25 Август, 2025, 2 Рабиъул аввал, 1447
25 Август, 2025, 2 Рабиъул аввал, 1447
2025 йилнинг 25 январидан 25 майига қадар Саудия Арабистонининг Жидда шаҳрида ўтказилаётган “II Халқаро Ислом санъати биенналеси” бўлиб ўтмоқда. Нуфузли кўргазмада бутун дунёдан исломий мерос, нодир қўлёзмалар, ҳаттотлик ва наққошлик ижодлари, қадимий тангалар, либослар ва бошқа ноёб экспонатлар намойиш этилмоқда.
Ўзбекистон мусулмонлари идораси кутубхонаси фондида сақланаётган Катта Лангар Қуръонининг икки саҳифаси ушбу кўргазмага қўйилган. Мазкур экспонатни намойиш этиш ташаббуси Ўзбекистондаги Маданият ва санъатни ривожлантириш жамғармаси томонидан илгари сурилди.
***
Кўргазмадаги иштирок ва унга тайёргарлик жараёни бир неча босқичда амалга оширилди. Ўзбекистон мусулмонлари идораси раиси, муфтий шайх Нуриддин Холиқназар ҳазратлари Диний идора кутубхонаси фондида сақланаётган Катта Лангар Қуръонини шахсан кўздан кечириб, унинг ҳимояси, келажак авлодга етказилиши ва халқаро кўргазмаларда муносиб тақдим этилиши борасида муҳим кўрсатмалар бердилар.
Кўргазмага йўл олган вакилимизни Ўзбекистон мусулмонлари идораси раиси биринчи ўринбосари Ҳомиджон домла Ишматбеков, раиси ўринбосари Зайниддин домла Эшонқуловлар хайрли дуолар билан кузатиб, ушбу намойиш юртимиз ва исломий мерос учун манфаатли бўлишини тиладилар.
Ўзбекистон мусулмонлари идораси Кутубхона бўлими мудири Камолиддин Маҳкамов Жидда шаҳрига бориб, кўргазма махсус гуруҳи вакиллари ҳамда Франциянинг Лувр музейи реставратори билан ҳамкорликда Катта Лангар Қуръони саҳифаларини кўргазма залидаги махсус жиҳозга жойлаштирди.
Айтиш мумкинки, Катта Лангар Қуръони Ислом тамаддунининг ноёб дурдонаси бўлиб, унинг саҳифалари жаҳон илмий жамоатчилиги ва санъатшунослари томонидан катта қизиқиш билан ўрганилмоқда.
***
Халқаро Ислом санъати биенналеси дунё бўйлаб кўплаб таниқли санъатшунос, тарихчи ва илмий жамоатчилик вакилларини бирлаштирадиган йирик кўргазмалардан ҳисобланади. Унда Ўзбекистоннинг бебаҳо исломий мероси намойиш этилиши мамлакатимиз маданий-илмий меросини дунё ҳамжамиятига танитишда муҳим қадамлардан бири бўлди.
Ўзбекистон мусулмонлари идораси
Матбуот хизмати
#xabar #umra
Аввалроқ таниқли ва тажрибали уламо, Тошкент шаҳридаги "Сирож солиҳ" жомe масжиди имом хатиби, Тошкент ислом институти ўқитувчиси Ҳасан домла Қодиров элликбоши сифатида умра сафарига бориши ва у кишига ҳамроҳ бўлишни истаганларга фурсатни қўлдан бой бермаслик ҳақида эълон бергандик (https://t.me/hajumrauz/7580).
Ваниҳоят ўша лаҳзалар етиб келди. Бугун, 24 август куни “Умра – 2025/2026” мавсумининг навбатдаги гуруҳ зиёратчилари Ҳасан домла Қодиров ва бошқа тажрибали уламолар элликбошилигида Тошкент халқаро аэропортидан Саудия Арабистонига жўнаб кетди. Сафар давомида зиёратчиларимиз ибодат ва зиёратларни гўзал тарзда адо қилиш билан бирга уламоларимизнинг таъсирли мавъизаларидан баҳраманд бўладилар, иншо Аллоҳ.
240 нафар ҳамюртимиз Тошкент халқаро аэропортидан "Uzbekistan Airways" ҳаво кемаси орқали Жидда шаҳрига йўл олди.
Маълумот ўрнида юртдошларимиз дастлаб Мадина шаҳрида 3 кун, сўнгра Макка шаҳрида 7 кун муборак зиёратда бўлади.
Шунингдек, зиёратчилар Мадинада “Grand Shahba”, Макка шаҳрида эса “Al-Ayyam Elite” ва “Marmara Hotel” каби замонавий меҳмонхоналарда истиқомат қилишади. Уларга 3 маҳал иссиқ овқат, ширинлик ва сархил мевалар тортиқ қилинади.
Умра сафари давомида зиёратчиларга тажрибали ишчи гуруҳи, малакали шифокорлар ҳамроҳлик қилади.
Бундан ташқари, Макка ва Мадина шаҳарларида муборак жойларни зиёрат қилиш билан бирга Жидда шаҳридаги Қизил денгизга саёҳатга ҳам олиб борилади.
Аллоҳ таоло ҳамюртларимизнинг сафaрларини хайрли қилиб, Байтуллоҳ ёнида дуо қилишни барчамизга насиб этсин!
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 