Ақл чархи бўлган шахмат, шашка спорт  тури билан мунтазам шуғулланиш киши тафаккур доирасини кенгайтиради, тез қарор қабул қилиш кўникмасини шакллантиради. 

Ўзбекистон мусулмонлари идораси ташаббуси билан диний соҳа ходимлари ўртасида шахмат ўйинларини ўтказилаётганидан хабарингиз бор.

Бугун пойтахтимизда фаолият юритаётган имомлар, имом ноиблари ўртасида шахмат турнирининг финал босқичи ўтказилди.

Тадбирда Тошкент шаҳар бош имом-хатиби Абдуқаҳҳор домла Юнусов иштирок этиб, мусобақани кириш сўзи билан очиб бердилар.

Табиийки, ҳар бир мусобақада ғолиблар аниқланади. Бу беллашувларда ҳам ғалаба кучлиларга, тажрибалиларга кулиб боқди.

Ҳакамлар ҳайъати аъзоларининг хулосасига кўра:

1-ўрин Сарвар домла Муҳаммадиев (Сергели тумани "Маъруф ота масжиди)га;
2-ўрин Комилжон домла Нуралиев (Яшнобод тумани "Ислом ота" масжиди)га;
3-ўрин Нуруллоҳ домла Обидов (Юнусобод тумани "Оқтепа" масжиди)га насиб этди.

Мусобақа ғолиблари ташкилотчи ва ҳомийларнинг қимматбаҳо эсдалик совғалари ҳамда ташаккурномалар билан тақдирланди.

MuslimShosh.uz