Бир қизалоқ тақинчоқ дўконига кириб сотувчига қараб чиройли зирак кўрсатишини сўради. Сотувчи қизалоққа ҳайратланганча қараб тураверди. Шунда қизалоқ бир зиракни кўрсатиб: “Мана буни чиройли қилиб ўраб бероласизми?!”, деди. Сотувчи: “Пулинг борми?” деб сўради.
Қизалоқ чўнтагидаги бир нечта тангани чиқариб,:“Бор пулим шу, етадими?” деб сўради. Сўнгра у: “Биласизми, мен опамга шу зиракни совға қилмоқчиман. Чунки у онамиз оламдан ўтганидан кейин бизга ғамхўрлик қилиб келмоқда. Мен опамни хурсанд қилишни жуда хоҳлардим. Менда бори шу”, деди пулга ишора қилиб.
Бир неча сониядан сўнг сотувчи зиракни чиройли қутига солиб, қизчанинг қўлига берди. У хурсанд бўлганича уйига шошиб кетди.
Бир фурсатдан сўнг дўконга бир ўрта ёшли қиз кириб, дўкончига ўша қизалоқ олган зиракни кўрсатиб: “Буни сиздан олганмиди?” деб сўради. Сотувчи тақинчоқга қараб: “Ҳа” деб жавоб берди. Қиз тақинчоқни нархи қанчалигини сўради. Сотувчи: “Бу харидор ва менинг келишувим” деб жавоб қилди. У: “Синглимда бир неча танга бор эди. Бу эса жудаям қимматлигини биламан. Бунга пулимиз етмайди” деб зиракни қайтариб бермоқчи бўлди.
Шунда сотувчи: “Синглингиз бор будини берди. Бу нархни ҳеч ким бера олмайди”, дея тақинчоқни қизга қайтариб берди.
Акбаршоҳ Расулов таржимаси
Ўзбекистон мусулмонлари идораси Олий Ҳайъати йиғилиши қарорлари ижросини таъминлаш ҳамда тизим ходимларининг ҳуқуқий саводхонлигини янада ошириш мақсадида Тошкент шаҳридаги туман масжидлари иш юритувчилари учун ўқув-амалий маҳорат дарси бўлиб ўтди.
Тадбирда Диний идоранинг Ҳуқуқшунослик бўлими мутахассислари иштирок этиб, соҳага оид қонунчилик талаблари ҳамда ижро интизоми юзасидан қуйидаги муҳим масалаларга алоҳида эътибор қаратдилар:
Масжидларнинг раҳбар органлари таркибида ўзгаришлар юз берганда, бу ҳақда белгиланган тартибда (бир ой муддат ичида) адлия идораларига расмий маълумот киритиш;
Масжид устави, гувоҳномалари ва бошқа таъсис ҳужжатларини амалдаги қонунчилик талаблари асосида тўғри юритиш ва сақлаш;
Имом-хатиб ва имом ноибларининг беш вақт намозда ўз хизмат вазифаларида (жойида) бўлишини қатъий таъминлаш;
Масжид биноларида олиб бориладиган қурилиш ва таъмирлаш ишлари лойиҳа ҳужжатларини олдиндан ваколатли идоралар билан келишиш.
Очиқ мулоқот ва қизғин савол-жавоблар руҳида ўтган маҳорат дарсида иштирокчилар кундалик иш фаолиятида дуч келаётган турли ҳуқуқий масалалар юзасидан мутахассислардан атрофлича тушунтириш ва амалий тавсиялар олдилар.
Ўзбекистон мусулмонлари идораси
Матбуот хизмати