04 Сентябр, 2025, 12 Рабиъул аввал, 1447
04 Сентябр, 2025, 12 Рабиъул аввал, 1447
Қиёмат қоим бўлишининг яна бир белгиси – мусулмонларнинг Қуддусни фатҳ этиши саналади.
Сийрат ва тарих илми бўйича мутахассислар Қуддус фатҳи Умар розияллоҳу анҳу даврида ҳижрий 16 йилида якунланганини қайд этишган.
Ҳазрати Умар розияллоҳу анҳунинг шахсан ўзлари Қуддусга маҳаллий аҳоли билан тинчлик шартномаси тузиш учун борадилар ва у ерда масжид қурилади.
Имом Аҳмад Убайд ибн Адамдан унинг Каъбул Ахбор билан суҳбатини келтиради:
“Умар розияллоҳу анҳу сўрадилар:
- Намозни қаерда ўқиганим яхши, деб ўйлайсиз?
Каъб айтади:
Умар розияллоҳу анҳу дедилар:
- Йўқ, бу яҳудийларникига ўхшаш бўлиб қолади. Мен намозимни Пайғамбаримиз соллаллоҳу алайҳи васаллам адо этган жойда ўқийман.
Кейин Умар розияллоҳу анҳу қибла томонга қараб намоз ўқидилар, сўнг ридоларидан чангларни қоқиб ташладилар.
Шу ўринда Каъбул Ахбор раҳматуллоҳи алайҳ ҳақида тўхталиб ўтсак. У аҳли китобларнинг буюк олимларидан бўлган. Абу Бакр розияллоҳу анҳу даврида Исломни қабул қилган. Умар розияллоҳу анҳу даврида Мадинага кўчиб ўтган. Сўнгра Шомда яшади ва Усмон розияллоҳу анҳу даврида вафот этган.
Маълумки, салибчилар Қуддусни 100 йил давомида эгаллаб турди. Ниҳоят бу муборак жойни буюк жангчи ва ҳимоячи Султон Салоҳиддин раҳимаҳуллоҳ фатҳ этган.
Аллоҳ таоло унга Умар розияллоҳу анҳунинг ғалабасидек ғалаба берди. Ғалаба кўлами бўйича унга тенг келадигани Константинополни забт этган Султон Муҳаммад Фотиҳ раҳимаҳуллоҳ эди.
Муҳаммад Фотиҳ (ҳижрий 832-886 / милодий 1432-1481) – 1444 ва 1451-1481 йилларда Усмонли султони. У фатҳ сиёсатини фаол олиб борди. Усмонли қўшинининг 26 та юришига раҳбарлик қилган. Константинополни 1453 йил қўлга киритди ва уни Усмонли халифалигининг пойтахтига айлантирди.
Византия мавжудлигига нуқта қўйди, кейин Сербия (1459), Мореа (1460), Требизонд империяси (1461), Босния (1463), Эвбеяни (1471) фатҳ этди.
Караман подшоҳлиги (1471), Қрим хонлиги ва Албанияни бўйсундирди (1475), Албания (1479). Оққўюнли давлати ҳукмдори Узун Ҳасан билан муваффақиятли урушлар олиб борган.
Манбалар асосида
Баҳриддин ХУШБОҚОВ
таржимаси.
Юртимизнинг маънавият ва маърифат равнақ топиши, аҳолимизнинг диний билим ва маънавий дунёқарашини юксалтиришда оммавий ахборот воситаларининг ўрни беқиёс. Хусусан, Ўзбекистон мусулмонлари идораси томонидан чоп этиб келинаётган «Ҳидоят», «Мўминалар» журналлари ҳамда «Ислом нури» газетаси ҳам халқимиз кўнглидан жой олган нашрлар ҳисобланади.
Ушбу нашрларни кенг китобхонлар оммасига тарғиб қилишда фаоллик кўрсатган бир гуруҳ соҳа ходимлари «Шамсуддинхон Бобохонов» нашриёти жамоаси томонидан тақдирланди.
Фарғона вилояти вакиллигида ўтказилган мазкур тадбирда вилоят бош имом-хатиби Убайдуллоҳ домла Абдуллаев ва нашриёт уйи бўлим бошлиғи Толибжон Низомов иштирок этиб, эътибор ва эътирофга сазовор бўлган имомларни самимий табриклашди. Шунингдек, уларга нашриёт совғалари топширилди.
Тадбир давомида «Ҳидоят», «Мўминалар» журналлари ҳамда «Ислом нури» газеталарининг аҳолини маърифий тарбиялашдаги ўрни, ёшлар онгини соғлом ғоялар билан бойитишдаги аҳамияти алоҳида таъкидланди. Маънавият ва маърифат йўлидаги бу каби ташаббуслар халқимизнинг илмга, ахлоқий қадриятларга ва миллий анъаналарга садоқатини янада мустаҳкамлаши қайд этилиб, келгуси мавсумда ҳам тарғибот ишларида фаол бўлишга чақирилди.
Ўзбекистон мусулмонлари идораси
Фарғона вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 