Саудия Aрабистони Непалда Қуръон мусобақаси ўтказади
Шу йил 21-22 декабрь кунлари Непал пойтахти Катманду шаҳрида Қуръони каримни ёддан ўқиб бериш бўйича II мусобақа бўлиб ўтади. Саудия Арабистони Ислом ишлари, даъват ва иршод вазирлиги ташкил этаган мазкур тадбир Саудия Aрабистонининг Қуръон таълимотини бутун дунё бўйлаб ёш мусулмонлар ўртасида тарғиб этиш борасидаги саъй-ҳаракатлари доирасида ўтказилади, деб ёзади “ArabNews” .
Саудия Aрабистони Матбуот агентлигининг хабар беришича, саралаш босқичида Непалнинг турли вилоятлари ва мамлакатдаги Қуръони каримни ёдлатиш мактабларидан 400 дан ортиқ иштирокчи қатнашади.
Танловнинг ёпилиш маросими ва ғолибларни тақдирлаш маросими 23 декабрь куни бўлиб ўтади.
Ўзбекистон мусулмонлари идораси
Матбуот хизмати
Юртимиз бўйлаб 6000 нафарга яқин ободонлаштириш ходимларига байрам ҳадялари улашилди
Мустақиллигимизнинг 35 йиллик байрами арафасида Ўзбекистон мусулмонлари идораси ҳузуридаги “Вақф” хайрия жамоат фонди маҳаллий ҳокимликлар билан ҳамкорликда юртимиз озодалигига беқиёс ҳисса қўшиб келаётган 2500 нафардан ортиқ ободонлаштириш хизмати ходимларига озиқ-овқат жамланмалари тарқатди.
Тадбирлардан кўзланган асосий мақсад машаққатли ва шарафли меҳнати ҳар доим ҳам кўзга кўринавермайдиган соҳа ходимларининг меҳнатини эътироф этиш, уларнинг қалбига байрам шукуҳи, хонадонларига қувонч киритишдир.
Инсон қадрини улуғлаш ва ижтимоий ҳимояга муҳтож қатламни қўллаб-қувватлашга қаратилган бу каби хайрли ишлар шу кунларда янада кенг қулоч ёзиб, мамлакатимизнинг барча ҳудудларида ўтказилди.
Шунингдек, ҳомийлар томонидан Республикамиз бўйлаб 3500 нафарга яқин ана шундай фидойи ходимларнинг кўнгли хушнуд этилди.
Бу каби хайр-саховатга йўғрилган байрам тадбирлари ўлкамизнинг барча гўшаларида давом этмоқда.
Ўзбекистон мусулмонлари идораси Матбуот хизмати
- «
- »