Бир қизалоқ тақинчоқ дўконига кириб сотувчига қараб чиройли зирак кўрсатишини сўради. Сотувчи қизалоққа ҳайратланганча қараб тураверди. Шунда қизалоқ бир зиракни кўрсатиб: “Мана буни чиройли қилиб ўраб бероласизми?!”, деди. Сотувчи: “Пулинг борми?” деб сўради.
Қизалоқ чўнтагидаги бир нечта тангани чиқариб,:“Бор пулим шу, етадими?” деб сўради. Сўнгра у: “Биласизми, мен опамга шу зиракни совға қилмоқчиман. Чунки у онамиз оламдан ўтганидан кейин бизга ғамхўрлик қилиб келмоқда. Мен опамни хурсанд қилишни жуда хоҳлардим. Менда бори шу”, деди пулга ишора қилиб.
Бир неча сониядан сўнг сотувчи зиракни чиройли қутига солиб, қизчанинг қўлига берди. У хурсанд бўлганича уйига шошиб кетди.
Бир фурсатдан сўнг дўконга бир ўрта ёшли қиз кириб, дўкончига ўша қизалоқ олган зиракни кўрсатиб: “Буни сиздан олганмиди?” деб сўради. Сотувчи тақинчоқга қараб: “Ҳа” деб жавоб берди. Қиз тақинчоқни нархи қанчалигини сўради. Сотувчи: “Бу харидор ва менинг келишувим” деб жавоб қилди. У: “Синглимда бир неча танга бор эди. Бу эса жудаям қимматлигини биламан. Бунга пулимиз етмайди” деб зиракни қайтариб бермоқчи бўлди.
Шунда сотувчи: “Синглингиз бор будини берди. Бу нархни ҳеч ким бера олмайди”, дея тақинчоқни қизга қайтариб берди.
Акбаршоҳ Расулов таржимаси
Ўзбекистон элчихонасида “Air Arabia” авиакомпаниясининг Польшадаги тижорат менежери Кшиштоф Штейман билан учрашув ўтказилди, деб хабар бермоқда “Дунё” АА.
Мулоқот чоғида Ўзбекистон ва Польша ўртасидаги ҳамкорликни янада ривожлантириш, мамлакатимизнинг туристик салоҳиятини тарғиб қилиш, сайёҳлар оқимини ошириш ҳамда авиакомпаниялар билан ҳамкорликни кенгайтириш масалалари муҳокама қилинди.
Учрашувда “Air Arabia” авиакомпанияси билан ҳамкорликни кучайтириш истиқболлари кўриб чиқилди. Хусусан, авиакомпания томонидан йўлга қўйилган Варшава, Краков ва Гданьск–Шаржа йўналишлари орқали Тошкент ва Наманган шаҳарларига журналистлар ва инфлюенсерлар учун пресс-турлар ташкил этиш масаласи кўриб чиқилди.
Суҳбат давомида поляк сайёҳлари орасида Ўзбекистоннинг маданий-тарихий ва исломий меросига бўлган қизиқиш ортиб бораётгани, Польшада истиқомат қилувчи тахминан 35 минг нафар татар диаспораси орқали Бухоро, Самарқанд ва бошқа тарихий қадамжоларни зиёрат туризми йўналишида тарғиб қилиш имкониятлари ҳақида фикр алмашилди.
Учрашув якунлари бўйича жорий йил ноябрь ойида Варшавада ўтказиладиган “ITTF Warsaw 2026” халқаро туризм кўргазмасида “Ўзбекистонга саёҳат қиламиз” тақдимотини ташкил этиш, “Uzbekistan Airways” рейсларини йўлга қўйиш бўйича ахборот алмашиш, Польша журналистлари ва инфлюенсерлари учун пресс-турлар ташкил этиш ҳамда “Compass Travel” агентлиги билан зиёрат туризми соҳасида ҳамкорлик қилишга келишиб олинди.
Ўзбекистон мусулмонлари идораси матбуот хизмати