Бир қизалоқ тақинчоқ дўконига кириб сотувчига қараб чиройли зирак кўрсатишини сўради. Сотувчи қизалоққа ҳайратланганча қараб тураверди. Шунда қизалоқ бир зиракни кўрсатиб: “Мана буни чиройли қилиб ўраб бероласизми?!”, деди. Сотувчи: “Пулинг борми?” деб сўради.
Қизалоқ чўнтагидаги бир нечта тангани чиқариб,:“Бор пулим шу, етадими?” деб сўради. Сўнгра у: “Биласизми, мен опамга шу зиракни совға қилмоқчиман. Чунки у онамиз оламдан ўтганидан кейин бизга ғамхўрлик қилиб келмоқда. Мен опамни хурсанд қилишни жуда хоҳлардим. Менда бори шу”, деди пулга ишора қилиб.
Бир неча сониядан сўнг сотувчи зиракни чиройли қутига солиб, қизчанинг қўлига берди. У хурсанд бўлганича уйига шошиб кетди.
Бир фурсатдан сўнг дўконга бир ўрта ёшли қиз кириб, дўкончига ўша қизалоқ олган зиракни кўрсатиб: “Буни сиздан олганмиди?” деб сўради. Сотувчи тақинчоқга қараб: “Ҳа” деб жавоб берди. Қиз тақинчоқни нархи қанчалигини сўради. Сотувчи: “Бу харидор ва менинг келишувим” деб жавоб қилди. У: “Синглимда бир неча танга бор эди. Бу эса жудаям қимматлигини биламан. Бунга пулимиз етмайди” деб зиракни қайтариб бермоқчи бўлди.
Шунда сотувчи: “Синглингиз бор будини берди. Бу нархни ҳеч ким бера олмайди”, дея тақинчоқни қизга қайтариб берди.
Акбаршоҳ Расулов таржимаси
Жорий йилнинг 3–4 ноябрь кунлари Сирдарё вилояти вакиллик мажлислар залида молия-хўжалик фаолиятига масъул мутавалли ва ҳисобчилар учун ўқув семинари ташкил этилди.
Семинарда соҳа ходимларининг молиявий саводхонлигини ошириш, масжидларда молия-хўжалик ишларини қонуний ва тизимли ташкил этиш, ҳисоб-китоб ҳужжатларини тўғри юритиш ҳамда маблағлардан мақсадли фойдаланиш масалалари муҳокама қилинди.
Тадбир давомида иштирокчиларга тегишли тушунтириш ва амалий тавсиялар берилди. Мазкур семинар мутавалли-ҳисобчиларнинг касбий билим ва кўникмаларини ошириш, молиявий интизом ҳамда шаффофликни таъминлашга хизмат қилади.
ЎМИ Сирдарё вилояти вакиллиги Матбуот хизмати