Сайт тест ҳолатида ишламоқда!
08 Июл, 2025   |   13 Муҳаррам, 1447

Тошкент шаҳри
Бомдод
03:15
Қуёш
04:58
Пешин
12:33
Аср
17:41
Шом
20:02
Хуфтон
21:37
Bismillah
08 Июл, 2025, 13 Муҳаррам, 1447
Янгиликлар

Диний соҳа ходимлари минглаб юртдошларимиз кўнглига шодлик улашди 

05.12.2024   25198   2 min.
Диний соҳа ходимлари минглаб юртдошларимиз кўнглига шодлик улашди 

Динимиз эҳтиёжманд, бемор, ногиронлиги бор кишиларга ғамхўрлик қилишга буюриб, бунинг ажру савоблари улкан эканлигини таъкидлайди. Бундай хайрли амални диний соҳа ходимлари, имом-хатиблар кундалик ишига айлантирган десак, хато қилмаган бўламиз. Зеро, бугун маҳаллаларда ўтказилаётган турли диний-маърифий тадбир бўладими ёки сайёр учрашувлар бўлсин, эҳтиёжманд ва ногиронлиги бор фуқаролар имом-хатиблар эътиборида. 

“3 декабрь – Халқаро ногиронлар куни” муносабати билан бундай эзгу ишлар республикамизда янада жонланди. Ўзбекистон мусулмонлари идораси тизимида фолият юритувчи ходимлар, имом-хатиблар, Вақф фонди вакиллари мазкур сана доирасида хайрия ишларида янада жонбозлик кўрсатишди. 

Хусусан, Ўзбекистон мусулмонлари идораси раҳбарияти Яшнабод тумандаги 52-сонли алоҳида ёрдамга муҳтож болалар учун ихтисослаштирилган мактаб ўқувчилари ҳолидан хабар олди. Болажонлар билан дилдан суҳбат қуриб, мактаб маъмуриятига Ўзбекистон мусулмонлари идораси номидан совғалар тақдим қилишди. 

Тошкент шаҳар вакиллиги ходимлари ҳам ушбу тадбирларда фаол бўлиб,  36-сонли жисмоний имконияти чекланган болалар уйига ташриф буюрдилар. Мурғак қалб эгалари билан самимий мулоқот қилиб, уларга жами 20 миллион сўмлик кийим-кечаклар, ширинликлар ва турли ҳил совға-саломлар улашдилар. Шунингдек, Олмазор тумани “Мевазор” жоме масжиди имом-хатиби ташаббуси билан ҳомийларни жалб қилган ҳолда Олмазор туманидаги 36-сонли мактабга 40 миллион сўмлик совға саломлар олиб берилди.

Тошкент вилояти имом-хатиб ва имом-ноиблари ҳам ҳомийларни жалб қилган ҳолда маҳаллалардаги 300 га яқин ногиронлиги бўлган шахслар ва уларнинг оила аъзолари, кам таъминланган, боқувчисини йўқотлар ҳолидан хабар олиб, уларга 121 млн.сўмлик хайриялар улашдилар. 

Худди шундай Андижон вилояти имом-хатиблари ҳам Марҳамат туманида ногиронлиги бўлган шахслар ҳолидан хабар олиниб, совғалар улашилган бўлса, Хўжаобод туманида “Нур” тантаналар биносида шундай инсонлар учну эҳсон дастурхони ташкил этилди. Бухоро вилояти имом-хатиблари ҳам саховатпеша ҳомийлар билан биргаликда имконияти чекланган, ногирон фуқаролар ҳолидан хабар олиб уларга озиқ-овқат махсулотлари ва хўжалик буюмларидан иборат маҳсулотларни ҳадя қилдилар. Қашқадарё вилоятида диний соҳа ходимлари томонидан 129 нафар ногиронлиги бор шахслар, эҳтиёжманд оилалар ҳолидан хабар олиниб 15.8 млн.сўмлик совға-салом улашилди. Фарғона вилояти имом-хатиблар эса ҳомийларни жалб қилган ҳолда 24.750.000 сўмлик хайриялар тарқатди.

Бундай хайрли ташаббуслар Қорақалпоғистон Республикаси, Навоий, Самарқанд, Сирдарё, Хоразм вилоятиларида ҳам давом этиб, юзлаб кўнгли ўксик юртдошларимиз қалбига шодлик улашилди. 

