15 Июл, 2025, 20 Муҳаррам, 1447
15 Июл, 2025, 20 Муҳаррам, 1447
Жорий йилнинг 4-11 ноябрь кунлари Малайзиянинг Перлис штати муфтийси, мамлакатимизнинг зиёрат туризми бўйича элчиси доктор Мохд Асри Зайнул Абидин бошчилигидаги делегация Ўзбекистонда бўлди. Бу ҳақда Ўзбекистон Журналистлар уюшмаси хабар берди.
Сафар Ўзбекистон туризм салоҳиятини Малайзия ва Жанубий-Шарқий Осиё минтақасида кенг тарғиб қилиш бўйича қўшма медиа лойиҳа доирасида мамлакатимиз элчихонаси, Ўзбекистон мусулмонлари идораси, Туризм қўмитаси ҳамда маҳаллий туркомпания билан ҳамкорликда амалга оширилди.
Бир ҳафта давом этган сафар чоғида Бухоро, Самарқанд, Тошкент вилоятларида ва Тошкент шаҳрида Ўзбекистон зиёрат туризм салоҳияти, маданий мероси, ислом дунёсига оид зиёратгоҳлари ҳамда ўзбек халқининг анъаналарига бағишланган туркум подкасдлар суратга олинди ва ижтимоий тармоқларда кенг ёритилди.
Шунингдек, Малайзия делегацияси Бухоро ва Самарқанд вилоятлари имом-хатиблари билан учрашувлар ўтказди. Малайзиялик диний арбоб илк бор Бухородаги Мир Араб мадрасасида ва Самарқанддаги "Ипак йўли" халқаро туризм ва маданий мерос университетида маърузалар ўқиди.
Малайзияликлар республиканинг тарихий ва замонавий сайёҳлик марказлари, бой маданияти, бетакрор архитектураси, шу жумладан Ҳазрати Имом мажмуаси фаолияти, "Амирсой" тоғ-чанғи курортидаги замонавий инфратузилмалар, "Усмон мусҳафи" Қуръони каримнинг бугунги кунгача сақланиб қолган энг қадимий қўлёзмаси билан яқиндан танишиш имкониятига эга бўлдилар.
Сафар доирасида доктор Мохд Асри Зайнул Абидиннинг Ўзбекистоннинг тарихий обидалари фонида суратга олинган мамлакатимиз заминида яшаб ўтган уламоларнинг ислом дунёси ривожида тутган ўрни ҳақидаги маърузалари юртимиздаги табаррук қадамжоларга келаётган зиёратчилар сонининг ошишига ўз ҳиссасини қўшади.
Ўзбекистон мусулмонлари идораси
Матбуот хизмати
2025 йил 10 июль куни Қуръони Карим ходими, устоз, шайх Алижон қори Файзуллоҳ Махдум бошчилигида «Қуръон ва тажвидни ўргатиш» бўлими ходимлари Ўзбекистон мусулмонлари идораси кутубхонасига ташриф буюришди.
Маълумки, кутубхонада турли мавзудаги нодир қўлёзма асарлар, Қуръони Карим қўлёзма нусхаларининг намуналари сақланади. Мана шундай нодир манбалардан бири Ҳазрати Усмон мусҳафи ҳисобланади. Қуръони Каримнинг ушбу ноёб ва қадимий қўлёзма нусхаси тадқиқотчилар ва кенг жамоатчиликнинг доимий эътиборида бўлиб келган.
Ўзбекистон Республикаси Президенти Шавкат Мирзиёев раҳбарлигида 2023 йил 22 декабрь куни ўтказилган Республика маънавият ва маърифат кенгашининг кенгайтирилган йиғилишида музейлар фаолиятини такомиллаштириш бўйича етти йиллик дастур қабул қилиниши эълон қилинди. Ушбу йиғилиш давомида берилган топшириқлар бўйича 50-сон Баённоманинг 47-бандида Муқаддас китоб – Усмон Қуръони саҳифаларининг консервация ва реставрация қилинишини таъминлаш белгиланган. Мазкур дастурни амалга ошириш мақсадида Ўзбекистон Маданият ва санъатни ривожлантириш жамғармаси қўллаб қувватлови остида хорижлик мутахассислар, жумладан, Кембриж университетидан Кристине Росе, франциялик реставраторлар Акселл Делеау ва Коралие Барбе, Истанбул қўлёзмалар устахонаси ва архив бўлими мудири Нил Байдар Усмон мусҳафини босқичма-босқич таъмирлаш режасини ишлаб чиқиб, келгусида муҳофаза қилиш бўйича тавсияларни бердилар. Жумладан, «енгил реставрация ишлари»ни амалга оширишдан аввал Ҳазрати Усмон Қуръони саҳифаларини сканер қилиш ва матнини кодикологик тадқиқ қилиш бўйича йўналишлар белгилаб олинди.
Ушбу хайрли ишларнинг давоми сифатида Ўзбекистон мусулмонлари идораси кутубхонасида Ҳазрати Усмон Мусҳафи матнини кодикологик тадқиқ қилиш бўйича муҳим йиғилиш бўлиб ўтди. Унда «Қуръон ва тажвидни ўргатиш» бўлими мудири шайх Алижон қори Файзуллоҳ ва Кутубхона мудири Камолиддин Маҳкамов бошчилигида бўлим ходимлари иштирок этишди. Йиғилишда «Мўйи муборак» мадраса-музейида сақланаётган Ҳазрати Усмон Мусҳафининг тарихи ва бугунги кундаги аҳамияти ҳақида сўз юритилиб, уни келажак авлодлар асраб-авайлашга хизмат қиладиган муҳим масалалар муҳокама қилинди. Жумладан, Ҳазрати Усмон Қуръони саҳифалари ва фондда сақланаётган 1905 йилда Санкт-Петербургда олинган нусхасини кодикологик тадқиқ қилиш бўйича таклиф ва мулоҳазалар билдирилиб, келгусида қилинадиган ишлар режалаштирилди.
AlQuranuz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 