимматлигини биламан. Бунга пулимиз етмайди” деб зиракни қайтариб бермоқчи бўлди.
Шунда сотувчи: “Синглингиз бор будини берди. Бу нархни ҳеч ким бера олмайди”, дея тақинчоқни қизга қайтариб берди.
Акбаршоҳ Расулов таржимаси
Бухоро вилояти бош имом-хатиби Жобир домла Элов жума ташрифи асносида Ромитан туманидаги «Афросиёб» маҳалласида жойлашган «Ҳазрати Умар» масжидига ташриф буюрдилар.
Ташриф давомида масжид учун янги таҳоратхона қурилишига илк ғишт қўйиш маросими бўлиб ўтди.
2023 йил август ойида бошланган масжид қурилиши лойиҳаси 5 минг намозхонга мўлжалланган бўлиб, мажмуада минора, гумбаз, кутубхона, маъмурий бинолар, автотураргоҳ ва яшил ҳудудлар барпо этилиши кўзда тутилган.
Маросимда хайрли ишларга ҳисса қўшаётган саховатли инсонлар ҳаққига дуолар қилинди.
Аллоҳ таоло барча хайрли ишларга барака берсин!
Ўзбекистон мусулмонлари идораси матбуот хизмати