Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг ташаббуслари билан тизимда соғлом турмуш тарзини кенг тарғиб қилиш мақсадида ҳафтанинг ҳар жума куни “Спорт куни” деб белгиланган.

Мазкур хайрли ташаббуснинг амалий ижроси сифатида Диний идора ходимлари ўртасида стол тенниси бўйича мусобақа ўтказилди. Мусобақанинг саралаш босқичлари юқори савияда ташкил этилиб, энг кучли 15 нафар иштирокчи финал босқичига йўл олган эди.

Бугун, 19 июнь куни мусобақанинг 1/8 финал, чорак финал, ярим финал ва ҳал қилувчи финал босқичлари қизғин ва дўстона руҳда бўлиб ўтди. Муросасиз баҳслар натижасига кўра қуйидаги ходимлар ғолибликни қўлга киритди:

1-ўрин: Абдусамад Самуғжонов
2-ўрин: Саидаҳрор Умархонов
3-ўрин: Шерзод Каримов
4-ўрин: Неъмат Мусаев
"Фахрий иштирокчи" номинацияси: Набибуллоҳ Рафиқов
 

Мазкур спорт тадбири орқали ходимлар Расулуллоҳ соллаллоҳу алайҳи васалламнинг «Кучли мўмин кучсиз мўминдан кўра Аллоҳга яхшироқ ва севимлироқдир» (Имом Муслим ривояти) деган муборак ҳадисларига амал қилиб, ўзларининг чаққонлик ва спортдаги маҳоратларини намойиш этди.

Бу каби мусобақалар ходимлар ўртасида ўзаро аҳиллик, ҳамжиҳатлик муҳитини кучайтиришга ҳамда иш унумдорлигини оширишга хизмат қилади.

Ғолиб ва совриндорларни муборакбод этамиз!

Ўзбекистон мусулмонлари идораси
Матбуот хизмати