Ўзбекистон мусулмонлари идораси Ҳуқуқшунослик бўлими томонидан 2025 йил 5 февраль куни “Zoom” платформаси орқали адлия органларига диний ташкилотлар томонидан тақдим этилган ҳисоботлар юзасидан йиғилиш ўтказилди. Унда Қорақалпоғистон мусулмонлари қозиёти, вилоятлар ва Тошкент шаҳар вакилликларининг юрисконсультлари иштирок этди.
Унда жумладан, диний ташкилотлар фаолиятида қонунийликни таъминлаш, қонунчилик ҳужжатлари мазмун-моҳиятини барча масъул ходимларга етказиш орқали уларнинг ҳуқуқий саводхонлигини мунтазам равишда ошириб бориш масалалари муҳокама қилинди.
Шунингдек, қабул қилинган қонунчилик ҳужжатларининг мазмун-моҳияти ижрочиларга тўлиқ етказиш, меҳнат қонунчилигига оид ҳужжатларни тўғри юритиш, масъул ходимларнинг ҳуқуқий маданиятини юксалтириб бориш, диний соҳа ходимларини қонунчиликдаги ўзгаришлар тўғрисида ўз вақтида хабардор қилиш, буйруқларни тўғри расмийлаштириш, ҳужжатлар алмашинувини тўла тизимлаштириш, рўйхатдан ўтказувчи ташкилотларга ўз вақтида ҳисобот тақдим этиш каби муҳим тушунтириш ва эслатмалар берилди.
Ўзбекистон мусулмонлари идораси
Матбуот хизмати
#Малака_ошириш #Қишки_таътил
2025 йил 30 декабрдан шу йил 11 январга қадар профессор-ўқитувчилар учун “Ўқув жараёнига оид меъёрий-ҳуқуқий ҳужжатлар, замонавий педагогик технологиялар ва методлар ҳамда ихтисослик фанлари” мавзусида малака ошириш семинари ташкил этилди.
Семинарнинг мақсади — профессор-ўқитувчилар малакасини ошириш, янги педагогик технологиялар ва методологиялар бўйича билимларини бойитиш hamda ихтисослик фанлари бўйича ўқув жараёнларини самарали ташкил этишдир.
Илк дарс Тошкент ислом институти ректори Уйғун домла Ғафуров томонидан “Ўзбекистон ва қўшни давлатларда Ислом илмлари таълим тизимининг ривожланиши” мавзусида очилди. Шунингдек, Муҳаммадакмалхон домла Шокиров Шайх Юсуфхон тўра Шокиров ҳаёти ва фаолияти ҳақида батафсил маъруза қилди.
Семинарда институт профессор-ўқитувчилари ва ходимлари ҳамда “Хадичаи Кубро” аёл-қизлар ўрта махсус ислом таълим муассасаси ўқитувчилари иштирок этишди.
Oliymahad.uz