13 Май, 2025, 15 Зулқаъда, 1446
13 Май, 2025, 15 Зулқаъда, 1446
Cавол: Пайғамбаримиз алайҳиссалом Жаброил алайҳиссаломни асл суратида кўрганмилар?
Жавоб: Бисмиллаҳир Роҳманир Роҳийм. Ҳа кўрганлар. Расули акрам соллаллоҳу алайҳи васаллам Жаброил алайҳиссаломни асл суратларида икки марта кўрганлар. Имом Бухорий раҳимаҳуллоҳ Оиша розияллоҳу анҳо онамиздан ривоят қилган узун ҳадисда бундай деганлар: “Лекин у зот Жаброил алайҳиссаломни икки марта ўз суратида кўрганлар”.
Кўплаб уламолар икки мартанинг бир мартаси Расулуллоҳ соллаллоҳу алайҳи васаллам ерда, Жаброил алайҳиссалом уфқда бўлган ҳолатда, иккинчиси Исро ва меърож кечаси Расулуллоҳ соллаллоҳу алайҳи васаллам осмонга кўтарилганларида Сидратул мунтаҳо олдида Жаброил алайҳиссаломни кўрганлар, дейишган (“Умдатул қорий” китоби). Валлоҳу аълам.
Ўзбекистон мусулмонлари идораси
Фатво маркази.
"Ҳидоят" ва "Мўминалар" журналлари ҳамда "Ислом нури" газетаси орқали халқимизга маърифат улашилмоқда. Ушбу нашрларга энг кўп обуна ташкил қилган ходимлар эса ҳар йили тақдирланадилар.
Бугун 12 май куни Тошкент шаҳридаги "Шайх Зайниддин" жоме масжиди мажлислар залида Тошкент шаҳар имом-хатиблари иштирокида йиғилиш бўлиб ўтди. Тошкент шаҳар бош имом-хатиби Абдуқаҳҳор домла Юнусов бошчилигида ташкил этилган ушбу тадбир "Ҳидоят" ва "Мўминалар" журналлари ҳамда "Ислом нури" газетасига фаол обуна ташкил этган имом-хатиблар тақдирландилар ва уларга эсдалик совғалари улашилди.
Абу Масъуд Ансорий розияллоҳу анҳудан ривоят қилинган ҳадисда Набий соллаллоҳу алайҳи васаллам: "Ким бир яхшиликка далолат қилса, унга ўша яхшиликни қилганнинг ажридек ажр берилади", дея марҳамат қилганлар. Дарҳақиқат, яқинларга, дўстларга яхшилик улашиш, маърифат тарқатишга далолат қилиш таҳсинга сазовор ишдир.
Ўзбекистон мусулмонлари идораси
Тошкент шаҳар вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 