Ўзбекистон мусулмонлари идораси

Матбуот хизмати

Диний соҳа ходимлари минглаб юртдошларимиз кўнглига шодлик улашди  Диний соҳа ходимлари минглаб юртдошларимиз кўнглига шодлик улашди  Диний соҳа ходимлари минглаб юртдошларимиз кўнглига шодлик улашди  Диний соҳа ходимлари минглаб юртдошларимиз кўнглига шодлик улашди  Диний соҳа ходимлари минглаб юртдошларимиз кўнглига шодлик улашди  Диний соҳа ходимлари минглаб юртдошларимиз кўнглига шодлик улашди  Диний соҳа ходимлари минглаб юртдошларимиз кўнглига шодлик улашди  Диний соҳа ходимлари минглаб юртдошларимиз кўнглига шодлик улашди  Диний соҳа ходимлари минглаб юртдошларимиз кўнглига шодлик улашди  Диний соҳа ходимлари минглаб юртдошларимиз кўнглига шодлик улашди  Диний соҳа ходимлари минглаб юртдошларимиз кўнглига шодлик улашди 
Ўзбекистон янгиликлари
Бошқа мақолалар

Бахтли инсоннинг 4 белгиси

02.07.2025   6122   3 min.
Бахтли инсоннинг 4 белгиси

Бир куни Фатҳ ибн Хоқон халифа Мутаваккилнинг ҳузурига кирди. Халифа жим ўтарар ва бир нарса ҳақида чуқур ўйларди. Фатҳ бу жимликни бузиб: “Нималар ҳақида ўйлаяпсиз, эй мўминлар амири?” – дея сўради. Халифа: “Мен ер юзида турмуши энг фаровон киши ким экан?” деб ўйлаётган эдим”, деди. Фатҳ бўлса: “Дунёда энг фаравон ҳаёт кечираётган киши сиз-да! Аллоҳга қасамки, у – сизсиз!” – деди. Халифа: “Йўқ! Мен эмас. Кенг ҳовлиси, солиҳа аёли, қобил фарзандлари ва етарли ризқи бўлган киши – ҳаёти энг фаравон одамдир”, деди.

Расулуллоҳ соллаллоҳу алайҳи васаллам ҳам: “Тўрт нарса бахтнинг белгисидир: солиҳа аёл, кенг турар-жой, солиҳ қўшни, яхши улов. Тўрт нарса эса бадбахтлик белгисидир – ёмон хотин, ёмон қўшни, чатоқ улов, тор хонадон”, деганлар.

Баъзилар бахтни машҳурликда, молу давлатга эга бўлишда деб биладилар. Бу дунёда Аллоҳнинг мухлис бандаларигина ҳис қиладиган саодат таъмини тотиш бахтига мушарраф бўлмаган ҳолда яшаб ўтадилар.

Орифлардан бири: “Подшоҳлар бизда қандайин бахт борлигини билганларида эди, унга етишиш учун бизга қарши қилич кўтариб жанг қилишарди”, дейди.

Ғалаба билан саодат орасида катта фарқ бор. Ғалаба бу – ўзингиз истаб турганнинг устидан зафар қозониш бўлса, ненинг устидан ғолиб бўлсангиз, у сизнинг хоҳишингизга мансуб бўлмоғи чин саодатдир.

Оскар Уайльд[1]нинг шундай гапи бор: “Бахт фақатгина унга бир нечта кишилар билан бирга етишсанг ҳақиқий бўлади. Оғриқ, азоб ҳам фақатгина бир ўзингнинг бошинг­га тушса аламли бўлади. Саодат – бошқа кишиларни бахтли қилишдир”. 

 Олмон физиги Макс Планк: “Саодатни муҳофаза қилиш учун уни бошқалар билан бўлишишинг керак”, деган.

 Ғарб мутафаккирларидан яна бири: “Тажрибамдан ўтган нарса шуки, энг буюк бахт – яхшиликни яширинча қилганимдан кейин кутилмаганда бу яхшилигим одамлар қулоғига етиб боришини кўришим”, деган эди.

 Инглиз ёзувчиси Уильям Сомерсет Моэм[2]: “Биз улға­йиб борарканмиз саодат – олишда деб ўйлардик, кейинчалик билдикки, бахт – беришда экан”, дейди.

 Бахт – бошқаларга тортиқ қилиш ва яхши ишларни амалга оширишда мужассам. Бахт бировдан нарса олиш ва ўзганинг қўлига қарашда эмас.


Ҳассон Шамсий Пошонинг
“Жаннат бўстонидаги оилавий оқшомлар” номли китобидан
Ғиёсиддин Ҳабибуллоҳ, Илҳом Оҳунд, Абдулбосит Абдулвоҳид таржимаси.


[1]  Тўлиқ исми: Оскар Фингал О’Флаэрти Уиллс Уайльд. 1854 йилда Дублин шаҳрида туғилган. Шоир, драматург, сценарист. 1900 йил 30 ноябрда 46 ёшида  Парижда вафот этган.
[2]  1874 йил 25 январда Францияда туғилган. 1965 йил16 декабрда  Ницца шаҳрида вафот этган. 1897 йилда чоп этилган  “Ламбетлик  Лиза” романи билан машҳур бўлган.