Сайт тест ҳолатида ишламоқда!
17 Ноябр, 2026   |   7 Жумадул сони, 1448

Тошкент шаҳри
Бомдод
05:51
Қуёш
07:08
Пешин
12:13
Аср
15:21
Шом
17:05
Хуфтон
18:21
Bismillah
17 Ноябр, 2026, 7 Жумадул сони, 1448
Мақолалар

Ҳадя

05.11.2024   12258   1 min.
Ҳадя

Бир қизалоқ тақинчоқ дўконига кириб сотувчига қараб чиройли зирак кўрсатишини сўради. Сотувчи қизалоққа ҳайратланганча қараб тураверди. Шунда қизалоқ бир зиракни кўрсатиб: “Мана буни чиройли қилиб ўраб бероласизми?!”, деди. Сотувчи: “Пулинг борми?” деб сўради. 
Қизалоқ чўнтагидаги бир нечта тангани чиқариб,:“Бор пулим шу, етадими?” деб сўради. Сўнгра у: “Биласизми, мен опамга шу зиракни совға қилмоқчиман. Чунки у онамиз оламдан ўтганидан кейин бизга ғамхўрлик қилиб келмоқда. Мен опамни хурсанд қилишни жуда хоҳлардим. Менда бори шу”, деди пулга ишора қилиб. 
Бир неча сониядан сўнг сотувчи зиракни чиройли қутига солиб, қизчанинг қўлига берди. У хурсанд бўлганича уйига шошиб кетди. 
Бир фурсатдан сўнг дўконга бир ўрта ёшли қиз кириб, дўкончига ўша қизалоқ олган зиракни кўрсатиб: “Буни сиздан олганмиди?” деб сўради. Сотувчи тақинчоқга қараб: “Ҳа” деб жавоб берди. Қиз тақинчоқни нархи қанчалигини сўради. Сотувчи: “Бу харидор ва менинг келишувим” деб жавоб қилди. У: “Синглимда бир неча танга бор эди. Бу эса жудаям қимматлигини биламан. Бунга пулимиз етмайди” деб зиракни қайтариб бермоқчи бўлди.
Шунда сотувчи: “Синглингиз бор будини берди. Бу нархни ҳеч ким бера олмайди”, дея тақинчоқни қизга қайтариб берди.
 
Акбаршоҳ Расулов таржимаси

Ҳадя
Ибратли ҳикоялар
Бошқа мақолалар
Янгиликлар

Имом-хатиблар ўртасида «Устоз-шогирд» анъанаси давом эттирилмоқда

02.11.2026   63823   1 min.
Имом-хатиблар ўртасида «Устоз-шогирд» анъанаси давом эттирилмоқда

Ўзбекистон мусулмонлари идораси Бухоро вилояти вакиллиги тизимида фаолият юритаётган имом-хатиб ва имом-ноиблар ўртасида «Устоз-шогирд» анъанасини давом эттиришга алоҳида эътибор қаратилди.

Мазкур ташаббус доирасида тажрибали имом-хатибларнинг билим ва кўникмаларини ёш ҳамкасбларига етказиш, уларнинг касбий маҳоратини ошириш, шунингдек, илмий-ижодий ва маънавий-маърифий фаолиятда ўзаро тажриба алмашиш кўзда тутилди.

«Устоз-шогирд» мактаби соҳа ходимлари ўртасида ҳамкорликни мустаҳкамлаш, тўпланган тажрибани ёшларга етказиш ва диний-маърифий фаолият самарадорлигини оширишга хизмат қилиши билан аҳамиятли бўлди.

Ўзбекистон мусулмонлари идораси Бухоро вилояти вакиллиги матбуот хизмати

Ўзбекистон янгиликлари