Ислом таълим муассасаларида улуғ алломаларимиз хотирланди
“Хадичаи Кубро” аёл-қизлар ўрта-махсус ислом таълим муассасасида улуғ алломаларимиз Алишер Навоий ва Заҳириддин Муҳаммад Бобурнинг таваллуд кунлари муносабати билан давра суҳбати ташкил этилди.
Суҳбатни Алишер Навоий номидаги Тошкент давлат ўзбек тили ва адабиёти университети илмий ходими Фотима Икромова ҳамда Ўзбекистонг Республикаси фанлар академияси Алишер Навоий номидаги Давлат адабиёт музейи катта илмий ходими, филология фанлари номзоди, навоийшунос олима Маъмура Рашидова олиб боришди.
Суҳбат давомида талабалар бу икки сиймо ҳақида кўплаб янги, қизиқарли маълумотлар олишди.
Тадбир сўнгида эсдалик совғалар ва ташаккурномалар топширилди.
***
Имом Фахриддин ар-Розий ўрта махсус ислом таълим муассасасида ўзбек мумтоз адабиётининг йирик вакили, буюк шоир, давлат арбоби, саркарда Заҳириддин Муҳаммад Бобур таваллудининг 542 йиллигига бағишланган «Адабиётимизнинг етук намоёндалари» мавзусида давра суҳбати бўлиб ўтди.
Ўзбекистон мусулмонлари идораси
Матбуот хизмати
Мустақиллигимизнинг 35 йиллиги муносабати билан 35 нафар болажонга суннат тўйи ўтказилди
Мустақиллигимизнинг 35 йиллиги муносабати билан Ўзбекистон мусулмонлари идораси Сирдарё вилояти вакиллиги, «Вақф хайрия» жамоат фонди ҳамда вилоят ҳокимлиги ҳамкорлигида кам таъминланган оилаларнинг 35 нафар фарзанди учун суннат тўйи ўтказилди.
Хайрли тадбир давомида болажонларга кийим-кечаклар ва совға-саломлар тақдим этилиб, уларнинг қувончига қувонч улашилди. Тўйхонада ош дамланиб, меҳмонлар ва юртдошларга дастурхон ёзилди.
Бундай хайрли ва саховатли ишлар мустақиллигимизнинг 35 йиллиги арафасида амалга оширилиб, халқимизга бўлган меҳр-эътибор ва ғамхўрликнинг яна бир ёрқин намунаси бўлди.
Сирдарё вилояти вакиллиги матбуот хизмати
