27 Март, 2025, 27 Рамазон, 1446
27 Март, 2025, 27 Рамазон, 1446
Юртимизда ҳар йили Рамазон ойини муносиб кутиб олиш ва ўтказишга алоҳида эътибор қаратилади. Жумладан, 1500 дан зиёд масжидларимизда Ўзбекистон мусулмонлари идораси раиси, муфтий шайх Нуриддин Холиқназар ҳазратларининг ташаббуси билан хатми Қуръон тадбирлари ўтказиш яхши анъана тусини олган.
Таровеҳ намозларида йилдан-йилга такомиллашиб, савияси оширилиб борилаётган бундай файзли, савоби улуғ бўлган ишлардан юртимизга қут-барака янада зиёда бўлиши, шубҳасиз.
Кеча, 12 февраль куни Ўзбекистон мусулмонлари идораси «Қуръон ва тажвидни ўргатиш» бўлимида Республика ҳудудидаги масжидларда бу йил хатм қиладиган қориларни суҳбатдан ўтказиш ҳайъати йиғилиши бўлиб ўтди.
Бўлим мудири шайх Алижон қори Файзуллоҳ Махдум раислигида ўтган ушбу йиғилишда устоз қорилардан иборат ҳайъат аъзолари иштирок этишди. Йиғилишда қутлуғ ойга муносиб тайёргарлик кўриш, хусусан, Қуръон тадбирларида қатнашадиган қорилар билан суҳбатлар ўтказиш, уларни тақсимлаш масалалари муҳокама қилинди.
Ўзбекистон мусулмонлари идораси
Матбуот хизмати
Бисмиллаҳир Роҳманир Роҳийм
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ибн Аббос розияллоҳу анҳумодан ривоят қилинади. Расулуллоҳ соллаллоҳу алайҳи васаллам: «Ким жума куни Оли Имрон номли сурани ўқиса, Аллоҳ ва Унинг фаришталари қуёш ботгунча унга салавот айтиб турадилар», – дедилар (Табароний ривоят қилган).
Абу Ҳурайра розияллоҳу анҳудан ривоят қилинади. Набий соллаллоҳу алайҳи васаллам жума куни бомдод намозида «Алиф лам мим. Танзилу…»ни – Сажда(сураси)ни – ва «Ҳал ата ъалал-инсани»ни қироат қилар эдилар» (Икки шайх ва Термизий ривоят қилишган).
Ибн Абу Сайф Яманий «Ал-ламъа фи рағоиби явмил жумуъа» китобида Термизийнинг қуйидаги гапларини келтиради:
«Тасбеҳ намозини жума куни завол пайтида ўқиш мустаҳабдир. Биринчи ракъатда Фотиҳадан кейин Такосурни ўқийди, иккинчисида Вал асрни, учинчисида Кофирунни, тўртинчисида Ихлосни ўқийди». Сўнг охирида ўқиладиган қўшимча дуони ҳам келтирган.
«Жума ҳақидаги оят ва ҳадислар» китобидан
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 