Ўзбекистоннинг Доимий вакили ИҲТ раҳбарига ишонч ёрлиғини топширди
Ислом ҳамкорлик ташкилоти ахборот агентликлари иттифоқи UNA-OIC маълум қилишича, Бош котиб Ҳусайн Иброҳим Тоҳа мамлакатимизнинг Саудия Арабистони Подшоҳлигидаги Фавқулодда ва мухтор элчиси Нодиржон Турғуновни ўз идорасида қабул қилди. Дипломатимиз Ўзбекистоннинг тузилмадаги доимий вакили сифатида унга ишонч ёрлиғини топширди.
Томонлар яқин ҳамкорликнинг жорий ҳолатини алоҳида таъкидлаб, турли соҳалардаги алоқаларни фаоллаштириш истиқболини муҳокама қилдилар.
ЎзА
Сирдарёда имомлар ўртасида “Заковат” турнири ўтказилди
Ўзбекистон Республикаси давлат мустақиллигининг 35 йиллиги муносабати билан Сирдарё вилоятида фаолият юритаётган имом-хатиб ва имом-ноиблар ўртасида “Қуръон тинчликка буюради” шиори остида “Заковат” интеллектуал мусобақаси ўтказилди.
Беллашувдан кўзланган асосий мақсад — диний соҳа ходимларининг илмий-маърифий ва ҳуқуқий билимларини мустаҳкамлаш, улар ўртасида ўзаро ҳамжиҳатликни янада оширишдан иборат.
Мусобақада шаҳар ва туманлардан жамланган жамоалар Қуръони карим, ҳадиси шарифлар, ислом тарихи, миллий қадриятлар ва мамлакатимиз қонунчилигига оид саволлар бўйича ўз билим ва тезкор фикрлаш қобилиятларини намоён этдилар.
Якуний натижаларга кўра:
1-ўрин — “Тафаккур” жамоаси
2-ўрин — “Иттифоқ” жамоаси
3-ўрин — “Ҳикмат” жамоаси
Ғолиблар Ўзбекистон мусулмонлари идораси Сирдарё вилояти вакиллигининг махсус диплом ва эсдалик совғалари билан тақдирланди.
Сирдарё вилояти вакиллиги
Матбуот хизмати
